Ler a Bíblia

8 ఈ ధర్మశాస్త్ర గ్రంథం ఎప్పుడు నీ పెదాల మీద ఉండాలి; పగలు రాత్రి దానిని ధ్యానించాలి, తద్వార నీవు దానిలో వ్రాయబడి ఉన్న ప్రతిదీ శ్రద్ధగా చేయగలవు. అప్పుడు నీవు విజయవంతంగా వర్ధిల్లుతావు.

105 మీ వాక్కు నా పాదాలకు దీపం,

నా త్రోవకు వెలుగు.

130 మీ వాక్కులు వెల్లడి అవడంతోనే వెలుగు ప్రకాశిస్తుంది.

అది సామాన్యులకు గ్రహింపునిస్తుంది.

97 ఓ, మీ ధర్మశాస్త్రం అంటే నాకెంత ఇష్టమో!

నేను రోజంతా దానిని ధ్యానిస్తాను.

98 మీ ఆజ్ఞలు ఎల్లప్పుడు నాతో ఉండి

నా శత్రువుల కన్నా నన్ను జ్ఞానిగా చేస్తాయి.

99 నేను మీ శాసనాలను ధ్యానిస్తాను కాబట్టి

నా ఉపదేశకులందరి కంటే నేను ఎక్కువ పరిజ్ఞానం కలిగి ఉన్నాను.

9 యువత పవిత్ర మార్గంలో ఎలా ఉండగలరు?

మీ వాక్యాన్ని అనుసరించి జీవించడం వల్లనే.

10 నేను నా హృదయమంతటితో మిమ్మల్ని వెదకుతున్నాను;

మీ ఆజ్ఞల నుండి నన్ను తొలగిపోనివ్వకండి.

11 నేను మీకు విరోధంగా పాపం చేయకూడదని

మీ వాక్యాన్ని నా హృదయంలో దాచుకున్నాను.

16 ప్రతి లేఖనం దేవుని ప్రేరణ చేతనే కలిగింది, అది బోధించడానికి, గద్దించడానికి, సరిదిద్దడానికి, నీతిలో నడిపించడానికి ఉపయోగపడుతుంది. 17 ఈ లేఖనాలను బట్టి, దేవుని సేవకుడు ప్రతి సత్కార్యం చేయడానికి పూర్తిగా సిద్ధపడి ఉండాలి.

39 మీరు వాటిని జాగ్రత్తగా పఠిస్తున్నారు ఎందుకంటే మీరు లేఖనాల్లో మీకు నిత్యజీవం ఉందని మీరనుకుంటున్నారు. ఈ లేఖనాలే నా గురించి సాక్ష్యం ఇస్తున్నాయి.

4 గతంలో వ్రాయబడిన సంగతులన్ని, లేఖనాల్లో బోధించబడిన ఓర్పు ద్వారా అవి ఇచ్చే ప్రోత్సాహాన్ని బట్టి మనం నిరీక్షణ కలిగి ఉండడం కోసం మనకు బోధించడానికి వ్రాయబడ్డాయి.

3 సమయం సమీపంగా ఉంది కాబట్టి ఈ ప్రవచన వాక్యాలను బిగ్గరగా చదివేవారు ధన్యులు, దానిలో వ్రాయబడిన వాటిని విని వాటి ప్రకారం నడుచుకొనేవారు ధన్యులు.

13 నేను అక్కడికి వచ్చేవరకు నీవు సంఘంలో పరిశుద్ధ వాక్యాన్ని బిగ్గరగా చదువుతూ, హెచ్చరిస్తూ, బోధించడం మానకుండ జాగ్రత్తగా చూసుకో.

11 బెరయాలోని యూదులు థెస్సలొనీకలో ఉండే వారికంటే వాక్యాన్ని శ్రద్ధతో స్వీకరించి పౌలు చెప్పిన సంగతులను సత్యమేనా అని తెలుసుకోవడానికి ప్రతిరోజు లేఖనాలను పరిశీలిస్తూ వచ్చారు.

10 యెహోవా ధర్మశాస్త్రాన్ని అధ్యయనం చేసి దాని ప్రకారం చేయాలని, ఇశ్రాయేలీయులకు దాని శాసనాలను, న్యాయవిధులను నేర్పించాలని ఎజ్రా నిశ్చయించుకున్నాడు.

8 వారు దేవుని ధర్మశాస్త్ర గ్రంథాన్ని స్పష్టంగా చదివి వినిపించి ప్రజలు దానిని గ్రహించేలా దాని అర్థాన్ని వివరించారు.

24 అందుకు యేసు, "మీకు వాక్యం కాని దేవుని శక్తిని కాని తెలియదు కాబట్టి మీరు పొరపాటు చేయట్లేదా?

6 ఈ రోజు నేను మీకు ఇస్తున్న ఈ ఆజ్ఞలు మీ హృదయాల్లో నిలిచి ఉండాలి. 7 వాటిని మీ పిల్లలకు నేర్పించాలి. మీరు ఇంటి దగ్గర కూర్చున్నప్పుడు, దారిలో నడుస్తున్నప్పుడు, మీరు పడుకున్నప్పుడు, లేచినప్పుడు, వాటి గురించి మాట్లాడాలి. 8 వాటిని సూచనలుగా మీ చేతికి కట్టుకోండి, మీ నుదిటి మీద బాసికాలుగా కట్టుకోండి.

జ్ఞానం యొక్క నైతిక ప్రయోజనాలు

1 నా కుమారుడా, నీవు నా మాటలను విని

నా ఆజ్ఞలను నీలో దాచుకొంటే,

2 జ్ఞానం వైపు నీవు చెవిపెట్టి,

హృదయపూర్వకంగా అవగాహన చేసుకోవాలి.

3 నీవు అంతరార్థం కోసం మొరపెడితే,

వివేచనకై బిగ్గరగా మనవి చేస్తే,

4 వెండిని వెదికినట్లు దానిని వెదికితే,

దాచబడిన నిధులను వెదికినట్లు దానిని వెదికితే,

5 యెహోవాయందు భయభక్తులు కలిగి ఉండడం గురించి నీవు తెలుసుకుంటావు,

దేవుని తెలివిని కనుగొంటావు.

6 ఎందుకంటే యెహోవాయే జ్ఞానాన్ని ప్రసాదించేవాడు;

తెలివి వివేచన ఆయన నోట నుండే వస్తాయి.