Legalidades
A Bíblia reconhece a necessidade de leis e governo civil. Os cristãos são chamados a obedecer às autoridades estabelecidas por Deus, enquanto mantêm a lealdade suprema a Cristo.
Submissão às autoridades
Toda autoridade é instituída por Deus. O cristão é chamado a respeitar as leis, pagar tributos e honrar quem governa.
ಅಧಿಕಾರಿನ ಬಾರೇಮ ಅಪ್ಣು ಕಾಮ್
ಹರೇಕ್ಜ಼ಣುಬಿ ಇನ ಉಪ್ಪರ್ಲ್ಯ ಅಧಿಕಾರಿಯೇನ ಅಧೀನ್ ಹುಯಿರ್ಹೇಣು; ಶನಕತೊ ದೇವ್ಥಿ ಪಣ್ಕಿ ಏಕ್ಜ಼ಣಾನಬಿ ಅದಿಕಾರ್ ರ್ಹೇಯಿಕೊಯ್ನಿ; ಛಾ಼ತೆ ಅದಿಕಾರ್ ದೇವ್ಥೀಸ್ ಆಯಿರ್ಹುಸ್. ಇನಖ್ಹಾಜೆ ಅದಿಕಾರ್ನ ವಿರೋದ್ ಹುವವಾಳು ಅದ್ಮಿ ಖ್ಹಾಚಮಾಸ್ ದೇವ್ನಿ ನಿಯಮ್ನಾಸ್ ವಿರೋದ್ ಹುಯಿರ್ಹುಸ್. ಖ್ಹರ್ಕಾರ್ನ ಖ್ಹಾಮ್ಣೆ ಹುವವಾಳು ಇನುಯೋಸ್ ನ್ಯಾಯತೀರ್ಪ್ ಲೀಲೇಸ್. ಶನಕತೊ ಖರಾಬ್ನ ಕರಾವಾಳನ ಅದಿಕಾರಿಯೇವ್ನು ಡರ್ರ್ಹೇಸ್ ಪಣ್ಕಿ, ಅಛ಼್ಛು ಕರವಾಳನ ಕಾಹೆ. ಅದಿಕಾರಿಯೇಥಿ ತೂ ಡರ್ಕೊಂತೆ ರ್ಹವಾನು ಆಖ್ಹ್ಕರಸ್ಕಿ ಶು? ಅಛ಼್ಛನಕರ್. ತದೆ ಇವ್ಣೇಥಿ ತುನ ಖ್ಹರಾವ್ಣಿ ಮಳ್ಶೆ. ಶನಕತೊ ಯೋ ತುನ ಅಛ಼್ಛು ಕರಾನಖ್ಹಾಜೆ ಛಾ಼ತೆ ದೇವ್ನೊ ಸೇವಕ್ ಹುಯಿರ್ಹೋಸ್. ಕತೋಬಿ ತೂ ಖರಾಬ್ನ ಕರಾವಾಳೊ ಹುಯಿರ್ಹೋತೆ ಡರಿನ್ ರ್ಹೇಣು. ಕತೋಬಿ ಯೋ ಚುಪ್ಕೆ ಅದಿಕಾರ್ ಅದಿಕಾರ್ನೊ ಡಂಡೊ ಧರಿರಾಖ್ಯೊಕೊಯ್ನಿ. ಯೋ ದೇವ್ನೊ ಸೇವಕ್ ಹುಯಿರ್ಹಿನ್ ಖರಾಬ್ನ ಕರವಾಳಾನ ದೇವ್ನಿನಿಶತ್ ದೇಸ್. ಇನಖ್ಹಾಜೆ ಖಲಿ ದೇವ್ನಿ ನಿಶತ್ನಖ್ಹಾಜೆಕರಿ ಕಾಹೆ, ದಿಲ್ನಿಸಾಕ್ಷಿನಖ್ಹಾಜೇಬಿ ಅಧಿಕಾರಿಯೇನ ಅಧೀನ್ ಹುಯಿರ್ಹವಾನು ಜ಼ರೂರತ್ ರ್ಹೇಸ್, ಅನಖ್ಹಾಜೆಥೀಸ್ ತುಮೆ ಶುಂಕ ದೆವ್ಕರಾಸ್. ಶನಕತೊ ಅಧಿಕಾರಿಖ್ಹಾರು ದೇವ್ನ ಸೇವಕ್ ಹುಯಿರ್ಹಿನ್ ಯೋ ಕಾಮಸ್ ಕರಾವಾಳ ಹುಯಿರೇಸ್. ತುಮೆ ಕಿನಶಾತ್ ದೇವ್ಣುಕಿ ಯೋ ದೇವೊ, ಕಿನ ಕಂದಾಯಕಿ ಇನ ಕಂದಾಯ ದೇವೊ, ಕಿನ ಶುಂಕಕಿ ಇವ್ಣುನ ಶುಂಕದೆವೊ. ಅಜು಼ ಕಿನ ಡರ್ನುಕಿ ಇನ ಡರೊ, ಕಿನ ಅಧೀನ್ಕಿ ಇನ ಅಧೀನ್ ರ್ಹವೊ, ಕಿನ ಮರ್ಯಾದಿಕಿ ತಿನ ಮರ್ಯಾದಿ ದೆವೊ.
