Legalidades

17 Zɛ̀ yí’i, o wya mamánī ní? U yi wú wàbɛbɛ yiibe Dɔ̀’i wàhwā gbā yí ku Roma kwɛɛ u bɛbɛ yɔ̀ ní?>>

18 Dedee, Yesu lò áwú wàbɛbɛ waa wa nwā yiifu nwú’wa lá yìkyà, ma zɛ̀ la, <<Awuni áwágyɛ́! Áyɛ̄ sá waa ni hwoi ngāngɛ̄ wàchá’mchɔ̀ ní? 19 Ni tà’m banji wàhwā gba wa’u.>> Wa lò banji tɛ̄ zumyɛ yí’u, 20 u mbyē’washé la, <<Ázú wa zyì nɔ̄ hwoi lá?>> 21 Wa zɛ̀ yí’u la, <<Àwu Kesa.>>

Yiibeli Yesu zɛ̀ yi’wa la, <<Ni hwā Kesa tɔ̄ áwú wàyiwu Kesa, mazyi ni hwā Shidɔ tɔ̄ áwú wàyiwu Shidɔ.>>

Agba wu Táwàwáshidɔ

24 Yesu wa áwátu’a be fè Kapernaum lá, áwándó wàhwoi pà gba wu Táwàwáshidɔ lá be dò Bitrus ma mbyē’ushé, <<Andótàwú ni yi hwa gba wu Táwàwáshidɔ yɔ̀? 25 U zɛ̀ la, << Eba, u yi hwa.>>Dédēwaa Bitrus lò kàsɛ be futá lá, Yesu gbaa kɛ́pyɛ̀ zɛ̀ zyí ní. U mbyeshé la<<Siman, áyɛ̄ waa o wya yiishina zyí lá ní? Áwá nɔ̄ waa ku denmyɛ hwoi pà banji gba yiibe’wa ní, yii bé zyē’wa kwɛɛ yiibe áwápàkyù?>> 26 Bitrus zɛ̀ la, <<Yiibe áwápàkyù.>>Yesu zɛ̀ la, <<Ázyē’wa hwoi hwa gba yɔ̀.>> Yesu zɛ̀ la, 27 <<Yiishina í ká lò kà áwándó wàbɛbɛ yii bé wa yɔ̀ lá, ya núkù mazyi o tá lii. Azyé waa o yi pà kɛ́pyɛ̀ má; lò’u nū pòfā, o yi wya shɔ́wàmòmbò yii nū’a. Lò tɛ mazyi ó lò yí’wa agba’m wa wuni manì.>>

25 <<Lò diu mbyā mwɔ̄mwɔ̄ wa wámà’o wàchá yi ya tákwɛ́ lá, sá dédēwaa ni kà hwoi nyàshɔ lá, kwɛɛ u ma mamá yɔ̀, u lò’o yi ndāvo yí ndógàkwɛ́, ándógàkwɛ́ lò’o yi ndāvo yí ndósèdì pi lò’o yi tá hwā fu táfyì. 26 Ázyíbyɛ̀ waa m ngyi zɛ̀ ní, o yi zumyɛ yii beli yɔ̀ gbógbó o lò banji kwɛ́ waa wa pà’o lá yi hwātɔ̄bwā.

18 Kà yiishina zyí’m, wa hwoi chá’ni hwoi ya pyɛ̀ áwádoshi wa áwáku, mazyi ni zɛ̀zyí wàsàsà yí’wa wa wándó wàhwoi wá wúhwɔ̀ lá. 19 Nyunu waa wa ma lò ni pà, ni káwa wèbēbè la, áyɛ̄ waa i hwoi zɛ̀ ní kwɛɛ i hwoi zɛ̀ zyí li mamáni ní yɔ̀. Dizyi nyunuli ma be, ni hwoi dò wú wàzɛ̀zɛ̀,