Liberdade: o que significa ser livre em Cristo

1 Klisto wutukuula, mwanki tuba nkatika bantu ba kimpwanza. Ni hahoho, syameno, na lutambulandi ko ti babwesa lukanga mu kihangu ki kinanga.(Ngalatiya 5:1)

36 Tala ti Mwana wuluheeni kimpwanza, kedika mbo luba mu kimpwanza.(Yowane 8:36)

31 Yesu wuta ku Bayudayo ba mukwikila ti: «Tala ti luu bakwikama mu mambu mani, nkatika milongoki myani ludi, 32 lwaazaba kedika, mpe kedika kyaaluhaana kimpwanza.»(Yowane 8:31,32)

1 Bwabu, kusiidi dyaka nsembolo ko ku yobobo badi mu Yesu-Klisto. 2 Mu dyambu ti, musiku wu Mpeve wukwe haananga luzingu mu Yesu-Klisto, wunkudidi mu musiku wu masumu na wu lufwa.(Romanos 8:1,2)

22 Kansi bwabu, lukulukidi mu masumu, mpe lweka mindongo mi Nzambi. Bwabu mbutu zi luna yonzika, ni luzingu lulongo, mpe ku nsukunu, ni luzingu lu mimvu ka mimvu.(Romanos 6:22)

38 Mpangi zani, zabeeno wo ti: mu dyambu dyandi balusamunina ndemvokolo yi masumu, na luyiza ba bantu ba lunungu ko mu dyambu di Misiku mi Mose. 39 Mu dyambu dyandi mpe, wonso muntu waakwikila mu yandi, waaba muntu wu lunungu.(Mavanga 13:38,39)

17 Mu dyambu ti Mfumu wudi Mpeve, mpe ho ha kwe banga Mpeve yi Mfumu, hahoho ha kimpwanza.(2 Kolinto 3:17)

12 Mu yandi, mpe mu kiminu kyeto mu yandi, tudi na kimpwanza kye finama ku Nzambi na kivuvu kimvimba.(Efeso 3:12)

18 «Mpeve yi Mfumu yi mu meno,

mu dyambu ti wunsoodidi mu mwangisa musamu wumbote ku bamputu.

Wuntambikidi mu zabikisa nkululu ku bantu baa mu kinkole,

mu zibula meso ku bampofo,

na mu haana kimpwanza ku bantu baa mu mfyetokoso,(Luka 4:18)

13 Mpangi zani, balutumisa mu zinga mu kimpwanza. Kansi lu kitulandi kimpwanza bekyokyo kiba mpengomokono ku yeno mu sadila nsatu zeno zi kinsuni. Kansi lufweti twalasana yeno na yeno mu kati di zola.(Ngalatiya 5:13)

12 Lukwe tanga ti: «Nii na luve mu hidika misamu mimvimba!» Kansi mimvimba mii mfunu ko. «Nii na luve mu hidika misamu mimvimba», kansi naatambula muba ku nsye lutumu lu kani kima ko.(1 Kolinto 6:12)

16 Dyatileeno bonso bantu baa na kimpwanza, kansi kimpwanza bekyokyo kikitukandi bonso mulele wuna fuka mambi meno. Kansi beeno bonso bisadi bi Nzambi.(1 Petelo 2:16)

25 Kansi muntu kwe toma fyongoninanga musiku wulunga, wukwe haananga kimpwanza, mpe tatamani mu sadila wo, ka zimbakana misamu mi kayudi ko, kansi wuna sadila myo, muntu bewowo waaba mu kyese mu kisalu kyandi.(Yakobi 1:25)