Legalidades

Kuwategeleza watawala wa isi

1 Chila munhu kolondeka kuwategeleza watawala wa isi, kwaviya habule utawala haulawile kwa Mulungu bule, na uja uli sambi wikigwa na Mulungu. 2 Mbali ija munhu yolema utawala, munhu iyo komulema Mulungu yawikile, nawo wotenda ivo wezatagusigwa. 3 Kwaviya watawala hawadumbigwa bule na wanhu wotenda yanogile, mbali wodumbigwa na wanhu wotenda yehile. Na weye one hulonda kumdumba mtawala, utende yanogile, nayo kezakutogola. 4 Kwaviya yeye komsang’hanila Mulungu kwa ichimu cha yanogile. Mbali uhatenda yehile, umdumbe kwaviya kodaha kukutagusa. Yeye komsang’hanila Mulungu, kowalagusa ludoko lwa Mulungu waja wotenda yehile. 5 Ivo yolondeka kuwategeleza watawala, sekeiwe kwa kudumba nhaguso ya Mulungu muhala, mbali kwaviya yolondeka ivo muna umoyo wako.

6 Kwa ichimu icho mweye moliha kodi, kwaviya watawala wawo womsang’hanila Mulungu, yahawa wofikiza viya viilondeka. 7 Mwing’heni chila munhu chiya choyolondeka, munhu wa usulu, mwing’heni usulu wake na munhu wa kodi yeng’higwe kodi yake, yolonda kuhulikigwa na yahulikigwe.

Kuilonda chindugu

8 Sekemudaigwe chinhu chochose, mbali mudaigwe kuilonda muhala. Kwaviya ija yomulonda miyage, iyo koyategeleza Malagilizo ya Mulungu yoyamwing’hile Musa.

12 Ugenzi wenu kwa wanhu hawammanyile Mulungu, wolondeka uwe unoga ng’hani mbaka haja honda wawavwizile kuwa mosang’hana yehile, wadahe kuvimanya sang’hano yenu inogile na ivo wamwing’he ukulu Mulungu muna Isiku ya kwiza kuwalamulila nhaguso wanhu.

13 Wategelezeni wanhu wose weli na udaho kwa ichimu cha Mndewa, fana mfalume mkulu yeli na ludabwa lukulu lwa kulanguliza, 14 hebu wakulu wa mikowa, wowasaguligwe nayo kuwatagusa wanhu wotenda yehile na kuwatogoza wanhu wotenda yanogile.

17 Lelo chilongele, kogesaze? Vinoga kumwing’ha kodi mfalume wa Loma hebu havinogile?"

18 Mbali Yesu kavimanya wihi wawo, kawalongela, "Mweye mwawadelenya! Mbona monigeza? 19 Nilaguseni hela yoisang’haniligwa kuliha kodi!"

Wamgalila sente. 20 Yesu kawauza, "Chihanga chino na zina dino va yelihi?"

21 Wamwidika, "Va mfalume wa Loma."

Yesu kawalongela, "Mwing’heni mfalume wa Loma vili va mfalume wa Loma na mwing’heni Mulungu vili va Mulungu."

Kuliha kodi ya Kaye ya Mulungu

24 Yesu na wanahina wake viwafikile Kapelinaumu, wasola kodi ya Kaye ya Mulungu weza kwa Petili, wamuuza, "Vino mfundiza wenu koliha kodi ya Kaye ya Mulungu?"

25 Petili kawedika, "Ona, koliha."

Petili viyengile mgati, Yesu kandusa kumulongela, "Kowonaze Saimoni? Vino wafalume wa isi wosola kodi na usulu kwa wanhu welihi? Kwa wanhu wa isi yawo hebu kwa wageni?"

26 Petili kamwidika, "Kwa wageni."

Yesu kalonga, "Vinoga. Ivo wakaya hawalondeka kuliha kodi bule. 27 Mbali hachilonda kuwadesa wanhu wawo bule. Ivo hita kuna dilamba ukalowe somba kwa ndwano. Somba wa mwanduso yondaunpate, muna umulomo wake kwizawona sente yoifaya kulihila kodi yangu na yako. Sola ukalihe kodi yetu."

25 "Wiilumbe na msitaki wako cha himahima, mung’hali muna inzila kuhita kuchitala. Bule ivo msitaka wako kezakugala kwa msemi na msemi keza kugala kwa mkalizi, maabaho na weye kwizafungigwa muna ichifungo.

26 "Nokulongela kweli, hwizalawa umo bule mbaka ulihe sente ya uhelelo.

18 Mwizagaligwa haulongozi ha watawala na wafalume kwa ichimu changu, kuwa mkalangama Mbuli Inogile na iviya kwa wanhu weli siyo Wayahudi. 19 Vondamugaligwe kuna ichitala, sekemdumbe mwizahita kulonga choni hebu mwizalongaze lusita lwahafika mwizakwing’higwa cha kulonga.

Kwelekigwa kwa Yesu

1 Siku ziya, Agusito, Mfalume wa Loma keka lagilizo da kuwalonda wanhu wose wa ufalume wa Loma wapetigwe. 2 Uwo ukala mwanza wa mwanduso kwa wanhu kupetigwa, Chileniyo viyakalile mkulu wa isi ya Siliya. 3 Ivo chila munhu kahita muna dibululu jake kwandikigwa zina jake.

4 Yosefu kalawa bululu da Nazaleti muna iisi ya Galilaya, kahita bululu da Betelehemu muna iisi ya Yudeya, hanhu hoyelekigwe Mfalume Daudi. Yosefu kahita haja kwaviya kalawa muna ulukolo lwa Daudi. 5 Kahita kupetigwa hamwe na mhambe wake Maliya, yoyakalile na wimo.

9 Lwivi luvuguligwa kwa usang’hano wangu unogile hano, ingawa wonilema ni wengi.

10 Pilato kamulongela, "Vino kwolema kulonga na niye? Huvimanyile bule kuwa nina udaho wa kukulekela hebu kukuwamba mumsalaba?"

11 Yesu kamwidika, "Udaho wose woulinawo kumwangu kwing’higwa na Mulungu. Nayo munhu ija yoyanigalile kumwako kana uhasanyi mkulu ng’hani."