Ler a Bíblia

8 शास्त्रग्रंथातील हे नियम नेहमी तुझ्या मुखात असू दे; दिवसा आणि रात्री त्यांचे मनन कर, त्यात लिहिलेल्या सर्व गोष्टींचे काळजीपूर्वक पालन करशील, तर तुझी भरभराट होईल आणि तू यशस्वी होशील.

105 तुमचे वचन माझ्या पावलांकरिता दिवा

व माझ्या मार्गावरील प्रकाश आहे.

130 तुमचे वचन उलगडल्याने प्रकाश मिळतो;

ते साध्याभोळ्यांना शहाणपण देते.

97 अहाहा, मी तुमच्या विधिनियमांवर कितीतरी प्रीती करतो!

मी दिवसभर त्यांचे चिंतन करतो.

98 तुमची वचने सतत माझ्यासह असतात,

आणि ती माझ्या शत्रूंपेक्षा मला अधिक ज्ञानी करतात.

99 मला माझ्या सर्व शिक्षकांहून अधिक शहाणपण आहे,

कारण तुमच्या नियमांचे मी सतत मनन करतो.

9 तरुण मनुष्य शुद्ध मार्गावर कसा चालत राहील?

ते तुमच्या वचनानुसार आचरण करूनच.

10 तुम्हाला शोधण्याचा मी पूर्ण हृदयाने प्रयत्न केला आहे;

त्या आज्ञेपासून मला बहकून जाऊ देऊ नका.

11 मी तुमची वचने माझ्या हृदयात जपून ठेवली आहेत,

जेणेकरून मी तुमच्याविरुद्ध पाप करू नये.

16 संपूर्ण पवित्रशास्त्र परमेश्वराच्या प्रेरणेने रचलेले आहे आणि शिक्षण, निषेध, सुधारणा, नीतिमत्वाचे शिक्षण याकरिता उपयोगी आहे. 17 यासाठी की, परमेश्वराचा सेवक* पूर्णपणे प्रत्येक चांगल्या कामासाठी सज्ज व्हावा.

39 तुम्ही मेहनतीने शास्त्रलेख शोधून पाहता*, कारण त्यांच्यामध्ये सार्वकालिक जीवन आहे, असे तुम्हाला वाटते. तेच शास्त्रलेख माझ्याबद्दल साक्ष देतात;

4 कारण जे काही पूर्वी लिहिण्यात आले, ते सर्व आपल्याला शिक्षण मिळावे म्हणून लिहिले गेले, यासाठी की धीर धरून शास्त्रलेखापासून मिळणार्‍या प्रोत्साहनाद्वारे आपण आपल्या आशेला दृढ धरून राहवे.

3 जो कोणी या भविष्यकथनाचे मोठ्याने वाचन करतो तो धन्य, जे लोक ते ऐकतात आणि यात लिहिल्याप्रमाणे पालन करतात ते धन्य, कारण वेळ जवळ आली आहे.

13 मी तिथे येईपर्यंत सार्वजनिक शास्त्रवाचन करण्यात, बोध करण्यात, शिक्षण देण्यात तत्पर राहा.

11 आता बिरुया येथील यहूदी थेस्सलनीकातील लोकांपेक्षा थोर चरित्राचे होते, त्यांनी संदेश मोठ्या उत्सुकतेने ऐकला पौलाची विधाने खरी आहेत की नाहीत, हे ते प्रतिदिवशी वचनांची तपासणी करून पाहात असत.

10 कारण एज्रा याहवेहच्या नियमांचा अभ्यास करण्यास, ते पाळण्यास, व ते नियम इस्राएली लोकांना शिकविण्यासाठी समर्पित होता.

8 ते सर्व लोकांमध्ये जाऊन, वाचण्यात येणार्‍या परमेश्वराच्या नियमशास्त्रातील उतार्‍याचा अर्थ त्यांना समजावून सांगत होते.

24 येशूंनी उत्तर दिले, "तुम्ही चुकत नाहीत काय, कारण ना तुम्ही धर्मशास्त्र जाणता, नाही परमेश्वराचे सामर्थ्य ओळखता?

6 या ज्या आज्ञा मी आज तुम्हाला देणार आहे, त्या तुमच्या अंतःकरणात सदैव असाव्या. 7 त्या तुमच्या मुलांवर बिंबवा. घरी बसले असताना, वाटेवर चालत असताना, झोपण्याच्या वेळी व झोपेतून उठल्यानंतर त्याबद्दल बोलत राहा. 8 त्या तुम्ही आपल्या हातावर चिन्ह म्हणून बांधून ठेवा आणि आपल्या कपाळपट्टीवर बांधा.

ज्ञानाचा नैतिक लाभ

1 माझ्या मुला, जर तू माझी वचने स्वीकारशील

आणि माझ्या आज्ञा तुझ्या अंतःकरणात साठवून ठेवशील,

2 सुज्ञानाच्या वाणीकडे लक्ष देशील,

तुझे मन समंजसपणाकडे लावशील—

3 मग निश्चितच, अंतर्ज्ञानाचा धावा करशील,

आणि शहाणपण आत्मसात करण्यासाठी आक्रोश करशील,

4 आणि जसा चांदीचा शोध घेतात तसा तू त्याचा शोध घेशील

आणि गुप्त खजिना शोधतात तसा त्याचा शोध घेशील,

5 तेव्हा याहवेहचे भय काय आहे हे तुला समजेल

आणि परमेश्वराविषयीचे ज्ञान तुला प्राप्त होईल.

6 कारण याहवेह सुज्ञान देतात;

त्यांच्या मुखातून ज्ञान आणि शहाणपण येते.