Legalidades
A Bíblia reconhece a necessidade de leis e governo civil. Os cristãos são chamados a obedecer às autoridades estabelecidas por Deus, enquanto mantêm a lealdade suprema a Cristo.
Submissão às autoridades
Toda autoridade é instituída por Deus. O cristão é chamado a respeitar as leis, pagar tributos e honrar quem governa.
Ɠolo zobobɛ nuiti bɛ
Ɛsɛ pɛ ge ɠolo zobobɛ nu wolaiti bɛ, mazɔlɔɔ zoboda nɔpɛ ge la ná, nii é la zeɠeni GALA pɔ. Zobobɛ nuiti ti ná, GALA ka é naati seiɗa. Naa ɠa é ba, zɔi nɔpɛ a wuzeɠe zobobɛ nui laalɔɠɔma, é wuzeɠea GALA ná-devei laalɔɠɔma, é seiɗai. Niiti ta wuzeɠe daalɔɠɔma, naati ta ɓɔɠɔ ʋeelalazu. Mazɔlɔɔ kundiɠiiti ti la zeini faa ʋagɔ ɠɛ nu laalɔɠɔma, kɛni faa ɲɔu ɠɛ nui. Ɗa pɔ ga è mina lua zobobɛ nui ʋa, kɛlɛ? Faa ʋagɔi ɠɛ, toɠa è maamusɛ naazu. Mazɔlɔɔ toɠa ga GALA ná-botiɠɛ nui è letemazu, faa ʋagɔi ɠɛɛ vai zu. Kɛlɛ ni ɗa faa ɲɔi ɠɛɛna, lua! Mazɔlɔɔ é la boɠa zɔkpɔi zeɠezu wafuun. Toɠa ga GALA ná-botiɠɛ nui, é ɗa potokulai ɠɛ, é faa ɲɔu ɠɛ nui nɔnɔ ma zalai ve zea. Naa ɠa é ba, fizɔgɛ ga nu ɠolo zobobɛ nuiti bɛ, é la nɔ ga nii a kɛ GALA ná-ziiɠaawanai ʋoola è ʋa, kɛlɛ ɗa-ɠisiɛi vaa zu ɓalaa.
Naa ɠa é kɛɛzu wo muluiti kulazu. Mazɔlɔɔ zobobɛ nuiti ta ga GALA ná-botiɠɛ nuiti, nii a kɛ ti niima vaiti kɛ ga kɛʋele. À naa ve ɛsɛ zea, nii maanɛai wo fe zea. À mului ve naa ya, nii maanɛai wo mului ve zea. À aniiti ma mului ve naa ya, nii maanɛai wo aniiti ma mului ve zea. À unfemai ve naa ʋɛ, nii maanɛai unfemai ve bɛ. À naa wɔɔlɔ, nii maanɛai wo bɔɔlɔ.
Seiɲɔɠɔ nɛɛbɛi
Nu nɔpɛ ná-kuye mina yɛ wo ma, kɛni nɛɛbɛi nɔ a ɠɛ wo yɔɠɔzu ga kuyei wo ɠilagilagiti. Mazɔlɔɔ zɔi a zɔiti nɛɛna ʋɛ, naa ɠoloa tɔgi ʋɛ mɛtu.
À wo-ziɛ ʋelei ɓɛtɛ kidaaleʋelala nuiti saama, anɛɛ ni ta wo levezu ga faa ɲɔu ɠɛ nu, kɛɛɠeleɠele ge la ná, ta wa-ɠɛɛwoti ʋagɔiti ka, ta lɛbiyai ve GALA bɛ, voloi é ʋaazu la.
Maliɠii maaʋele ma, à ɓɔɠɔmaayei nuɓusɛiti ta-zobogi pɛ bɛ. À kɛ masagi ʋɛ, tɔ ɠa é devei unda, wo kɛ zou zɛʋɛ ɠundiɠiiti bɛ, tiya ɠa ti leʋegai ga ti faa ɲɔu ɠɛ nuiti maaɠolo, ti faa ʋagɔ ɠɛ nuiti maamusɛ.
È ɠisu vai wo dɛɛ gi ma mu: Tɔgi vaaʋɛ nɛi bu ga nu mului zala Wɔlɔme masagi Sezaal ma, ɓaa nu mina sala ma?»
Kɛlɛ Yesu ɠɛni ta-ɠisiɛ ɲɔi ɠwɛɛ, é ti wooɠaaʋoteni, é ɠɛ ti ma: «Ee, woovele nuiti! Lee vaa zu wo sùɠɔɠɔsu? À wali ɠae gila dɛɛ lɛɛ ga ze, nii mului zalazu la.» Ti ʋaani pɔ ga wali ɠae gila. É ti ɠaazaɠani, é ɠɛ ti ma: «Ɓɛ maaniini ta daasei ka é ma?» Ti gooɠaaʋoteni, ti ɠɛ ma: «Sezaal ʋe.» É ɠɛni ti ma naazu: «Deɠɛmu, nii é ga Sezaal nɔnɔi, à naa ve Sezaal ya, nii é ga GALA nɔnɔi, wo naa ve GALA zea.»
Obrigações legais
Jesus cumpriu obrigações legais, pagou impostos e orientou seus seguidores a obedecer à lei sem comprometer a fé.
