Lei

20 Mbrə ə̂në ə̈bə̈ əzü bale sə sə kə sə tə ə̂rɔ̂ əzü lə ala Ndjapä mbrə ə̂në tshə mbrə̂ aərə nɔ̂ Lïndə̂ âgbɔ̂ əpʉ nə kɔ ne. Âgbɔ̂ əpʉ nə za äwä tshî ndə kə pa əzü wusə̂ əpʉ nyaka.

A djɔ̂ tshekudu nyaka gâ ye ndə kə sə tə alayïkosəra nə̂ Ndjapä

15 Rəkɔ yekɔ? A mbrə kəmə nyaka mbrə ə̂në a sə sə tshekudu âgbɔ̂ əpʉ nə ne, â sə tshekudu ə̂rɔ̂tə̂ Ndjapä nə kɔ a? Bale ne!

E mbrə̈ ərə nɔ̂ mbrə kə mbe Ndjapä

23 Alabə̈ azü sə kə pa: «Əndje zâ äwä kə əzü ndə kə mbrə ərə nɔ̂», banda əpʉ, bale, ərə nɔ̂ sə sə tə ə̂rɔ̂ ərə mbrə əzü ne. «Əndje zâ äwä kə əzü ndə kə mbrə ərə nɔ̂», bale ərə nɔ̂ gbɔgbɔ əzü gbɔgbɔ ne.

14 Mbrə ə̂në ndəma âgbɔ̂ əpʉ nɔ̂ nə̂ Mayïzə ngbo gâ tə̂ nə lə əpʉ bale səye: «Yïndə ngâ zə mata ə də̂ əbə də ə̂tə̂ zə.»*

22 Bale, ərə ə̂në Âgbɔ̂ Yîrə̂ nə sə kə mbrə nə lə əzü kɔ kə də̂: kə yi tə̂, ə̂rû, blatshe, kə ru tshelə, ə̂rɔ̂ lɔsu, ə̂rɔ̂tə̂, kə sə tə əzü ə̂në tshə lï ndə kə pa azü za lɔsu nɔ̂ kə ətshə, 23 kə mbrə tə̂ əzü lə zɨtɨ nə, kə wusə̂ äwä kə ru tə̂ əzü; âgbɔ̂ əpʉ wəra tə̂ ye wəra tə̂ marä tə̂ aərə səke ne.

2 E kö akongbɔ nə̂ angâ e lə takpa tə̂ e, â rə də̂ e sə kə mbrə ndəma âgbɔ̂ əpʉ ə̂në Kristə nə pâ kɔ.

31 Ənə̂ sə̂ ə̂në ə na mandânə kɔ kə səye: "Yïndə ngâ zə mata ə də əbə də ə̂tə̂ zə."* Ə̈bə̈ əpʉ ə̂në ə rô aəpʉ bishi səye kɔ gûta gû ne.»

12 Əpʉ ə̂në mə sə kə za ama də nə kə e kɔ kə səye: e yï tə̂ e lə takpa tə̂ e, mata ə̂në mə yîndə e kɔ.

Ə̈ndö əpʉ lə âgbɔ̂ əpʉ

12 «Ərə nɔ̂ ə̂në e yində nə ə pa azü mbrə kə e, e-e ndje, e mbrə̈ kʉtə̂ nə kə əndje. Mbrə ə̂në ərə ə̂në âgbɔ̂ əpʉ nə̂ Mayïzə də afraka nə̂ aawopandəma Ndjapä zâ ama ndə kə ma kɔ kə sə̂.»

Kə yində angâ zə sə tə kə mbrə ndəma âgbɔ̂ əpʉ nə̂ Ndjapä

8 Ködä ə̈bə̈ ərə bale nə̂ ə̈bə̈ əzü sə̈ sə̈ lə kumu e ne, kʉtə̂ ködä kə yi tə̂ e lə takpa tə̂ e ka ə sə lə kumu e. Mbrə ə̂në əzü ə̂në tshə yində angâ nə, tshə mbrə̂ ndəma âgbɔ̂ əpʉ nɔ̂ gâ ye.

21 Â əpʉ ə̂në Kristə nə zâ ama də nə kə əzə̂ kɔ kə səye: əzü ə̂në tshə yində Ndjapä, tshə yï ndje ndə aye nə.

21 Alaye ə̂në mə yində e ngbatshe kɔ, kədə lɔsu əzə̂ nə kə wa ngbanga wa gâ lə kumu əzə̂ ne, a sə sə kə mbrə awa ətshi Ndjapä nə ne. 22 Â ərə nɔ̂ ə̂në a yu tshuku nə kə ətshə, a sə kə sɔtə̂ nə lə kəna ye, mbrə ə̂në a sə kə mbrə ndəma aâgbɔ̂ aəpʉ nə̂ ye â sə kə mbrə ərə ə̂në ə fʉ lə ala ye kɔ.

4 E-e ndje, alabä, e zä əkɔ zä gâ tə̂ lɔsu aneshe nə̂ e ne, bale e bäta əndje tə̂ äwä kə yisə̂ äwä kə əndje də kə mʉ aəpʉ nə̂ Âgbɔ̂ Əyïngerə gâ lə ətu əndje.

Əzü ə̂në tshə zâ lɔsu ye kə Ndjapä lï ndə kə tɔ popo Ndjapä nə

14 E ngbö ngbö kəna e gâ tə̂ nə də azü ə̂në əndje za lɔsu əndje za kə Ndjapä ne kɔ lə aərə ne. Mbrə ə̂në kə mbrə ərə də äwänə də əmbrʉ ərə ə ngbo tə̂ əndje gâ tə̂ nə atâ a? Ə̂yîtshe də əbutshe ə ngbo gâ tə̂ nə atâ a?