Justiça

33 Goto mu nyaqo momoea sa na binangara tana Tamasa beto na ona tuvisi, beto isa mina tamo vanigou sira doru sakasava vevei pira.

21 Na Karisito sa kepore na ona sela, ba pa laedagita na Tamasa sa vamalumia ko sa vapogosonia na sela ko pana oda somana kole kame tana sa gita taqe somana isongia na tuvisi tana Tamasa.

11 Ura na vairoqu vaialona tana Tamasa sa pogoso lamenia na inaalo sa sa tei bola votu tu tadira doru tinoni. 12 Ko na vairoqu vaialona isa sa totoli vatavagigalagita ko ta kilu paleniria sa na uana vavakepore Tamasa beto ira na nyorogua ikikeredi tana kasia gusu, ko ta toania gita pa oda susuvere pa kasia gusu api sa na roroqu tavagigalana, na uana tuvisina, beto na toa madina,

Na uana tuvisina tana nabulu tana Karisito

11 Goto ao, na tinoni tana Tamasa, sa mu ukuniria tu sira na sakasava ikeredi aipira. Mu nyaqo tutia tu sa na tuvisi, na pangagana na Tamasa, na rarange, na vairoqu, na vangaju beto na vajongana lao tadira na goto tinoni.

8 Na vinaokotona, ka visa tavitiqu, aipira sira na uana tavagigala jongadi beto qai tatavaragua, ko ira sa mu vakoleria pa roqumiu: isa sa sosoto, isa sa tapangaga, isa sa tuvisi, isa sa lioso, isa sa bata jonga, beto isa qai rove vajongai ira na tinoni.

7 Kita mu siana, ura na Tamasa nake rururana. Na tinoni sa isa tugu sa umania sa isa tugu sa mina abua.

9 Ko take beto roitiniria gita sira na roiti jongadi. Ura vei tanake munyala, poni sa kode mina kamua sa na totoso tonai tana abua gita sa na jongana.

18 Na vuana na tuvisi sa kolea na bule sa tauma vaniria sira qai roitinia na bule.

16 Ko sa vei sa agou mu vaiuleniria na miu sela beto mu mekarai vavara vaitokai ko na Tamasa mi salanagou. Ura na vavara tana tinoni tuvisina sa na neqina jola.

8 Mu rijo tata lao tana Tamasa, ko isa mi rijo tata lame tamugou. Agou na tinoni selamiu, sa mu valiosoria na limamiu pana roiti ikikeredi. Agou sa bararua na roqumiu, sa mu valiabururia na bulomiu pana roroqu ikeredi.

6 Ura na Tamasa mina okoto tabaraniria na laona na dia roiti sira na tinoni.✝

15 Mu kopunia ko mi kepore kai tinoni mi beinia na ikerena sa na ikerena. Goto doru totoso mu nyaqo tutia na jongana ko mu roiti laonia tana goto tinoni beto tadira doru tinoni.

14 Ba vei bu gosoro taleni tapata tu agou sa na tuvisi qu roitinia, sa tamalea sagou. Muke matagutuniria sira qai boka vanigou na tapata, beto muke mamata na takulanga.

33 Vei muna roiti kakale vajongana lao tadira gu qai roiti vajongana lame vanigou, sa kita mu kole roroqua muna tekunia na mana agou sa vei isa! Ura ira na tinoni seladi gu ba qai roiti vajongana lao tugu sa tadira na tinoni qai roiti vajongana lao vaniria.