Legalidades

အုပ်ချုပ်သူများ၏ အမိန့်အာဏာများကို နာခံခြင်း

1 အုပ်ချုပ်သူများ၏အမိန့်အာဏာကို လူတိုင်း လိုက်နာကြရမည်။ အကြောင်းမူကား၊ ဘုရားသခင်အခွင့်မပီးလျှင် ထိုအုပ်ချုပ်သူရို့၌ အာဏာ မဟိ။ အုပ်ချုပ်သောသူရို့၌ ဟိသောအခွင့်အာဏာသည် ဘုရားသခင် ပီးထားသောကြောင့်သာ တည်ရ၏။ 2 ထို့ကြောင့်၊ အုပ်ချုပ်သူတိကို ဖီဆန်သူသည် ဘုရားသခင်ပီးထားသောအမိန့်ကို ဖီဆန်သောသူဖြစ်သဖြင့် ထိုသူသည် အပြစ်စီရင်ခြင်းကို ခံရလိမ့်မည်။ 3 ကောင်းသောအကျင့်ကို ကျင့်သောသူသည်ကား အုပ်ချုပ်သူများကို ကြောက်စရာမလို။ မကောင်းသောအကျင့်ကို ကျင့်သောသူရို့သာလျှင် အုပ်ချုပ်သူများကို ကြောက်ကြရမည်။ သင်သည် အုပ်ချုပ်သူများကို မကြောက်ဘဲနိန်ချင်လား။ ထိုသို့ဆိုလျှင် ကောင်းသောအကျင့်ကို ကျင့်ရမည်။ အုပ်ချုပ်သူများကလည်း သင့်ကို ချီးမြှောက်လိမ့်မည်။ 4 အကြောင်းမူကား အုပ်ချုပ်သူများသည် သင်ရို့၏ကောင်းကျိုးအလို့ငှာ ဘုရားသခင်၏ အစီခံဖြစ်ကြ၏။ သို့သော်လည်း သင်ရို့သည် မကောင်းသောအကျင့်ကို ကျင့်လျှင် ထိုသူရို့ကို ကြောက်ကြရမည်။ အကြောင်းမူကား သူရို့၏အာဏာသည် မကောင်းသောအကျင့်ကို ကျင့်သောသူများကို အပြစ်စီရင်ခြင်းငှာ ဖြစ်၏။ သူရို့သည် မကောင်းသောအကျင့်ကို ကျင့်သူတိကို အပြစ်စီရင်ခြင်းငှာ ဘုရားသခင်၏ အစီခံဖြစ်ကြ၏။ 5 သို့ကြောင့် ဘုရားသခင်၏အပြစ်စီရင်ခြင်းကို ကြောက်၍သာ မဟုတ်ဘဲ၊ မိမိရို့၏အသိစိတ်ဖြင့် အုပ်ချုပ်သောသူရို့၏ အမိန့်အာဏာများကို နာခံကြရမည်။

6 ✝အုပ်ချုပ်သောသူရို့သည် ဘုရားသခင်၏အမှုတော်ကို ဆောင်ရွက်သောသူတိဖြစ်ကြသောကြောင့် သင်ရို့သည် သူရို့အား အကောက်ခွန်ကို ပီးကြလော့။ 7 ထို့ကြောင့်သင်ရို့သည် မိမိရို့ပီးစရာဟိသောအကြွီးများကို ပီးဆပ်ကြလော့။ မိမိရို့ ပိုင်ဆိုင်ကြသည့်အလျှောက် အကောက်ခွန်ကို ပီးကြလော့။ ရိုသီထိုက်သောသူတိကို ရိုသီကြလော့၊ ဂုဏ်ပြုထိုက်သောသူတိကို ဂုဏ်ပြုကြလော့။

တစ်ယောက်ကိုတစ်ယောက် ပြုရမည့်ဝတ္တရား

8 သင်ရို့သည် အချင်းချင်း ချစ်ခြင်းမေတ္တာမှလွဲ၍ တခြား ဇာအကြွီးကိုမျှ မတင်စီကတ်ကေ့။ သူတစ်ပါးကို ချစ်သောသူသည် ပညတ်တရားကို နာခံလိုက်လျှောက်ပြီးဖြစ်၏။

12 သာသနာပလူရို့သည် သင်ရို့အား မကောင်းမှုပြုကြသူများဟု ပြစ်တင်စွပ်စွဲလျက် နိန်ကြစဉ် သင်ရို့၏ ကောင်းသောအကျင့်များကို မြင်သဖြင့် သခင်ဘုရား ကြွလာတော်မူသောနိ့၌ ဘုရားသခင်အား ချီးမွမ်းကြစီရန် သင်ရို့သည် ထိုသူရို့ရှိ့တွင် တင့်တယ်လျောက်ပတ်စွာ ပြုမူလျက် နီထိုင်ကြလော့။

