Legalidades

17 Tu bishi, ena wu hendi? Ma reme to topa ka̱gondo pe Kaisar a̱ka̱ na.?>>

18 A Yesu ka̱ enaande wu ma̱pi tuka̱ryo tawa wa hyen ga, <<Ga̱hin ato na kenoko, yegu en de eyen man ma’an? 19 N bishi ba nsara nan ata topa ka̱gondo nan ba.>> A owangya wo udinari, 20 a Yesu wa̱ rushigi ga wa hyen,<<Ka̱nye kawa kago kan nan saran manna ta’a n rira̱’i ryawa?>>

21 << A̱ ra̱’a̱ni i Yesu a hyen wo, rira̱’i re Kaisar go n ka̱nye ka wa>>

A̱bire a Yesu wa hyen ga, <<To enaande na Kaisar ki pa̱ni i Kaisar ena Onhon ta’a ki pa̱ni Onhon.>>

Ka̱gondo ka Egewa na Onhon

24 Na a Yesu nato na moma’anga nonwan a rage n Kaparnahun, ato na to ra’aga ka̱gondo ka egewa na Onhon a rage pi Bitrus a̱ rushigi wu a hyen,<< Ka̱ma̱la̱n ka̱hin kata topa ka̱gondo? >>

25 Wa̱ ra̱’a̱ni ga wa hyen, <<En,wota topa.>>

Na Bitrus wu gegi negewa a Yesu wa̱ ri to dangya wo monran wa hyen wo, <<Yegu wu hendi a Simon?>> <<Pyawa pago pa ngoman nan kanniyan ata ra’aga nsaran nan rehatana nan ka̱gondo, pa a’o nanwan a̱ka̱ pa ato na̱ba̱?>>

26 A Bitrus wa̱ ra̱’a̱ni wa hyen, <<Pa ato na̱ba̱,>>

Naande a Yesu wa hyen i Bitrus,

<<Eya de a’o nanwan a ca topa wono.>> 27 <<Ama ma̱re to hacega ga shenmen, re manca nube, ko masan manca biwa̱ bi wu cigi to kentane ka a̱bire be won to ume. She wu ucigi uno na bewa wun tu wura̱ oshekel uka̱ nanmen, ku ume oshekel wa̱re ko owangya ga, on to rogo to topa ka̱gondo ka̱mi n gawo.>>

25 <<Ko den kushine ko maropan n woto wo owane pa woto wo shetara she etan tohano pa shetara, ma̱re woto wure awo ta̱ga̱nu n woto shetara, woto wo shetara ta’a awo owane pa a iya na wogoma, awo mansan n kurkuku. 26 Mahenda mago ma nan bi bisa̱ga̱, wo rawon to sora pa̱re, she sha wo tope ba̱nba̱n, ukobo rawo nan tu cena̱.

18 Sa̱bo na̱mi ta’a an be owana nekogo na ato ototo nan goma,na en ma bisa̱ ga monran ma rotome nekogo nanwan pa ato nande cewo Ayahudawa. 19 She aye kentane ki ga̱’i etama na monran ma in tu hita̱, beka̱ni bi ce an bi bisa̱ monran ma in tu hita̱.