Legalidades
A Bíblia reconhece a necessidade de leis e governo civil. Os cristãos são chamados a obedecer às autoridades estabelecidas por Deus, enquanto mantêm a lealdade suprema a Cristo.
Submissão às autoridades
Toda autoridade é instituída por Deus. O cristão é chamado a respeitar as leis, pagar tributos e honrar quem governa.
स्वर्ग राज़े बारै ज़िम्मैंबारी
हरेक मणछ रहै सरकारी अफसरे डरा हेठै, किल्हैकि राज़ करनै आल़ै मांझ़ै निं इहअ कोह आथी ज़ुंण परमेशरा बाखा का नांईं आथी। तिन्नां लै ज़ुंण राज़ करनैओ हक आसा परमेशरै ई दैनअ द।
इहअ करै ज़ुंण बी मणछ राज़ करनै आल़ै अफसरा लै द्रोह करा, सह करा परमेशरे बधाना लै द्रोह, अर बधाने द्रोह करनै आल़ै भेटणीं सज़ा।
ज़ै कुंण भलै काम करे, तेऊ निं अफसरा का डरने ज़रुरत आथी, पर ज़ै कुंण कदुष्ट काम करे तेऊ लागा डरनअ। ज़ै तूह इहअ च़ाहा कि ताह निं अफसरे डअर लोल़ी रही, तै कर भलअ अर तिहअ करै करनअ तिन्नां बी तेरअ अदर।
किल्हैकि सह आसा तेरी भलाई करना लै परमेशरो दास। पर ज़ै तूह बूराई करे, तै हुअ ताह डरनअ किल्हैकि तेऊ का आसा ताल्है सज़ा दैणैंओ हक, सह आसा परमेशरे दास तेऊ खास मकसद पूरै करना लै कि ज़ुंण कदुष्ट काम करे तिन्नां लै सज़ा दैए। तम्हैं निं डरा हेठै सिधै एते तैणीं रही कि सज़ा का बच़े पर थारी सोर-समझ़ बी शुची रहे।
तैही लागा कारअ बी दैणअ, किल्हैकि तिंयां अफसर आसा परमेशरे दास अर तेऊ कामां पूरै करदै लागै दै ज़ुंण तिन्नां करनअ लागा। इहअ करै करनअ हरेकी मणछो हक दैई, ज़हा कारअ लोल़ी, तेऊ लै दैआ कारअ, ज़ै कहा च़ंदअ लोल़ी तेऊ लै दैआ च़ंदअ। ज़सरी डरा हेठै लागा रहणअ तेते रहणअ डरा हेठै, ज़सरअ अदर लागा करनअ तेऊओ करा अदर।
एकी दुजे बारै ज़िम्मैंबारी
आप्पू मांझ़ै निं झ़ूरी छ़ाडी होरी किछ़ी च़िज़े ऋणी हई, किल्हैकि ज़ुंण दुजै लै झ़ूरी करा सह करा परमेशरे बधाने हर गल्ला पूरी।
तम्हां फेर रहा तिंयां लोग ज़ुंण परमेशरा दी विश्वास निं करदै तिंयां सका इहअ तम्हां लै दोश लाई कि थारै काम आसा बूरै। तैही डाहणअ धैन कि तम्हैं किहअ बभार करा, ताकि तिंयां थारअ भलअ बभार भाल़े। खिरीए धैल़ी मनणी तिन्नां अह गल्ल कि थारअ बभार आसा भलअ अर खिरी करनअ परमेशरो अदर ज़ेभै मसीहा ईशू संसारे नसाफ करदअ पृथूई लै फिरी एछणअ।
परमेशरे दास
प्रभूओ अदर करना लै लागा हाम्हां तिन्नों हुकम मनणअ ज़ुंण संसारै हाम्हां प्रैंदै राज़ करा, ज़िहअ कि राज़अ, ज़ुंण सोभी प्रैंदै प्रधान आसा। हाकम, ज़हा लै राज़ै आसा हक दैनअ द, तिंयां आसा तिन्नां लै सज़ा दैंदै छ़ाडै दै ज़ुंण गलत करा अर तिन्नां सराहंदै ज़ुंण भलअ करा।
तूह खोज़ हाम्हां का ऐहा गल्ले बारै कि तेरी हाम्हां लै एते बारै किज़ै राऐ आसा कि माहा राज़ै लै कारअ दैणअ ठीक आसा कि नांईं?"
ईशू हेरअ तिन्नें दिलो कपट समझ़ी संघा बोलअ तिन्नां लै, "कपटी मणछो, तम्हैं किल्है आसा मुंह परखदै लागै दै? तेऊ सिक्कै रहैऊआ मुखा ज़ेता लोग राज़ै लै कारअ दैआ।" तिन्नैं आणअ तेऊ सेटा एक च़ंदीओ सिक्कअ। ईशू बोलअ तिन्नां लै, "एऊ सिक्कै दी अह मुहुर्ती अर नाअं कसरअ आसा?"
तिन्नैं बोलअ, "एथ आसा माहा राज़ैओ नाअं अर मुहुर्ती।"
तेखअ बोलअ ईशू तिन्नां लै, "ज़ुंण माहा राज़ैओ आसा, तेऊ दैआ माहा राज़ै लै। ज़ुंण परमेशरो आसा, तेऊ दैआ परमेशरा लै।"
Obrigações legais
Jesus cumpriu obrigações legais, pagou impostos e orientou seus seguidores a obedecer à lei sem comprometer a fé.
