Ler a Bíblia

8 Mpimpa na ntangu, vwanda na kifu ya kutangaka dibuku yayi ya Musiku, mpe kwendaka fyongonina yawu samu na kusadila yawu. Ni mutindu yina nge ke lenda na mambu nyonso, mpe nyonso yina nge ke sala, yawu ke bonga.

*

105 Mambu ya nge kele mwinda na makulu ya munu,

yawu kele nsemo yina ke kyenzolaka nzila ya munu.

130 Luzabu ya mambu ya nge ke kyenzolaka,

yawu ke pesaka mayela na bantu yina zaba mingi ve.

97 Mu ke zolaka mingi Musiku ya nge.

Bilumbu nyonso mu ke yindulaka na yawu konso ntangu.

*

98 Bantumunu ya nge ke na kupesa munu mayela kulutila bambeni ya munu,

samu ti konso ntangu, mu sadila yawu.

99 Mu me lutila mayela na bamfumu ya munu,

samu ti, mu ke yindulaka bansalulu ya misiku ya nge.

*

9 Wapi mutindu ntwenya lenda sala samu ti luzingu ya yandi vwanda ya kuvedila?

Kaka na kutumamaka na mambu ya nge.

10 Mu ke na kusosa nge na ntima ya munu nyonso,

kubika ve ti mu zimbana nzila na kubika bantumunu ya nge ntama.

11 Mu ke bumbaka mambu ya nge na kati ya ntima ya munu,

samu ti mu sumuka ve na ntadisi ya nge.

16 Mambu nyonso yina kele ya kusonama na Dibuku ya Nzambi, katukaka na Nzambi, mpe kele mfunu samu na kulongisa, kungala, kukumisa ya kudedama, mpe kusungika muntu na kuzinga na mutindu ya kudedama. 17 Na yina, muntu ya kukwikama na Nzambi ke vwanda ya kukubama mpe ya kulunga na kusala konso kisalu ya mbote.

39 Beno ke longokaka Dibuku ya Nzambi, samu ti beno ke kanisaka ti yawu ke pesa beno luzingu ya seko. Ni yawu ke salaka kimbangi ya munu.

4 Mambu nyonso yina ke na Dibuku ya Nzambi sonamaka samu na kulongisa beto, samu ti na lusalusu ya mvibudulu mpe kibakala yina yawu ke pesaka beto, beto vwanda na kivuvu.

3 Kyese na muntu yina ke na kutanga yawu. Kyese na bayina ke na kuwa mambu ya bambikululu, mpe ke na kubumba mambu yina kele ya kusonama na kati ya dibuku yayi. Ya tsyelika, ntangu ya mambu yayi me kuma pene-pene.

13 Mu zola ti nge lutisa ntangu ya nge na kutangila bandimi Mambu ya Nzambi, na kukindisa bawu, mpe kulongisa bawu tii ntangu mu ke kwiza.

11 Ba-Zwife ya mbanza yina vwandaka bantu ya mbote kulutila ba-Zwife ya mbanza Tesalonika. Bawu vwandaka kuwa Mambu ya Nzambi na kyese nyonso. Kilumbu ni kilumbu, bawu vwandaka longoka Dibuku ya Nzambi samu na kuzaba kana mambu yina Polo vwandaka longisa bawu vwandaka ya tsyelika.

10 Ya tsyelika, Esedase vwandaka pesa ntima ya yandi nyonso, samu na kulongoka misiku ya Yave mpe na kusadila yawu. Yandi vwandaka longisa misiku mpe bansalulu ya misiku yango na bantu ya Isayeli.

8 Bawu vwandaka tanga na dibuku ya Musiku ya Nzambi na pwelele nyonso. Bawu vwandaka pesa bawu nsasa ya mambu yango, samu ti bantu kuvisa yawu.

24 Yesu vutulaka: «Beno ke na kuvunama samu ti beno zaba ve Dibuku ya Nzambi to lulendo ya Nzambi.

6 Mambu yayi mu ke na kupesa nge bubu yayi, yawu fwana kuvwanda na ntima ya nge. 7 Nge fwana kulongisaka yawu na bana ya nge. Nge fwana kuzabisaka bawu yawu na ntangu nge ke vwanda na yinzo mpe na ntangu nge ke tambula na nzila, na ntangu nge ke lala mpe na ntangu nge ke vumbuka. 8 Nge fwana kukanga yawu na diboko ya nge mutindu kidimbu. Yawu fwana kuvwanda mutindu bidimbu na bambunzu ya beno.

Ndwenga kele kimvwama ya kubumbama

1 Mwana ya munu, kana nge ndima mambu ya munu,

kana nge bumba mbote bantumunu ya munu mutindu kimvwama,

2 kana nge teka makutu ya nge na kuwa mambu ya ndwenga,

kana nge fungula ntima ya nge samu na kubakula yawu,

3 ya tsyelika, kana nge bokila mayela,

kana nge ke na kubakula,

4 kana nge sosa yawu mutindu mbongo,

kana nge landa yawu mutindu kimvwama✝ ya kubumbama,

5 na yina, nge ke zaba yinki zola kutuba kuzitisa Yave.

Mpe nge ke kuzwa luzabu ya Nzambi.

6 Samu ti Yave ke pesaka ndwenga,

luzabu mpe mayela ke basikaka na yinwa ya yandi✝.