ಅಪ್ಣಿ ಜೋ಼ಡ್ಮ ಏಕ್ಥಿಏಕ್ ಜಿಮ್ಮೇದಾರ್
ಏಕ್ಥಿಏಕ್ ಪ್ಯಾರ್ಕರ್ನುಕರಿ ಬೋಲಾನು ಕರಜ಼ಸ್ ಪಣ್ಕಿ ತುಮೂನ ಬಿಜು಼ ಖೆವು ಕರಜ಼್ ನಾರ್ಹೇವ್ಣು. ಶನಕತೊ ಬಿಜೇಕ್ಜ಼ಣಾನ ಪ್ಯಾರ್ ಕರಾವಾಳೊ ಧರ್ಮಶಾಸ್ತ್ರನಸ್ ಚ಼ಲೈರಾಖ್ಯೊಸ್.
ತುಮಾರಿ ಚಾ಼ಲ್ಚ಼ಲಣ್ ಅಲ್ಹಾವ್ ಅದ್ಮಿವ್ನ ಇಚ಼್ಮ ಯೋಗ್ಯಹುಯಿರ್ಹವಾದೆ, ತದೆ ಇವ್ಣೆ ಖೆವಿಸ್ ವಾತ್ನಿ ಬಾರೇಮ ತುಮುನ ಖರಾಬ್ಕರಿ ಚಾ಼ವ್ಣ್ಯ ಕರಾಸ್ಕಿ ಯೋಸ್ ತುಮಾರಿ ವಾತೆಮ ತುಮಾರಿ ಅಛ್ಛಿ ಚಾ಼ಲ್ಚ಼ಲಣ್ಣಾ ಡೋಳೆಖ್ಹು ದೇಖಿನ್, ದೇವ್ ಆವನ ದನೂಮ ಅಪ್ಣುನ ಇವ್ಣೆ ಖ್ಹರಾವ್ಶೆ. ಆ ಜಗತ್ನು ಅದಿಕಾರಿ ನೇಮಕ್ ಕರ್ಯುತೆ ಹರೇಕ್ ಒಪ್ಪಂದನಾಬಿ ಪ್ರಭುನಖ್ಹಾಜೆ ತುಮೆ ಅಧೀನ್ಹುವೊ. ಅಖ್ಖಾಸ್ಪರ್ ಅದಿಕಾರಿ ಹುಯಿರೋತೆ ರಾಜ಼ನಾಬಿ ಅಧೀನ್ರ್ಹವೊ, ಅಜು಼ ರಾಜ಼ ಮೋಕ್ಲಸ್ತೆ ಅಧಿಕಾರಿಯೇನ ಗಲತ್ ಕರಾವಾಳನ ನಿಶತ್ದ್ಯವಾನಬಿ ಅಛ್ಛು಼ಕರಾವಾಳನ ಹುಮ್ಮಖ್ಹ್ ದ್ಯವಾನ ಇವ್ಣೆ ಮೋಕ್ಲೈರಾಸ್ ಕರಿ ಖ್ಹಮ್ಜಿನ್ ಇವ್ಣುನ ಅಧೀನ್ಹುವೊ.
ಇನಖ್ಹಾಜೇಸ್ ಹಮೂನ ಬೋಲ್, ಕೈಸರ್ನ ಶುಂಕ ಭಾಂದಾನು ನಿಯಮ್ಕಿ ಕೊಯ್ನಿ? ತುನ ಕಿಮ್ ದೆಖಾವಸ್?
