Legalidades

A Bíblia reconhece a necessidade de leis e governo civil. Os cristãos são chamados a obedecer às autoridades estabelecidas por Deus, enquanto mantêm a lealdade suprema a Cristo.

Submissão às autoridades

Toda autoridade é instituída por Deus. O cristão é chamado a respeitar as leis, pagar tributos e honrar quem governa.

Unkyeey akà abyääl

1 Wɛy mbuur wanswà ukäl anà unkyeey akà amfum abye anà ikɔ̈b, ntɔn, kà kye anà ikɔ̈b anki ikɔ̈ɔ̈n afà akà Nzam anà kàkɔ̈ɔ̈n asà Nde. 2 Abun, mbuur afàmbäär ikɔ̈b, nde afàmbäär nswɛɛŋ kàkwen Nzam. Baar bàfàmbäär ya, bàsànaan ntaaŋàmbar udu a ba ŋakwo. 3 Apan, antɛɛn kà baar awem bɔɔmà anki akà baar bàfàkyer ubwaŋ, wɛɛ akà baar bàfàkyer ube. Nkye ngye akwen mukɔɔn awem ntɛɛn bɔɔmà? Kyer ubwaŋ, waa nde kasyäŋà. 4 Ntɔn, nde wà un’syääl a Nzam ntɔn mukasiinà mukyer ubwaŋ. Wɛɛ, isàkal naa ngye afàkyer ube, apan, man bɔɔmà! Ntɔn, kà bunàbun anki awà nde anà kɔm mupà ntaaŋàmbar: nde wà un’syääl a Nzam ntɔn muswaŋ nkyɛl ande akà mbuur un’be. 5 Kyakin, yubwaŋ mukal anà unkyeey, kà nà ntɔn bɔɔmà a nkyɛl mpɛl anki, wɛɛ sye, ntɔn an’kyän.

6 Kyakin sye làfàfur bɛ iter, ntɔn baar bàfàwal bya, ba bà uboo a isal a Nzam ntɔn mukwey kya ubwaŋàbwaŋ. 7 Làpɛ akà mbuur mbuur undiir awà ilɔɔmà mukun’pà: itɛr, akà mbuur awal itɛr, ibaa, akà mbuur awal ibaa, bɔɔmà, akà mbuur awal bɔɔmà, làbɔ̈ɔ̈n, akà mbuur awal làbɔ̈ɔ̈n, ibyääl, akà mbuur awal ibyääl.

Romanos 13:1-7

Ukwen a amwɛy anà bumwɛy

8 Twon lan’kal anà nkul a mbuur, naa tɛy, nkul abɛ, yà mukwen amwɛy anà bumwɛy. Ntɔn mbuur afàkwen mbuur wumwɛy, nde kan’kwey un’kɔɔn.

Romanos 13:8

12 Làkäl anà nkääl aŋàbwaŋ kusà a baar mpa abà Ayudà, ntɔn, unsà undiir nsil awà bàfàlatwee ba naa bɛ làbà baar abe, ba bàmɛn isal abɛ byàŋàbwaŋ anà ba bàsi Nzam làkoo kà ilä usàyà nde.

13 Làkäl anà unkyeey akà imfum a mɛɛn kyanswà, ntɔn Mwol, itàkal akà mfum awe anà ikɔ̈b a dudu, 14 itàkal akà an’kuvɛrnɔ̈ɔ̈r ufàtɔm nde mupà ntaaŋàmbar akà baar abe anà musyäŋà baar bàfàkyer ubwaŋ.

1 Pedro 2:12-14

17 Abun, ikyään, ngye akasii aben: mbwo yàmwo lɛɛ yatɛy mufur itɛr akà Sɛzar? » 18 Wɛɛ Yɛsu kàkyer ayöb an’kyän an’be aba, waa kafuur naa: « Baar a mpem yweel, ntɔn nkye lan’lwab bɛ ndaa? 19 Lan’swɛŋ ngim bàfàfur ayà itɛr. » Ba waa bun’mɛɛy itɛr a ngim mwɛy. 20 Waa Yɛsu kafuul naa: « Idiim anà ikɔb bi byà nà? » 21 Ba bun’fuur naa: « Byà Sɛzar. » Apan nde kàtɛn a ba naa: « Abun, làpɛ indiir a Sɛzar akà Sɛzar, indiir a Nzam, akà Nzam. »

Mateus 22:17-21

Obrigações legais

Jesus cumpriu obrigações legais, pagou impostos e orientou seus seguidores a obedecer à lei sem comprometer a fé.

