Justiça

33 Vayi lutomba theti Kipfumu ki Nzambi ayi busonga buandi, buna bela kulubuedila bima bioso biobi.

21 Niandi kasia vola kadi disumu dimosi ko vayi Nzambi wunkitula nkua masumu mu diambu dieto muingi mu diambu diandi, beto tukituka basonga va meso ma Nzambi.

Nlemvo yawu tho yi phulusu

11 Bila nlemvo wu Nzambi wunnatanga phulusu wumonika kuidi batu boso. 12 Wukutulonganga muingi tubika lenzanga Nzambi, tubika zinzinunuzi ntoto. Vayi tuzingila mu tsungi yayi, mu kambu phulu yi dia ayi yi nua. Tuzingila mu busonga, mu khinzukulu yi Nzambi

11 Vayi ngeyo mutu wu Nzambi, tina mambu momo. Landakana busonga, kinzikanga Nzambi, minu, luzolo, mvibudulu, lembama.

8 A bakhomba, mambu moso makiedika, mambu masonga, mambu moso mavedila, mambu moso mafueni mu zola, mambu moso mayenda tsangu yimboti, enati vadi diambu dimboti, diambu difueni niemoso ; buna bika mambu momo maba mu mayindu meno.

7 Lubika kueno vunuka, basekininanga Nzambi ko. Bila bioso bima weti kuna, biawu wela tota.

9 Tubika vonga mu vanganga mamboti ; bila beto kambu vonga tuela tota mimbutu mu thangu yifuana.

18 Vayi batu bobo bansalanga mu diambu di ndembama bankunanga, mbuta wubusonga mu ndembama.

16 Lukikininanga* masumu meno kuidi badieno ; bosi lusambidilanga badieno muingi lubeluka. Bila lusambulu, lu mutu wusonga, lubeki zingolo ziwombo zivangila mambu mawombo.

8 Bika lufikama vadi Nzambi ayi niandi wela kulufikama. A beno bankua masumu, bika lusukula mioko mieno, vedisanu mintima mieno beno batu luidi mintima mi vasuka.

28 Bila Yave wunzolanga mambu masonga

ayi kalendi zimbakana ko mikhuikizi miandi.

Bela kebungu mu zithangu zioso

vayi nkuna wu batu bambimbi wela lalukusu.

15 Meso ma Yave mantalanga basonga

ayi makutu mandi madi mazibuka bu beti yamikina.

6 Bukiedika kalendi nikuka ko ;

mutu wusonga wela tebukulungu moyo mu zithangu zioso.

Mina mi Yave midi tho yi mamboti

1 Lusakumunu kuidi mutu wowo wunkambu landakananga

zindongi zi batu bambimbi,

wunkambu telamanga mu nzila yi minsumuki,

ayi wunkambu vuandanga va kimosi ayi mimvuezi.

10 Ndikutomba mu ntimꞌama wumvimba,

kadi tala ti ndivengama mu zithumunu ziaku.

6 Bila mu lumbu kina, Nzambi wela futa kadika mutu boso buididi mavanga mandi.

15 Lukeba mboti muingi mutu kabika vutudila ndiandi mbimbi mu mbimbivayi lutombanga vanga mambote mu beno na beno ayi kuidi batu boso.

14 Vayi enati lulenda mona phasi mu diambu di mambu masonga, buna luidi mu khini. Lubika mona batu tsisi ayi lubika kukiyamisa.

33 Enati lumvangila mamboti kuidi bobo bakuluvangilanga kaka mambote, buna mbi lumbaka ? Bila bankua masumu mamvawu beta bu vanga.