ಯೇಸುನೆ ಇವ್ಣಿ ಖರಾಬ್ ಚಾ಼ಲ್ನ ಮಾಲುಮ್ ಕರಿಲೀನ್, "ತುಮೆ ಖೋಟ್ ದಿಲ್ವಾಳ! ತುಮೆ ಮನ ಖ್ಹಪ್ಡಾವ್ಣು ಕರಿ ಶನ ದೇಖೋಸ್ತೆ? ಶುಂಕ ಭಾಂದಾಸ್ತೆ ಪೈಶಾನ ಮನ ವತಾಳೊ!" ಕರಿ ಬೋಲ್ಯೊ.
ಇವ್ಣೆ ಏಕ್ಕಾಖ್ಹ್ ಲಯಿನ್ ಇನ ದಿದು. ತದೆ ಯೇಸುನೆ ಇವ್ಣುನ, "ಅನಾಪರ್ ಕಿನು ರೂಪ್ ಅಜು಼ ಕಿನುನಾಮ್ ಛಾ಼ತೆ?" ಕರಿ ಪುಛಾ಼ಯೊ.
ಇವ್ಣೆ, "ಕೈಸರ್ನು" ಕರಿ ಜ಼ವಾಬ್ ದಿದು.
ತದೆ ಯೇಸುನೆ ಇವ್ಣುನ, "ಇಮ್ಕತೊ, ಕೈಸರ್ನು ಶಾತ್ ಛಾ಼ಕಿ, ಯೋ ಕೈಸರ್ನ ದೆವೊ, ಅಜು಼ ದೇವ್ನು ಶಾತ್ ಛಾ಼ಕಿ, ಯೋ ದೇವ್ನ ದೆವೊ" ಕರಿ ಬೋಲ್ಯೊ.
Obrigações legais
Jesus cumpriu obrigações legais, pagou impostos e orientou seus seguidores a obedecer à lei sem comprometer a fé.
ಮಂದಿರ್ನ ಶುಂಕ ಭಾಂದಾನಿ ಬಾರೇಮ
ಯೇಸು ಅಜು಼ ಇನ ಶಿಷ್ಯರ್ ಕಪೆರ್ನೌಮ್ ಆವಾದಿನ್, ಮಂದಿರ್ನಖ್ಹಾಜೆ ಶುಂಕ ಮಾಂಗವಾಳು ಪೇತ್ರಕನ ಆಯಿನ್, "ತುಮಾರೊ ಗುರು ಮಂದಿರ್ನ ದೇವ್ಣುತೆ ಶುಂಕಾನ ಭಾಂದಾ ಕೊಯ್ನಿಕಿ ಶು?" ಕರಿ ಪುಛಾ಼ಯು.
ತದೆ ಪೇತ್ರನೆ, "ಒಹೊ, ಭಾಂದ್ಶೆ" ಕರಿ ಬೋಲ್ಯೊ.
ಪೇತ್ರ ಘರ್ಮ ಆವಾದಿನ್, ಯೇಸುನೆ ಇನೇಥಿ ಪಹಿಲೇಸ್, "ಸೀಮೋನ, ತುನ ಕಿಮ್ ದೆಖಾವಸ್? ಆ ಧರ್ತಿಪರ್ಲ್ಯ ರಾಜ಼ಖ್ಹಾರು ಕಿನಾಕಂಥು ಶುಂಕ ಮಾಂಗಾಸ್? ಶೊಂತ್ ದೇಖ್ಹ್ನ ಅದ್ಮಿಥೀಕಿ ನತರ್ಕಿ ಪರೈದೇಖ್ಹ್ವಾಳ ಅದ್ಮಿಕಂಥು ಮಾಂಗಾಸ್?" ಕರಿ ಬೋಲ್ಯೊ.
ಪೇತ್ರನೆ, "ಪರೈ ದೇಖ್ಹ್ವಾಳಕಂಥು" ಕರಿ ಜವಾಬ್ ದಿದೊ.