परमेशरे भबना लै कारअ दैणअ
ज़ांऊं ईशू अर तेऊए च़ेल्लै कफरनहूम नगरी पुजै, तिधी पुछ़अ एकी लै कारै गराहणै आल़ै पतरासा का, "थारअ गूरू परमेशरे भबना लै कारअ बी दैआ कि नांईं?" पतरासै बोलअ, "हाँ, दैआ ता दैआ।"
ज़ांऊं पतरास घअरै पुजअ, तेऊए पुछ़णै का आजी हेरअ ईशू तेऊ लै बोली, "शमौन, तूह कै समझ़ा? कि ईंयां पृथूईए राज़ै च़ंदअ या कारअ कहा-कहा का मांगा? आपणैं शोहरू या पराऐ का?"
पतरासै बोलअ, "पराऐ का।"
ईशू बोलअ तेऊ लै, "एऊ साबै गऐ तै शोहरू कारै दैणैं बच़ी।
"तैबी बी दैणअ हाम्हां बी कारअ ताकि तिंयां नराज़ नां होए। तूह कर इहअ, समुंदरे बाढै डेऊ अर कांडअ पाआ म्हाछ़ली लै, ज़ुंण म्हाछ़ली पैहलै तेथ शाचे तैहा आणै। म्हाछ़लीए खाख खोल्ही भेटणअ ताह एक च़ंदीओ सिक्कअ, अर तेऊ निंईं दैऐ मेरै अर आपणैं बदल़ै कारअ।"
"ज़ेभै तैणीं तूह आपणैं दुशमणा संघा बाता आसा, तेभी कर तेऊ संघै मेल़-ज़ोल़। इहअ निं हआ कि सह निंए ताह पांच़ा सेटा अर पांच़ दैए ताह सपाही का अर सपाही पाए ताह कैद खानै दी। ऐहा गल्ला लऐ तूह समझ़ी कि ज़ेभै तैणीं तूह पाई-पाई निं भरी मुक्के, तेभै तैणीं निं तूह तिधा का छ़ुटणअ।
मुंह दी विश्वास करनै पिछ़ू निंणै तम्हैं कैद करी राज़पाल अर राज़ै सेटा, अह हणअ तम्हां लै मोक्कअ कि तिन्नां अर होरी ज़ाती का मेरै बारै शाजत दैई सके। ज़ेभै तिंयां तम्हां कैद करी दालता दी निंए, तेभै निं तम्हैं एही फिकर करी कि हाम्हां किहअ करै बोल़णअ अर किज़ै बोल़णअ?
"ज़ुंण बी तम्हां तिधी बोल़णअ होए, सह हेरनअ तम्हां लै परमेशरा तैहा ई घल़ी खोज़ी।
ईशूओ ज़ल्म
तिन्नां धैल़ै दैनअ रोम राज़ा दी अगस्तुस माहा राज़ै इहअ हुकम कि ज़ेतरै देशै रोम राज़ैओ राज़ आसा, तिन्नां सारै देशे लोगे नाअं करा दर्ज़ ज़ेथ। अह ती संसारै पैहली नाअं लखाई ज़ुंण तेऊ ज़मानैं हुई, ज़धू कुरेनिऊस सिरीया मुल्खो राज़पाल त। सोभ लोग डेऊऐ नाओंआं दर्ज़ करदै आपणीं-आपणीं नगरी लै ज़ुंण तिन्नें मूल़ ज़ैगा आसा। एता लै डेऊअ युसुफ बी किल्हैकि सह बी थिअ राज़ै दाबेदे खिंबा का। सह डेऊअ गलील मुल्खे नासरत नगरी का यहूदा मुल्खै बेतलेम राज़ै दाबेदे नगरी लै। युसुफ बी डेऊअ मरिअमा संघै आपणीं हणैं आल़ी लाल़ी मरिअम ज़ुंण सुंदी ती, ज़हा संघै तेऊ बरनीं ती लाई दी ताकि सह नाअं दर्ज़ करी सके।
Perspectiva divina
As nações são como uma gota no balde diante de Deus. Ele abre portas que nenhuma lei pode fechar.
बिधाता सम्हनै निं कोहै देश किछ़ बी आथी,
तिंयां आसा तेऊ लै बाल्टी भितरी पाणींए टिप्पू ज़िहै,
समुंदरे बडै-बडै टापू बी आसा तेऊ लै शणैंऊंए धूल़ै ज़िहै हल़कै।
सारै देश निं तेऊ सेटा किछ़ बी आथी, तिंयां आसा बृथा।
मुखा आसा इधी बधिया काम करनैओ मोक्कअ। एही ता आसा इधी खास्सै मणछ मेरै खलाफ।
पिलातुसै बोलअ ईशू लै, "तूह मुखा किल्है निं बोल्दअ? मुखा आसा सारै हक, ताह हुंह छ़ाडी बी सका अर ताह हुंह क्रूसा दी बी सका छ़ड़ाऊई।"
ईशू दैनअ तेऊ लै ज़बाब, "ज़ै अह हक उझै का नांईं भेटदअ, तै निं मुंह दी तेरअ किछ़ै हक हणअ त। तैही ज़ुंणी मणछै हुंह ताखा दैनअ, तेऊओ पाप आसा खास्सअ।"
Este artigo te tocou? Faça uma oração!
+581 estão orando agora.
Junte-se à corrente de oração.