13 သခင်ဘုရား၏ မျက်နှာတော်ကိုထောက်၍ လူသားနှင့်စပ်ဆိုင်၍ စီရင်အုပ်စိုးခြင်းတည်းဟူသော အထွတ်အမြတ်ဖြစ်သော ဧကရာဇ်​မင်းကိုလည်းကောင်း၊ 14 လူဆိုးတိကို အပြစ်ပီးရန်နှင့်၊ ကောင်းသောအမှုကို ပြုသောသူတိကို ဂုဏ်ပြုချီးမွမ်းရန် ခန့်ထားသော အစိုးရမင်းများကိုလည်းကောင်း နာခံကြလော့။

17 သို့ဖြစ်၍ ရောမဧကရာဇ်ဘုရင်ကို လူခွန်ပီးခွင့် ဟိပါသလား၊ ကိုယ်တော်၏ ထင်မြင်ချက်က ဇာပိုင်လဲ၊ အကျွန်ရို့အား မိန့်ကြားတော်မူပါ" ဟု လျှောက်ကြ၏။

18 သို့သော်လည်း ယေသျှုသည် သူရို့၏ယုတ်ညံ့သော အစီအစဉ်ကို သတိမူ၍ "သူတော်ကောင်းယောင်ဆောင်သောသူတိ၊ ငါ့ကို အပြစ်ရောက်စီခြင်းငှာ ဇာကြောင့် ကြိုးစားနိန်ကတ်လဲ၊ 19 သင်ရို့ အခွန်ပီးသော ဒင်္ဂါးပြားကို ငါ့ကို ပြကတ်ပါ" ဟု မိန့်တော်မူ၏။

သူရို့သည် ဒင်္ဂါးပြားကို ယေသျှုပါးသို့ ယူလာကြသောအခါ၊ 20 ကိုယ်တော်က "ဤဒင်္ဂါးပြားမှာ ဇာသူ၏မျက်နှာပုံနှင့် နာမည်ပါလဲ" ဟု သူရို့ကို မိန်း၏။

21 သူရို့က "ဧကရာဇ်မင်းကြီး၏ မျက်နှာပုံနှင့် နာမည်ပါ၏" ဟု လျှောက်ကြ၏။

ထို့ကြောင့် ယေသျှုက "ကောင်းယာ၊ ဧကရာဇ်မင်းကြီးပိုင်သောအရာကို ဧကရာဇ်မင်းကြီးအား ပီးကြ။ ဘုရားသခင်ပိုင်သောအရာကို ဘုရားသခင်အား ပီးကြ" ဟူ၍ မိန့်တော်မူလိုက်၏။

ဗိမာန်တော်အခွန် ပီးဆောင်ခြင်း

24 ယေသျှုနှင့် သူ၏တပည့်တော်ရို့သည် ကပေရနောင်မြို့သို့ ရောက်လာကြသောအခါ ဗိမာန်တော် အခွန်ကောက်သူများသည် ပေတရုပါးသို့ ရောက်လာကြပြီးလျှင် "သင်ရို့ဆရာသည် ဗိမာန်တော်အခွန်ကို ပီးပါလား" ဟု မိန်းကြ၏။

25 "ပီးပါရေ" ဟု ပေတရုက ပြန်ပြော၏။

ပေတရုသည် အိမ်ထဲသို့ ဝင်လာသောအခါ ယေသျှုက "သျှိမုန်၊ သင်၏ထင်မြင်ယူဆချက်က ဇာပိုင်လဲ။ လောကီ သျှင်ဘုရင်တိကို ဇာသူတိက အခွန်ပီးကတ်ရလဲ။ တပါးအမျိုးသားတိက ပီးကတ်ရလား၊ မိမိနိုင်ငံသားတိက ပီးကတ်ရလား" ဟု ဦးစွာ မိန်းတော်မူ၏။

26 "တပါးအမျိုးသားတိကသာ အခွန် ပီးကတ်ရပါရေ" ဟု ပေတရုက ဖြေ၏။

ထိုအခါ ယေသျှုက "ကောင်းပြီ၊ ဆိုလိုသည်မှာ မိမိနိုင်ငံသားတိက ပီးစရာမလို။ 27 သို့သော်လည်း ငါရို့သည် အခွန်ကောက်သောသူရို့ကို စော်ကားပြစ်မှားခြင်းငှာ အလိုမဟိ။ ထို့ကြောင့် အိုင်သို့ လား၍ ငါးမျှားခီ။ သင်သည် ပထမဆုံး မျှားလို့ရသည့်ငါးကို ဆွဲတင်၍ ထိုငါး၏ ပါးစပ်ကို ဖွင့်လိုက်လျှင် ငါနှင့် သင်ရို့၏ ဗိမာန်တော်အခွန်အတွက် လုံလောက်သော ဒင်္ဂါးတစ်ပြားကို တွိ့လိမ့်မည်။ ထိုဒင်္ဂါးကို ယူ၍ ငါ့ရို့အတွက် အခွန်ကို သူရို့အား ပီးလိုက်ကြ" ဟု မိန့်တော်မူ၏။