Yesu ta Piyɛlɛ ti mulu ɠula vai
Ti lɛai ma Kapɛɛlɛnawume, zɔiti ti ɠɛni mului zosu GALA sei ʋɛlɛi ma vaa ma, naati ti maaɓuɠani Piyɛlɛ ʋa, ti ɠɛ ma: «Wa-ɠalamɔin la GALA sei ʋɛlɛi wu mului ta ɠulazu ɓaa?» Piyɛlɛ ɠɛ ti ma: «Ɓa-o, toɠa ɗa kula.» Siɛgi zu é lɛɛni la pɛlɛi wu, Yesu mɔunpa ge kpɔɛi zeɠeni, é ɠɛ ma: «Simon, ɗa ɠisiɛzu ɠale? Eteai zu masagiti, ɓɛ ɠa ta ɗa mului ɠula zea? Zou lointi ɓaa wɛɛinti?» Piyɛlɛ ɠɛni ma: «Wɛɛinti.» Yesu ɠɛni ma mɔnɔ: «Naa ɠa é dɛɛzu ga, zou lointi pɔ ge la ta zu. Kɛlɛ anɛɛ naa ʋe, de mina ɠɛ ga niima nuiti kaka saɓu. Tɔ ɠa é ba, yei ziɛ wolai laaʋɛ, è kalagi ʋili ziɛi wu. Kale mɔunpagi è kulazu, daalao, ɗa wali ɠaei ɠaazu su. Seɠe, è fe tiya ga de felegɔ dɔnɔi.»
«Ni nui ta a è maaɓaazaɠa laana, zuvilɛ, wo yɔɠɔzuɓɛtɛ wa tɔ, siɛgi zu wo pelei zu la, wo ɗa li tukpɔɠaaleʋezuʋɛ, naa ɠa a kɛ, è-ɓɔɛɲɔɠɔi mina è ve tukpɔɠaaleʋe nui ya, naa ʋa è ve salaʋusui ya, naa ʋa è ʋili kasoi ɠa. Gè bo è ma ga gaamai, è la ɠulaa kasoi ɠa pɛ, kɛni ɗa ɓena ga ɗa walii pɛ sala.
Ta wo zo ga maaɓa, ti li ga woye kundiɠiiti ta masagiti kakala nɔ̀un maaʋele ma, nii a kɛ wo zeele wooi wo Zuifuiti ta zii ɠiligiti ma. Kɛlɛ siɛgi zu ti liizu la ga woye tukpɔɠaaleʋezuʋɛ, à mina yiizoolɛ ga ʋelei wa ɓɔɛ la, ɓaa nii wa bo, tɔɔzei naa ɠa ve wo ya ma yeeɠɛɠalai nɔ zu.
Yesu zɔlɔɔ fai
Naama ziɛgi zu, masagi Sezaal Oguste devei veeni ga kɛni daasei sɛʋɛi ɠɛ ná-masadai zu ná pɛ. Daasei sɛʋɛ mɔungi ɠɛni ga naa, nii é ɠɛɛni. Naama ziɛgi zu Kiliniyuse ɠa é ɠɛni ga Siili you ɠundiɠii. Ɛsɛ gilagilagi pɛ ge ɠɛni liizu daaseigi zɛʋɛ vai ma, tɔ ɓɔɠɔi sɔlɔɔ taai zu.
Zozɛfe ɓalaa zeɠeni Nazalɛte taazuʋɛ, Galilé yooi zu, é lɛ Zudé yooi zu, Davide ná-taazuʋɛ, ʋɛ ná laa ga Ɓɛteleyɛme, mazɔlɔɔ é ɠɛni ga Davide mavofodai ta, ta ná-pɛlɛ wu nui ta, nii a kɛ ti-laaseigi zɛʋɛ ta Mali, nii maazoga ɠɛni de bɛ, kogi ma.
Perspectiva divina
As nações são como uma gota no balde diante de Deus. Ele abre portas que nenhuma lei pode fechar.
Ɠɔoɠɔ GALAGI ɠaazu, zii ɠiligiti ti la leʋeni ziɛ goi ʋa
é ʋilɛsu peinpein songoi zu,
ɓaa eɠɛ fufili gilagi, é kiloi ɠa.
Wɛlɛ ziɛ zaama yooiti ba, ta kpoloɗɛi laaʋɛ yooiti,
toɠa ɗa ti wuzeɠe nɔ eɠɛ fufiligi nɔ.
Zii ɠiligiti pɛ ti la gaazu ga ani nɔpɛ,
ti-losuʋɛ ɠa tɔun bɛ nɔ ga fuungi nɔ ta ná ɲaka.
Mazɔlɔɔ botii ɠɛ zobo pagɔi ma ʋɛlɛla wolai laalaogɛ tùɠɔ, anɛɛ ni sàkpe nuiti mɔinʋɛ.
Pilate ɗa ɠɛ ma: «Toɠa ɠale? Nà ɠa è la kɛɛzu è ʋa ɓɔɛ pɔ̀? È la suɠwɛɛ ɓaa ga zobogi ɠa bɛ̀, gè è ʋilɛ, ta zobogi ɠa bɛ̀ ga gè è ɓadɔ saa wului ma?» Yesu gooɠaaʋoteni, é ɠɛ ma: «Ɗa-zobo nɔpɛ ge la mà, é ɠula naa ʋolu nii GALA ge feai è ya, é zeɠe geezuʋɛ. Tɔ ɠa é ba, zɔi é fèai è ya, naama nui unma ɠotoi wola wɔɔlɔʋɛ.»
Este artigo te tocou? Faça uma oração!
+581 estão orando agora.
Junte-se à corrente de oração.