Ler a Bíblia

8 આ નિયમશાસ્ત્ર તારા મુખમાં રાખ. તું રાતદિવસ તેનું મનન કર કે જેથી તેમાં જે બધું લખેલું છે તે તું કાળજીથી પાળી શકે. કારણ કે તો જ તું સમૃદ્ધ અને સફળ થઈશ.

105 મારા પગોને માટે તમારાં વચન દીવારૂપ છે

અને મારા માર્ગોને માટે અજવાળારૂપ છે.

130 તમારાં વચનો ખુલ્લો પ્રકાશ આપે છે;

તે ભોળા માણસ પણ સમજી શકે છે.

97 તમારા નિયમો પર હું કેટલો બધો પ્રેમ રાખું છું!

હું આખો દિવસ તેમના વિષે મનન કરું છું.

98 મારા શત્રુઓના કરતાં તમારી આજ્ઞાઓ મને વધુ બુદ્ધિમાન કરે છે;

કારણ કે તમારી આજ્ઞાઓ મારી પાસે સર્વદા છે.

99 મારામાં મારા શિક્ષકો કરતાં વધારે શાણપણ છે

કારણ કે હું તમારાં સાક્ષ્યોનું મનન કરું છું.

9 જુવાન માણસ કેવી રીતે પોતાનું જીવન શુદ્ધ રાખી શકે?

તમારા વચનો પાળવાથી.

10 મેં મારા ખરા હૃદયથી તમને શોધ્યા છે;

તમારી આજ્ઞાઓથી ચૂકીને મને ભટકવા ન દો.

11 મેં તમારાં વચન કાળજીપૂર્વક મારા હૃદયમાં રાખી મૂક્યાં છે

કે જેથી તમારી વિરુદ્ધ હું ફરી પાપ ન કરું.

16 દરેક શાસ્ત્રવચન ઈશ્વરનાં આત્મા તરફથી આવ્યું છે, માટે આપણે તેને એ રીતે વાંચીએ કે જેથી ઈશ્વરના વિશેનું સત્ય શીખવી શકીએ. વળી આપણે તેને એવી રીતે વાંચવું કે આપણે લોકોને સમજાવી શકીએ કે તેઓ સત્ય પર વિશ્વાસ કરે. જયારે લોકો પાપ કરે ત્યારે તેમને સુધારે. તેમ જ લોકો ને એ પણ શીખવે કે ભલું કેવી રીતે કરવું. 17 આપણે આ બાબતો એ માટે કરવી જોઈએ કે જેથી જે સર્વ પ્રકારની સારી બાબતો જેની તેને જરૂર છે તે કરવા ઈશ્વર દરેક વિશ્વાસીને તાલીમ આપે.

39 તમે પવિત્રશાસ્ત્ર તપાસી જુઓ છો, કેમ કે તેઓથી તમને અનંતજીવન છે, એમ તમે ધારો છો; અને મારે વિષે સાક્ષી આપનાર તે એ જ છે.

4 કેમ કે જેટલું અગાઉ લખેલું હતું, તે આપણને શિખામણ મળે તે માટે લખવામાં આવ્યું હતું કે, ધીરજથી તથા પવિત્રશાસ્ત્રમાંના દિલાસાથી આપણે આશા રાખીએ.

3 ભવિષ્યમાં બનવાની બિનાઓ જેઓ વાંચે છે, આ ભવિષ્યવાણીનું વચન જેઓ સાંભળે છે અને એમાં જે લખેલું છે તે પાળે છે, તેઓ આશીર્વાદિત છે, કેમ કે સમય પાસે છે.

13 હું આવું ત્યાં સુધી જાહેર શાસ્ત્રવાંચન, બોધ આપવા તથા શિક્ષણ આપવામાં ધ્યાન આપજે.

11 થેસ્સાલોનિકાના લોક કરતા તેઓ અધિક ગુણવાન હતા, કેમ કે તેઓ મનની પૂરી આતુરતાથી વચનોનો અંગીકાર કરીને, એ વચનો એમ જ છે કે નહિ, એ વિષે નિત્ય ધર્મશાસ્ત્ર તપાસતા હતા.

10 એઝરાએ પોતાનું મન યહોવાહના નિયમોનો અભ્યાસ કરવામાં, તેને પાળવામાં તથા વિધિઓ અને હુકમો શીખવવામાં લગાડ્યું.

8 તેઓએ ઈશ્વરના નિયમશાસ્ત્રમાંથી જે વાચન કર્યું તે લોકો સમજી શકે માટે સ્પષ્ટતાપૂર્વક તેનો અર્થ અને ખુલાસો પણ સમજાવ્યો.

24 ઈસુએ તેઓને કહ્યું કે, ‘શું તમે આ કારણથી ભૂલ નથી કરતા, કે તમે પવિત્રશાસ્ત્ર તથા ઈશ્વરનું પરાક્રમ જાણતા નથી?

6 આ વચનો જે હું તમને ફરમાવું છું તેને તારા અંત:કરણમાં રાખ. 7 અને ખંતથી તું તારા સંતાનોને તે શીખવ અને જયારે તું ઘરમાં બેઠો હોય કે રસ્તે ચાલતો હોય, જયારે તું સૂઈ જાય કે ઊઠે તેના વિષે વાત કર.

8 તું તેમને નિશાની તરીકે તારે હાથે બાંધ અને તારી આંખોમાં તેમને કપાળભૂષણ તરીકે રાખ.

જ્ઞાનનો પુરસ્કાર

1 મારા દીકરા, જો તું મારાં વચનોનો સ્વીકાર કરશે

અને મારી આજ્ઞાઓને તારી પાસે સંઘરી રાખીને,

2 ડહાપણની વાત સાંભળશે

અને બુદ્ધિમાં તારું મન કેન્દ્રિત કરશે;

3 જો તું વિવેકબુદ્ધિને માટે પોકાર કરશે

અને સમજણ મેળવવાને માટે ખંત રાખશે;

4 જો તું ચાંદીની જેમ તેની શોધ કરશે

અને સંતાડેલા ખજાનાની જેમ તેને શોધશે;

5 તો તને યહોવાહના ભયની સમજણ પડશે

અને તને ઈશ્વરનું ડહાપણ પ્રાપ્ત થશે.

6 કેમ કે યહોવાહ ડહાપણ આપે છે,

તેમના મુખમાંથી ડહાપણ અને સમજણ વ્યક્ત થાય છે.