ತದೆ ಯೇಸುನೆ ಪೇತ್ರನ, "ಇಮ್ಕತೊ, ಶೊಂತ್ ದೇಖ್ಹ್ವಾಳು ಶುಂಕ ಭಾಂದಾನು ಕೊಯ್ನಿ ಕರಿ ಬೋಲ್ಯೊ. ತೋಬಿ ಶುಂಕ ಮಾಂಗವಾಳು ಅಪ್ಣಿ ಬಾರೇಮ ಖಟು ಕರಾನು ನಕೊ. ಇನಖ್ಹಾಜೆ ತೂ ದರ್ಯಾವ್ನ ಜೈ಼ನ್, ಗಳ್ ನಾಖಿನ್, ಪಹಿಲೆ ಮಳಾಸ್ತೆ ಮಾಛ಼್ಲಾನ ಮ್ಹೋಡಾನ ಕಾಡಿ ದೇಕ್, ಇನಾಮ ಶುಂಕ ಭಾಂದಾನ ಹೋಣುತೆ ಏಕ್ ಪೈಶಾನು ಬಿಲ್ಲು ಮಳ್ಶೆ. ಇನ ಲಯಿನ್, ಅಪ್ಣ ಭೇ ಜ಼ಣಾನು ಕರಿ ಬೋಲಿನ್ ದೇ" ಕರಿ ಬೋಲ್ಯೊ.
"ತಾರೊ ವಿರೋದಿ ತುನ ನ್ಯಾವ್ನಖ್ಹಾಜೆ ನ್ಯಾಯದೀಶಕನ ಖೇಚಿಲೀಜಾ಼ವನ ಅಗಾಡಿಸ್ ತೂ ವಾಟ್ಪರಸ್ ಹೇಳ್ಮೇಳ್ ಹುಯಿಜಾ಼. ನತರ್ಕಿ ತಾರೊ ವಿರೋದಿ ತುನ ನೈಯಾಕನ ಖೇಚಿಲಿಜಾ಼ಶೆ. ಯೋ ನಯ್ಯೊ ಜೇಲ್ನ ಶಿಪಾಯಿನ ಹಾತ್ಮ ದಿಶೆ ಅಜು಼ ತೂ ಜೇಲ್ಮ ಫೆಕೈಜೀಶ್. ತೂ ಏಕ್ ಕಾಖ್ಹ್ಬಿ ಬಚೈಶ್ಕೊಂತೆ ತಾರಾಮ ಛಾ಼ತೆ ಅಖ್ಖು ಪೈಶು ಫೇಡಾವಲಗೂಬಿ ಹಿಜ್ಜಾ಼ಥೊ ಆವಾನ ಉಶೇಸ್ ಕೊಯ್ನಿ ಕರಿ ಮೇ ಖ್ಹಾಚಮಾಬಿ ಬೋಲುಸ್.
ಮಾರಖ್ಹಾಜೆ ತುಮೂನ ಅದಿಕಾರಿ ಅಜು಼ ರಾಜಾ಼ವ್ನ ಖ್ಹಾಮ್ಣೆ ಲೀಜಾ಼ಶೆ; ಅಮ್ ಇವ್ಣುನಾಬಿ ಅಜು಼ ಯೆಹೂದ್ಯರ್ಕಾಹೆತೆ ಅದ್ಮಿವೋನಾಬಿ ತುಮೆ ಸಬೂತ್ ಹುಯಿರ್ಹಿಶು. ಇವ್ಣೆ ತುಮೂನ ಧರಿದ್ಯವಾನಿ ವಖ್ಹತ್ಮ, ತುಮೆ ಶಾತ್ ವಾತೆ ಬೋಲ್ನು, ಕಿಮ್ ವಾತೆ ಬೋಲ್ನುಕರಿ ಸೋಚೊ ನಕೊ; ತುಮೆ ಶಾತ್ ಬೋಲ್ನುಕರಿ ಯೋ ವಖ್ಹತ್ ಆವಾದಿನ್, ತುಮೂನ ದೆವಾವ್ಶೆ.