25 "တစ်စုံတစ်ယောက်က သင်ရို့ကို တရားစွဲရန် တရားရုံးသို့ ဆွဲခေါ်လားမည်ဆိုလျှင် တရားရုံးကို မရောက်ခင် လမ်းမှာ ထိုသူကို အချိန်မီ ကြေနပ်အောင် လုပ်လိုက်ပါ။ ထိုသို့ မဟုတ်လျှင် ထိုသူသည် သင့်ကို တရားသူကြီးလက်သို့ အပ်လိမ့်မည်။ တရားသူကြီးက သင့်အား ရဲလက်သို့ အပ်လိမ့်မည်။ ရဲတိက သင့်ကို ထောင်ထဲ၌ ချထားလိမ့်မည်။ 26 သင်ရို့ကို ငါ အမှန် ဆိုသည်ကား၊ လျော်ပြစ်ငွီဟိသမျှကို မပီးမချင်း သင်သည် ထောင်ထဲက လွှတ်လိမ့်မည် မဟုတ်။

18 ငါ့ကြောင့် အာဏာပိုင်များနှင့် သျှင်ဘုရင်များ၏ရှိ့မှောက်၌ စစ်ဆီးမိန်းမြန်းရန်လည်းကောင်း၊ ထိုသူရို့နှင့်တကွ တခြားလူမျိုးတိကို သတင်းကောင်းတရား ဟောကြားခြင်းငှာလည်းကောင်း သင်ရို့ကို ဖမ်းဆီးခေါ်ဆောင်လားကတ်လိမ့်မည်။ 19 ထိုသူရို့က သင်ရို့ကို စစ်ဆီးမိန်းမြန်းရန် ခေါ်ဆောင်လားကြသောအခါ ဇာကိုပြောရမည် သို့မဟုတ် ဇာပိုင် ပြောရမည်ကို မစိုးရိမ်ကတ်ကေ့၊ အချိန်ရောက်လာသောအခါ သင်ရို့ ဇာကိုပြောရမည် ဆိုသည်ကို သိလာကတ်လိမ့်မည်။

ယေသျှုဖွားမြင်ခြင်း

1 ထိုကာလ၌ ဧကရာဇ်ဘုရင် သြဂုတ္တုသည် ရောမအင်ပါယာတစ်ခုလုံးကို သန်းခေါင်စာရင်း ကောက်ယူရန် အမိန့်တော်ထုတ်လေ၏။ 2 ဤသည်ကား ကုရေနိသည် ယှုရိဘုရင်ခံဖြစ်သောအခါ ပထမဆုံးအကြိမ် သန်းခေါင်စာရင်း ကောက်ခြင်း ဖြစ်၏။ 3 သို့ဖြစ်၍ လူတိုင်းသည် စာရင်းသွင်းရန် မိမိရို့၏ဇာတိမြို့ရွာသို့ လားကြ၏။

4 ထို့ကြောင့် ယောသပ်သည်လည်း ဒါဝိဒ်၏အမျိုးအနွယ် ဖြစ်သောကြောင့် ဂါလိလဲနယ် နာဇရက်မြို့မှ ဒါဝိဒ်၏မြို့ဖြစ်သည့် ယုဒပြည် ဗက်လင်မြို့သို့ လားကြ၏။ 5 သူသည် ထိမ်းမြားရန် စိ့စပ်ထားသော မာရိနှင့်အတူ စာရင်းသွင်းရန် လားလေ၏။ သူမ၌ ကိုယ်ဝန်လွယ်ထားလျက် ဟိ၏။

9 ထိုမြို့၌ ငါ့ကို ဆန့်ကျင်ဖက်ပြုသောသူတိ ဟိသော်လည်း အကျိုးဟိသောအလုပ်ကို လုပ်ခြင်းငှာ ငါ့အဖို့ လွန်စွာကြီးသော တန်းခါးသည် ဖွင့်လျက်ဟိ၏။

10 ပိလတ်ကလည်း "သင်သည် ငါ့ကို စကားမပြောချင်သလား၊ ငါသည် သင့်ကို လွှတ်လိုက လွှတ်နိုင်သည်၊ လက်ဝါးကပ်တိုင်မှာ တင်ပြီး သတ်လိုက သတ်နိုင်သော အာဏာ အပြည့်အဝဟိသည်ကို သင်သည် မသိသလော" ဟု မိန်း၏။

11 ယေသျှုက "ဘုရားသခင် အခွင့် မပီးလျှင် မင်းကြီးသည် ငါ၌ မည်သည့် အခွင့်အာဏာမျှ မဟိပါ။ ငါ့ကို မင်းကြီးလက်သို့ အပ်နှံသော သူသည် သာ၍ အပြစ်ကြီးပါ၏" ဟု ဆို၏။