Justiça

33 Fastaem yufala i mas lukaot gud blong obei long God we i King blong yufala, mo blong folem ol stret fasin blong hem. Nao biaen hem i save givim olgeta samting ya tu long yufala.

18 Man we i stap mekem ol fasin nogud maet i save kasem plante samting, be i no save givhan long hem, be man we i stap mekem ol stret fasin, hem i no save mestem prapa pei blong hem.

21 Man we i kaen gud long ol man, mo i stap mekem i stret long olgeta, hem bambae i gat longfala laef. Bambae ol man oli mekem i stret long hem, mo oli ona long hem.

3 Yu mas mekem ol fasin we i stret, mo yu mas mekem i sem mak long olgeta man. Hemia bambae i mekem Hae God i glad moa, i winim we yu stap bonem ol sakrefaes blong mekem wosip long hem.

2 Maet yu ting se ol samting we yu stap mekem i stret nomo, be yu mas save we Hae God i stap skelem ol tingting blong yu, mo hem i savegud blong wanem yu stap mekem ol samting ya.

2 Ol gudgudfala samting we man i kasem long fasin blong giaman, oli no save mekem wan gudfala samting long laef blong hem, be fasin we i stret we i no gat giaman long hem, hem i save sevem laef blong hem.

21 Kraes i no mekem sin nating. Be blong sevem yumi, God i mekem hem i karem ol sin blong yumi, blong God i save givim stret fasin blong hem long yumi ya we yumi joen long Kraes, blong mekem yumi kam stret man long fes blong hem.

11 God i soemaot finis fasin blong hem blong givhan long ol man long gladhat blong hem. Fasin ya blong God i openem rod, blong hem i sevem olgeta man. 12,13 Naoia yumi stap wet blong luk bigfala Dei ya we tingting blong yumi i stap long hem, we Jisas* Kraes* ya we i Hae God* mo i Sevia blong yumi, hem bambae i kamtru bakegen long bigfala paoa blong hem. Mo naoia we yumi stap wet, gladhat ya blong God i stap soemaot long yumi we naoia nomo yumi mas livim olgeta fasin we oli no stret long fes blong hem. Yumi no mas wantem tumas ol samting blong wol ya, mo yumi mas blokem ol samting we yumi nomo i wantem. Naoia yumi mas mekem ol fasin we i stret, we God i stap harem gud long hem.

Pol i toktok gud long Timoti

11 Be yu, man blong God, bambae yu no go klosap long ol samting ya. Yu yu mas traehad blong mekem ol stret fasin, mo blong folem ol fasin blong prea we God i wantem. Bilif blong yu i mas strong, mo yu mas lavem ol man. Yu mas holem wok ya gogo kasem en blong hem, mo yu mas kam wan kwaet man.

8 Ol brata mo sista. Mi wantem talem wan samting moa long yufala. I gat ol gudfala fasin i stap we oli stret gud, mo we i stret nomo blong yumi presem ol man we oli mekem ol fasin ya. Mo yufala i mas putum tingting blong yufala i stap strong long ol fasin olsem. Ol fasin ya oli tru, mo oli hae, mo oli stret, mo oli klin gud, mo oli save mekem yumi harem gud, mo ol man oli stap ona long olgeta we oli stap mekem ol fasin ya.

7 Yufala i no mastik long samting ya. I no gat man i save giaman long God. Wanem sid we man i planem fastaem long garen blong hem, be frut blong hem nomo, man ya bambae i mas kakae.

9 Bambae yumi no kam slak blong mekem ol gudfala fasin, from we sipos yumi mekem olsem, bambae long stret taem blong hem, yumi save kasem kakae from ol hadwok ya blong yumi.

18 Taem ol man blong mekem pis oli wok long kwaet fasin, i olsem we oli planem sid we frut blong hem, laef we i stret gud.

16 From samting ya, i gud yufala i stap taltalemaot ol sin blong yufala long yufala, mo i gud yufala i stap prea long yufala, blong bambae God i mekem yufala i gud bakegen. Taem we stret man i prea, prea blong hem i gat paoa, mo i save karem plante frut.

8 Yufala i mas stap klosap long God, nao hem bambae i kam stap klosap long yufala. Yufala i man nogud, yufala i mas wasem han blong yufala. Yufala we i gat tu fes yufala i mas mekem tingting blong yufala i klin.

28 from we Hae God i laekem

ol fasin we i stret,

mo i no save lego ol stret man ya

we tingting blong olgeta

i stap strong long hem.

Hem bambae i stap lukaot gud long olgeta

gogo i no save finis,

be olgeta we bambae oli stap kamaot

biaen long ol man nogud,

bambae hem i ronemaot olgeta.

15 Hae God i stap lukluk long ol stret man,

i stap lesin blong harem krae blong olgeta.

6 Gudfala man olsem,

neva bambae laef blong hem i foldaon.

Oltaem ol man bambae oli stap tingbaot

gudfala fasin blong hem.

Ol man we oli save harem gud tru

1 Olgeta we oli no wantem folem toktok

blong ol man nogud,

mo we oli no wantem folem

fasin blong olgeta,

mo we oli no wantem joen wetem olgeta

we oli stap laf long God,

olgeta ya oli save harem gud.

10 Mi mi stap traehad

long olgeta tingting blong mi,

blong mekem wok blong yu.

Plis yu halpem mi,

blong mi no lego

ol tok we yu yu putum.

5,6 ✝Yufala i stronghed, yufala i no save tanem tingting blong yufala nating. Mo from samting ya, yufala i stap hivimap ol panis blong yufala. God bambae i save givim pei long evri man, stret long mak blong ol fasin we oli bin mekem. Nao long dei ya we hem bambae i soemaot kros blong hem, i jajem ol man long stret fasin blong hem, panis blong yufala bambae i bigfala moa.

15 Sipos wan man i mekem i no stret long wan long yufala, yufala i mas lukaot gud blong bambae yufala i no go givimbak fasin we i no stret long man ya. Yufala i mas traehad oltaem blong mekem i gud long yufala mo long ol narafala man tu.

14 ✝✝Be sipos samtaem ol man oli mekem yufala i stap harem nogud long bodi blong yufala from gudfala fasin blong yufala, be long tingting blong yufala, yufala i save harem gud. Bambae yufala i no fraet long olgeta, yufala i no wari long olgeta.

33 ?Mo sipos yufala i stap mekem i gud long olgeta ya nomo we oli stap mekem i gud long yufala, from wanem yufala i ting se God i save blesem yufala? Ol man nogud tu, oli save mekem olsem.

25 Sipos yu wantem mekem promes blong givim presen i go long Hae God, be yu mas tingting gud fastaem. Sipos no, biaen, maet yu harem nogud from.