Legalidades

Teyɗukiɗ kilifaaci tufkiɗu

1 Yaa nu nga teyɗukɗaat kilifaaci tufkiɗu ; raakɗi yi na nike kilifa te wa pulohɗi ŋ Kooh, te ɓi nik kilifa nga ɗa, a Kooh tufkiɗ ɓa. 2 Yaa nu sang teyɗukiɗ nguur ɗah, a sang teyɗuk ini Kooh tufkiɗ ; ɓi na tume ineem hey degse ŋ waas.

3 Ɓi tufkiɗu neƴƴohaah haa nik ne fu na tume baahiɗ ɗah, waaye nik ne fu na tume baahaaɗi ɗah, ɓa neƴƴohaah. Fu waaɗiɗ sang neƴƴoh ɓi tufkiɗu e ? Tuma baahiɗ, fu raak corkiɗiŋ ɓa. 4 Ɓa nik ŋ pangkiŋ Kooh wuu ini baah nga ɗa. Waaye fu tum baahaaɗi ɗah, neƴƴohaa ɓa, ɓa ganaayukɗi ŋ ɓarang ɓarang. Ɓa nik ŋ pangkiŋ Kooh ne ɓa degohee ŋ waas, ɓa na tiindɗe ayrukiŋ Kooh ngaŋ yi na tume baahaaɗi. 5 Ineem weɗ tah, wa etohiɗ ne fu teyɗuk ɓa ; neƴƴoh ayruki dong kinaat tah, waaye wa namaat nik ne hel onohiɗ ne wa waas.

6 Ineem weɗ nam tah po ɗu wirnde lempo. Laam, kilifaaci, ɓa na pangkiɗe Kooh te wirndiŋ lempooni, ɓa na faɗohee wa faɗoh nof. 7 Eɗaat ɓa yaa nu nga ini ɗu joy ɗe eɗ ; eɗaat lempooni yi ɗu joya eɗ, ɗu eɗ juutiini yi ɗu joya eɗ, ɗu nup yi ɗu joy nup, ɗu eɗ cir yi ɗu joya eɗ.

Waaɗoh weɗ mitiɗ waas

8 Kinaat raakɗoh ɓo' ali in, ɗal waaɗi ɗu joy waaɗtiɗoh ; yaa nu waaɗ morom ce ɗah, a mitɗiɗ ini waasi nakoh.

12 Raakaat pesohaaɗ moɗiɗ ŋ harmban kosaaɗiici, ne ɓa yambee ɗu ne ɗu tumoh moɗaaɗi ɗah, ɓa hot tumohaaɗ ciŋ ɗu moɗiɗ ci te ɓa yakiɗ Kooh ŋ mbehi a hayohan na hatil.

13 Teyɗukaat kikilifa nu nik, sagu Heɗi, teyɗukɗaat buuri yakkiŋ Rom, yi adgoh kur ki, 14 na goornoor ci a na tuuƴe ne ɓa kuƴis tumoh moɗaaɗiici, ɓa ɗaap tumoh baahiɗ ci.

17 Kon woya ɓoo ini fu liiɓ ŋ inii : Wa waas ne Sesaar*, buura yakkaŋ Rom, wirndasse lempo wala ? »

18 Waaye Yeesu inheen baahaaɗiikaŋ ɓa ; a loffa ɓa ne : « Naafeehaaci, wa ye tah ɗu waaɗee so ɓek ? 19 Teeɓaat to kopori na ambohse lempo. » Ɓa eɗta ɗe dinaar yino. 20 A meekissa ɓa ne : « Ya ɓa raak nataalii, na tiiki nik nga ? » 21 Ɓa loffa ɗe ne : « A Sesaar. » Ŋ ineem, a woosa ɓa ne : « Eɗaat Sesaar ini Sesaar raak, te ɗu eɗ Kooh ini Kooh raak. »

Yeesu wirndiɗ lempo

24 Wa Yeesu na taalubeeciŋ ɗe ree Kapernawum, ɓooɓa meeksohee lempoonaŋ Kahan Kooh yurhiɗta ŋ Piyeer, ɓa woosa ɗe ne : « Jangɗohohiŋ ɗu eɗohanɗi lempooniŋ Kahan Kooh e ? » 25 Piyeer woosa ɓa ne : « Aha’kay ! » Wa a ree kahna, bala a woyan ɗah, Yeesu woosa ɗe ne : « Simong, fu liiɓ ye nga ? Buur ciŋ Adina ɓa na meekse ɓinde juuti mbaa lempo ? Kuɓuuciŋ ɓa wala jaambur ci ? » 26 A loffa ɗe ne : « Jaambur ci. » Yeesu woosa ɗe ne : « Kon kuɓuuci ɓaahɗi nga. 27 Waaye ne ɓoo sang ɓa ɓek liiɓohaaɗ moɗaaɗi, kaɗa cookma, fu ree ɗah, fu njaf ostukohaani, fu nook cuurndi kocan hay, fu rangis nguɓiŋ ɗe ɗah, fu hey raake hanjar yino nga ; ɓayaa, fu eɗ ɓa wa, wa nik wirndiŋ lempooniŋ ngo na wiŋ ɗa. »

25 Ara kerhiɗoh na ɓoyi, ne a ɓayee ɗa waas ɗah. Fu tumɗaa ŋ waasi po ɗu ree ngelohaana ɗah, a hey ɗa ɓaye ŋ atte’ohi, yeem eɗ ɗa alkaateeni, fu ɗaaku ŋ kasoona. 26 Ñam na woyee ɗa wa te wa keeh, fu pulohanɗi ndaam feeh fu wirindɗi po ŋ darmi uup ƴissuut ɗah.

18 ɗu hey ɓayse ŋ fiki ɓi goornoor na ɓi buur saguuso. Ineem hey tahe po ɗu min ndo seede ŋ fikiiɓa na fiki ɓooɓi nikɗi Yawuut. 19 Waaye ɓa ɓayee ɗu ɗah, kinaat jaahiɗ ŋ findi ɗu woyohan na ini ɗu woyan, ɗu hey eɗse ŋ saasi saasi ini ɗu woyan.

Raakuukaŋ Yeesu

1 Ŋ jamanoocaam, buura yakkaŋ Rom teeksee Ogis nakohha ne tiik caŋ ɓooɓa jen fiissaat. 2 Fiisiŋ tiik ceem nikka wa koc, wa hendee ŋ jamanoona Kiriñus nikoh goornooraŋ Siri. 3 Ŋ ineem, yaa nu nga ɗah, kaɗeeɗa ne a fiisu ŋ kur ka a cosaankoh. 4 Suseef nammba puloh kur ka na woyse Nasareet ŋ Galile, a kaɗta Betlehem ŋ Yudee, kur ɓi Dawuuda laam a ɓaahee ŋ ɓi rimkoh nga ɗe. 5 A kaɗta bindka na ɓitiice Maryaama tel ɗe rook.

9 Kooh rangsiɗiɗ to bunta angiɗ ne ŋ min panguk baahiɗ, ali nik ne sah ɓi langɗi na so laayiɗ nga.

10 Ŋ ndeem Pilaat woosa ɗe ne : « Fu sang woo na so e ? Fu inahɗi ne ŋ raakiɗ hatili ŋ min ɗa faɗsoh te ŋ namiɗ raak hatili ŋ min ɗa daaƴoh ŋ kurwaa e ? » 11 Yeesu loffa ɗe ne : « Fu heeɗi raake ali hatil nga so ne Kooh oneeɗi ɗa wa ɗah. Weɗ tah yi deg go ŋ yaah fu a yi raak bakaaɗi uup yak. »