Mfüür a itɛr a ndwà a Nzam

24 Mpal bàyàkɔlà ba Kapɛrnawum, afüür a itɛr a ndwà a Nzam bàyi akà Petɔlà, waa bun’fuul naa: « Ntɔn nkye Un’lɔɔŋ abɛ mpa ufàfur nde itɛr a ndwà a Nzam? » 25 Petɔlà kàfuur naa: « Ɛɛ, nde akyer afàfur. » Mpal kàbilà Petɔlà u ndwà, Yɛsu kàdi nsweel, waa kun’fuul naa: « Simɔn, an’kyän angye mye aben? Amfum a mɛɛn un’laam itàkal itɛr bàfàwal akà nà? Akà baan aba lɛɛ akà angyey? » 26 Petɔlà kàfuur naa: « Akà angyey. » Yɛsu naa: « Abun, baan a ndwà mwo batɛy. 27 Itàkal abwɛy, mukɔɔn adwa làkwikilà aba, kyen kà ɛwà, tɔɔm ndɔb angye. Nsö atàtwɛb asiim ngye, duub mun awa, ngye ayàman itɛr a ngim, wal kya, apɛ ntɔn bi bàbɔ̈ɔ̈l. »

Mateus 17:24-27

25 Lɔɔn agyä anà ŋankir angye, u taaŋ awà ngye u mbwo anà nde, naa tɛy, ŋankir angye awà kapà kan’kɔɔ a ntɛɛn, ntɛɛn kan’kɔɔ a pulusi anà nde katɔɔm u bɔlokà. 26 Mɛ, mɛ akyään ndandaa naa: ngye asàtoo anki kwo isàkal naa ngye ŋàtàfur anki tii u làdiim làntsüü. »

Mateus 5:25,26

18 ba bàsàlafüün akà an’kuvɛrnɔ̈ɔ̈r anà akà amfum a nsi ntɔn mɛ, ntɔn bɛ làtɛ imbäl akà ba anà akà baar mpa abà Ayudà. 19 Wɛɛ mpal bàsàlafüün ba, twon lan’man mpay muyöb naa bɛ làtɛn aben itàkal naa ininà bɛ làtɛn. Ndaa yanswà làsàtɛn bɛ, ya bàsàlapà taaŋ nsil la.

Mateus 10:18,19

Mböör a Yɛsu

1 Mpal ayin, Sɛzar Angus kàtöm un’kaan ntɔn mutaŋ baar banswà u mɛɛn a Lɔmà. 2 Ntääŋ a baar atàtwɛb ayi yàkäl mpal kàkäl Kirinüs mfum a Siri. 3 Baar banswà bàkyeenà mukàsɔn ikɔb aba mbuur mbuur u bul kàfü nde. 4 Yɔsefi sye kàmbarà u Nasàlɛr bul a Ngalilɛ ntɔn mukyà Bɛtɛlɛm bul a Yuday ntɔn nde kàkäl mbuur a ywar anà mbil a David, 5 ntɔn mukàsɔn ikɔb ande anà kyà un’kyay ande Màlye awà kàkäl anà yöm.

Lucas 2:1-5

Perspectiva divina

As nações são como uma gota no balde diante de Deus. Ele abre portas que nenhuma lei pode fechar.

9 ntɔn mbwo a kölàköl yan’dubà ntɔn mɛ mukyer isal a ngwal, itàkal naa ayiiŋ bà mbɔɔn.

1 Coríntios 16:9

10 Apan, Pilatu kàtɛn a nde naa: « Ngye an’tɔn mukan’pà mfuur? Nkye ngye ayöb anki naa mɛ, mɛ in’we anà ikɔ̈b mukawɛy itàkal mukabɛɛrà u kulunsi? » 11 Wɛɛ Yɛsu kun’fuur naa: « Ngye ikɔ̈b alàkal akyà anki, ilàkal naa Nzam ukɔ̈ɔ̈n akapà kya. Undiir awun, mbuur awà kàman’yälà akà ngye, we anà man’be màŋàsöönà. »