Justiça

33 Ba ene God ye yoba kingno mogl, suglno morabuka ya mabunomo du ake gumano kagle edibi, God makandigle taragl ta inaiglkwa panabere mere ama tenabiwe dugwa.

21 I siragl pre Krais ye tadaglme ta ere kankrukwa ba God yoba tadaglmeno mudu i pi ye moglmara edugo, Krais mudu topo erukwa. God yegl erukwa i, nono Krais kogon erumara i mina God ye du moglmere mere yegl, nono ama ye gumuglo mina yoba du moraiglmedi pre erukwa.

11 Ana God ye yoba mudu yoko kaima ere inagledi prukwa i, erme ede nogugl u kodugwa. 12 Umara nono erme makandigle moglsre, mabuno siragl mere boramga i, beke noro moglkwa. Ama makandigle yoba taragl kane kane bubuno geglmere yegl nono bubuno goglkraiglmedi beke norsre, nono yagl abu mabuno kide mane di tenaiglmedi ama beke norukwa. Te, nono yomere pamere mogl pai ersre, God mabunomo du paugwa i, duglo boramga pre beke noro moglkwa.

Pol ka las dugwa

11 Yegl erikwa ba ene God yobamo motnga pre mabuno yegl eraiglmara i, ene ere dinagledi teke ede eglke pidre, God mabunomo du paugwa i duglo bogl moglo. Ene yegl ersre, God kamo pre medigl moglsre, yoba den mudn te moglo. Te, ene adigl gigledi moglsre, mogl atne ede moglo.

8 Ana agrama abarama wagle, na ka swara ta ama ene di tenagledi prika. Ene nomano mina mabuno wakai ta paugwa i keme poglo di pre, kinano gudu pre wan molo. Na mabuno wakai we diga i, mabuno kaima ya mabuno du ya mabuno ta deglbi yeikrukwa i, ene mabuno yegl mere poglo di pre, kinano gudu pre wan moraiglkwa pre diga. Te, ene mabuno tau eribi, yoba kandre, wakai pre, ene wakai erime dinaiglkwa i, ene kinano gudu pre wan moraiglkwa pre na didre, ene mabuno ta ersre, agai goglkraiglkwa i, ene poglo di pre, kinano gudu praiglkwa pre diga.

7 Enene nomane kibi idre, no God bakagl tomun, kuno erabiwe di, yegl ta prikrio. Yoba kaya mokna mogo siragl mere ede makan mina edigwa i, i keme okuo sinaiglkwa.

9 Yegl pre nono mabuno wakai oglka erekre, ere pai moramga paugwa. Mabuno wakai ere pai mun, kaya mokna borabuka igne, mogo wakai koran, si yunamga.

18 Te, yoba ta yoba pere bogl deno muduno swara yenamnedi erikwa i, ye kaya mokna yubo i pi sudiglkwa mere yegl paugwa. I siragl pre ye erimara i, mabuno du ya mabuno wakai okuo pare ede mitna pidre, yake ede podo enabuka.

16 Yegl pre kide ene sinan, ene kideno bu yenabedi pribi, ene tadaglme erikwa i, ikne ikne di poglsre, kamage ikne ikne eraiglkwa paugwa. Yoba du ta morabuka i, kamage eran, ye kamagemo i, yobuglomo panabuka pre ye kamage erabara i, taragl podo plau dinabuka.

8 Ene God moglmara mogl magigl edio! Ene God moglmara mogl magigl edibi, ye ama ene meglmara mogl magigl edenabuka. Yoba ogono nigl edimere yegl, ene tadaglme erikwa i, i pi kide kodio! Te, ene yoba ta nomano suo yenabuka i, nomano kide, i pi kide kodibi, deno muduno pe sinabuka.

6 God yoba swara swarade mabunono erimere kuno yegl ere te ikne edenabuka.*

15 Yoba ta ene ere kide ere tebi, ene mabuno kide ta ere ikne ede tekrio. Ene mabuno ta eribi, agroma abaroma tau wakai moraiglkwa i, ene mabuno i keme ere ikne ikne edidre, yoba meda meglkwa i ama mabuno yegl ere teo.

14 Ba aglau eran, ene mabuno wakai eraiglmara i pre yubun ibi, God ene ama ere wakai ere tenabuka. Yoba ta ene kudugl goraiglmedi eribi, ene kudugl goglkre, nomane sikrio.*

33 Mo, yoba ene ere wakai ere tenaiglkwa i keme ere wakai ere te meglbi, ira debino sinbabe? Tadaglme yoba ama kuno yegl erikwa.