ಯೇಸು ಪೈದಹುಯೊತೆ
ಯೋ ದನೂಮ ಕೈಸರ್ ಅಗಸ್ಟಸ್ನೆ ರೋಮ್ನು ರಾಜ಼್ಭಾರ್ ಚಾ಼ಲುಕರಾಸ್ತೆ ಖ್ಹಾರಾಸ್ ದೇಖ್ಹ್ಮ ಅದ್ಮಿಖ್ಹಾರಾನಿ ಗಣ್ತಿ ಹೋಣುಕರಿ ಹುಕುಮ್ ದಿದೊ. ಆ ಪಹಿಲಿ ಬಾರ್ ಚಾ಼ಲಿತೆ ಅದ್ಮಿನಿ ಗಣ್ತಿ ಹುಯಿರ್ಹುಥು. ಕುರೇನ್ಯ ಸಿರಿಯ ದೇಖ್ಹ್ನೊ ರಾಜ್ಯಪಾಲ್ ಹುಯಿರ್ಹೊಥೋತೆ ತದೆ ಆ ಚಾ಼ಲ್ಯುತೆ. ತಮಾಮ್ ಅದ್ಮಿ, ಇವ್ಣು-ಇವ್ಣು ನಾಮ್ ಲಿಖಾವನಖ್ಹಾಜೆ ಇವ್ಣ-ಇವ್ಣ ಗಾಮೆ ಗಯು.
ಇನಖ್ಹಾಜೇಸ್ ಯೋಸೇಫ್ಬಿ ಗಲಿಲಾಯನು ನಜ಼ರೇತ್ ಕರಿ ಗಾಮ್ಥು ನಿಕ್ಳಿನ್ ಯೂದಾಯ ತಬರ್ಖಾನು ಬೇತ್ಲೆಹೇಮ್ ಕರಿ ಗಾಮ್ನ ಗಯೊ. ಯೋಸೇಫ ದಾವೀದ್ನೊ ಖಾಂದಾನ್ವಾಳೊ ಹುಯಿರ್ಹೊಥೋತೆ ಇನಖ್ಹಾಜೆ, ದಾವೀದ್ನು ಗಾಮ್ ಹುಯಿರ್ಹೂತೆ ಬೇತ್ಲೆಹೇಮ್ನ ಗಯೊ. ಯೋಸೇಫ್ನಿ ಜೋ಼ಡ್ಮ ಖ್ಹಗೈ ಪಡಿರ್ಹಿಥೀತೆ ಮರಿಯನಾಬಿ ಕೇಡೆ ಬಲೈಲಿನ್ ಇನು ನಾಮ್ ಲಿಖಾಡೈಲ್ಯವಾನಖ್ಹಾಜೆ ಗಯೊ. ತದೆ ಯೋ ಪೂರ ದನ್ನಿ ಬೇಜೂನಿ ಥಿ.
Perspectiva divina
As nações são como uma gota no balde diante de Deus. Ele abre portas que nenhuma lei pode fechar.
ಶನಕತೊ ಕೆತ್ರಿಕ್ಕಿ ವಿರೋದಿಖ್ಹಾರು ರ್ಹಯುತೋಬಿ ಏಕ್ ಊಚು಼ ಅಜು಼ ನಫ್ಫಾನು ಕಾಮ್ ಕರಾನ ಖ್ಹಾಚಮಾಬಿ ವೇಳ್ಮಳಿ ಐರ್ಹೀಸ್.
ಪಿಲಾತನೆ ಇನ, "ತೂ ಮಾರ ಜೋ಼ಡೆಬಿ ವಾತೆ ಕೋ ಬೋಲಾನಿ ಕಿಶು? ತುನ ಛೋ಼ಡಾವನಾಬಿ, ತುನ ಶಿಲ್ಬೆಪರ್ ನಖಾವಾನಾಬಿ ಮನ ಅದಿಕಾರ್ ಛಾ಼ ಕರಿ ತುನ ಮಾಲುಮ್ ಕೊಯ್ನಿಕಿ ಶು?" ಕರಿ ಬೋಲ್ಯೊ.
ಯೇಸುನೆ ಜ಼ವಾಬ್ ದಿದೊ, "ದೇವ್ ತುನ ಮಾರಪರ್ ಅದಿಕಾರ್ ನಾ ದಿದೊಹೋತ್ತೊ, ತುನ ಮಾರಪರ್ ಕೆವ್ಹೀಸ್ ಅದಿಕಾರ್ ಕೋ ರ್ಹಯುಹೋತ್ನಿ, ಇನಖ್ಹಾಜೇಸ್ ಮನ ತಾರ ಹಾತ್ಮ ದೀರಾಖ್ಯೊಸ್ತೆ ಅದ್ಮಿನ, ತಾರೆಥೀಬಿ ಘಣು ಪಾಪ್ ಛಾ಼" ಕರಿ ಬೋಲ್ಯೊ.