Lei de Deus: o que é e qual o seu propósito

20 Idimaa, tangada e mee di donu i baahi o God ai, mai i dana haga gila aga nnaganoho. Nnaganoho le hai gidaadou gi iloo bolo gidaadou digau gu ihala.✝(Romans 3:20)

15 Gei gidaadou la ga helekai bolo aha? Gidaadou gaa hai nia huaidu, idimaa, gidaadou hagalee noho i lala nnaganoho, gei e noho i lala tumaalia o God? Deeai!(Romans 6:15)

23 Hunu gau e helekai boloo, "Gu dugu mai gi gimaadou gi heia nia mee huogodoo." E donu, gei nia mee huogodoo la hagalee humalia. "Gu dugu mai gi heia nia mee huogodoo," gei nia mee huogodoo la ono hagamaamaa humalia ai.✝(1 Corinthians 10:23)

14 Idimaa, Nnaganoho hagatau le e daabui mai go taganoho hua e dahi boloo,

"Aloho i tangada dela i do baahi,

gii hai be do aloho i di goe."✝(Galatians 5:14)

22 Aanei laa go nia huwa o di Hagataalunga: aloho, manawa tenetene, noho i di aumaalia, hagakono di manawa, dumaalia, humalia, manawa dahi, 23 hila gi lala mo di haga ligaliga i daha mo di huaidu. Taganoho i golo e hai baahi gi nia mee aanei ai.(Galatians 5:22,23)

2 Goodou gi hagadau maamaa i godou mee daamaha ala e kae. Deenei di godou hai e haga kila aga taganoho a Christ.(Galatians 6:2)

31 "Gei di lua haganoho le e hai hua be di maa, boloo,

‘Goe gi aloho i tangada dela i do baahi,

gii hai be do aloho i di goe.’

"E deai taganoho labelaa i golo, e aamua laa hongo nia haganoho e lua aanei ai."✝(Mark 12:31)

12 Deenei dagu haganoho: Hagadau aaloho i goodou, be Au dela e aloho i goodou.✝(John 15:12)

12 "Goodou gi heia ang gi nia daangada godou mee ala e hiihai digaula gi heia adu gi goodou. Deenei tadinga Nnaganoho Moses mo nia Agoago o nia Soukohp.✝(Matthew 7:12)

8 Hudee hai boibana ang gi dahi dangada, di boibana hua e dahi dela gi heia, gi hagadau aaloho i godou mehanga. Be koai e hai beenei, la gu daudali nnaganoho.(Romans 13:8)

21 Deenei taganoho a Christ dela ne gaamai gi gidaadou: Be koai hua dela e aloho i God, geia gi aloho labelaa i dono duaahina!(1 John 4:21)

21 Ogu ihoo hagaaloho, maa tadau manawa la hagalee hagahuaidu gidaadou, gidaadou e mee di tuu maaloo i mua o God. 22 Gidaadou e hai mee gi nia mee huogodoo ala e tangi ai gidaadou gi Mee, i tadau hagalongo gi ana haganoho mo di hai nia mee ala e haga tenetene dono manawa.(1 John 3:21,22)

6 Hudee delangahia nnaganoho aanei, ala e gowadu ko Au gi goodou dangi nei.✝ 7 Agoago ina nia maa gi au dama i lodo doo hale, mo do madagoaa dela e heehee iei goe i malaelae, mo do madagoaa ma gaa moe gi lala mo do madagoaa ma ga ala aga.(Deuteronomy 6:6,7)

12 "Deenei laa, goodou go digau Israel, goodou gi hagalongo gi di mee a Dimaadua dela e hiihai ginai mai i godou baahi: E hiihai bolo goodou gi daumaha gi Dimaadua mo di haga kila aga ana helekai huogodoo. Aloho i Mee, ge gi hai hegau hua gi Mee mai i lodo godou manawa hagatau, 13 ge hagakila ina aga ana haganoho huogodoo ala guu lawa ai dagu boloagi adu gi goodou dangi nei, gi mouli goodou manawa lamalia.(Deuteronomy 10:12,13)

1 "Maa goodou ga hagalongo gi Dimaadua di godou God, ge manawa dahi di hagagila aga ana haganoho huogodoo ala e gowadu ko au gi goodou dangi nei, gei Mee ga hagamenegenege aga goodou gi baahi i nua nia henua huogodoo ala i henuailala.✝(Deuteronomy 28:1)

16 Maa goodou ga daudali nia helekai Dimaadua di godou God, ala e gowadu ko au gi goodou dangi nei, maa goodou ga aloho i Mee, ga daudali ana helekai, ga haga gila aga ana haganoho huogodoo, gei goodou gaa hai digau e maluagina, gei godou hagadili gi muli ga dogologowaahee. Dimaadua di godou God ga haga maluagina goodou i lodo tenua dela bolo ga hai henua ginai goodou.(Deuteronomy 30:16)

8 Di Beebaa Haganoho e hai gii dau i nia madagoaa huogodoo ma ga daumaha goodou. Kuulu ina ginai boo mo aa. Goe daudalia nia mee huogodoo ala e hihi no lodo, gei goe ga maluagina gei gaa gila.(Joshua 1:8)

5 Goodou gi langahia e goodou gi daudalia nnaganoho ala ne hagi adu go Moses gi goodou: Aloho i Dimaadua, go di godou God, hagakila ina aga ana hiihai, daudalia ana helekai, gi manawa dahi gi Mee, hai hegau gi Mee mai i lodo godou manawa hagatau mo godou mouli hagatau."(Joshua 22:5)

17 Gei di aloho o Dimaadua i digau ala e hagalabagau Ia,

le e hai hua be di maa gaa hana hua beelaa.

Gei di humalia o Maa gaa hana hua beelaa ang gi nia adu daangada huogodoo

18 o digau ala e daudali ana hagababa ge e haga gila aga gii donu ana haganoho.(Psalm 103:17,18)

10 Au e hagamahi e hai hegau adu gi di Goe mai i lodo dogu manawa hagatau.

Dugua au gi dee oho au haganoho.(Psalm 119:10)

30 Au gu hilihili bolo au ga hagalongo adu.

Au gu daudali au haganoho gii donu.(Psalm 119:30)

8 Deeai! Idimaa, Dimaadua guu lawa di hagi mai gi gidaadou di mee dela e humalia. Deenei di mee a Mee dela e hiihai bolo gidaadou gi heia: Gidaadou gi heia di tonu, gi hai hegau gi di aloho donu, mo di haga puni anga gi tadau God i lodo di manawa hila gi lala.(Micah 6:8)

24 Gei di tonu gi hanadu hua beelaa, gadoo be tama monowai mmidi, gei nia donu gii hai gadoo be di monowai damana dela e deemee di odi.(Amos 5:24)

14 Goodou hudee haga puni ang gi digau ala hagalee hagadonu, idimaa, e deemee di hai beenei. Di tonu e deemee di haga puni ang gi di haihai hala. Di maalama e deemee di haga puni ang gi di bouli.(2 Corinthians 6:14)

4 Nia maadua, hudee heia godou dama gi hagawelewele balumee, aago ina digaula gi nia agoago dama a Christ mono agoago hagamaamaa.(Ephesians 6:4)