Língua

21 Neeni haasayeeddawe neena wotsee woy wod’ee; hewaa diraw, neeni ne haasayaa gaasuwaan yiyaawaa akkanaw de’aassa.

2 Nuuni ubbaykka daroban baleetto; itti uray bare haasayan mulekka balana d’ayooppe, I barena naaganaw danddayiyaa bali bayinna asaa.

3 Paratuu nuw azazettana mala, bis’aalaa barssiide, nuuni koyyiyaasaa ubbaa unttuntta afeetto. 4 Be’ite, markkabatuukka k’ay hewaa keenaa wolk’k’aama gidiidde, gotuwaa c’arkkuwaan laagettoopekka, unttuntta laaggiyaawe barewaa koyyiyaasaa zaariide laaggiyaa k’eeri guutsaa mitsaan laagettiide biino. 5 Hewaadan ins’s’arssay bollaa giddon guutsa asatetsaa gidooppekka, daro wolk’k’aamaban c’eek’ettee.

Guutsa tamay waaniide wolk’k’aama wora guuddii! Akeekite. 6 Ins’s’arssaykka tamaa mala. I nu asatetsaa giddon iitabaa ubbaa ootsana danddayee; asatetsaa ubbaa tunissee. K’ay nu de’uwaa wotsaakka tamaan guuddee; Gaannamiyaa tamaan I guudettanawaa.

7 Ayaw gooppe, do’atuwaa, kafatuwaa zariyaa, tiraan gooshettiyaa shooshshatuu zariyaanne abbaan de’iyaa med’etatuwaa zariyaa ubbaa Asay aadisseedda; k’ay unttunttukka aadeeddino. 8 Shin ooninne ins’s’arssaa aadissanaw danddayibeenna; ins’s’arssay wod’iyaa marzzii kumeedda c’o"u geena iita med’etaa.

9 Nuuni ins’s’arssan nu Godaanne Aawuwaa galateetto; k’ay aanikka S’oossaa malatiide med’etteedda asaa shek’k’eetto.✝ 10 Itti doonaappe galataynne shek’ay kesee. Taanaadan S’oossaa kaalliyaawanttoo, hewe hewaadan hananaw bessena. 11 Pulttuu itti ollaappe mal"iyaa haatsaanne c’ammiyaa haatsaa pulttanaw danddayii? 12 Taanaadan S’oossaa kaalliyaawanttoo, balasiyaa giyaa mitsay wogaraa ayifanaw danddayii? Woy woyniyaa turay balasiyaa giyaa mitsaa ayifanaw danddayii? Mas’ine mas’ine giyaa haatsaappekka mal"o haatsay kesana danddayenna.

15 Danddayanchcha Asay deriyaa mooddiyaawoo odiide amantsee; liik’o k’aalay mek’etsaa aad’d’iidde gelee.

18 Akeekenan haasayiyaa haasayay c’ubiyaadan c’addee; shin aad’d’eeda eranchchaa ins’s’arssay patsee.

19 Worddo haasayay guutsa wodiyaassa; shin tumo haasayay med’inaw de’ana.

19 Daro haasayaa giddon nagaray d’ayenna; shin bare doonaa shiishshi akkiyaa uray aad’d’eeda eranchcha.

28 Booza uray c’o"u gooppenne bare doonaa barooppe, eranchcha malatee.

26 Bare ins’s’arssaa naagennan barena c’immiidde, barew S’oossaa goyinniyaawaa malatiyaa uray de’ooppe, Aa goynay mela.

Metuu Gakka Asaa Paas’etsaa

1 Taani, «Ta ins’s’arssan nagaraa ootsennaadan,

ta ogiyaa naagana.

Iita asatuu ta sintsan de’iyaa wode,

ta doonaa barana» yaagaad.

12 Lo"o de’uwaa de’anawunne

keekkabaa be’ana mala,✝

bare laytsay aduk’k’anaw koyiyaa Asay oonee?

13 Ne ins’s’arssay iitabaa haasayennaadan,

ne doonaykka c’immeenaadan te"a.

30 S’illuwaa doonay aad’d’eeda eraa odee;

Aa ins’s’arssaykka s’illobaa haasayee.

31 Aa S’oossaa higgii Aa wozanaan de’ee;

Aa gediikka aappe halis’s’ena.

28 Gallassaa kumentsan ta ins’s’arssay,

ne s’illotetsaabaanne ne galataabaa odana.

4 Abeet Med’inaa Godaw, taani ta ins’s’arssan

itti k’aalaa haasayanaappe kasetaade,

neeni ta k’ofaa ubbaa eraasa.

2 Abeet Med’inaa Godaw, worddotiyaa doonatuwaappenne,

c’immiyaa ins’s’arssatuwaappe taana ashsha.

3 Abeet Med’inaa Godaw, ha sheleeshshiyaa doonaa bara.

Otoruwaan c’eek’ettiyaa ins’s’arssaa ubbaa neeni c’igga olaa.

4 Unttunttu, «Nuuni nu ins’s’arssan s’oonana;

nu mettershay nuwaa; nu goday oonee?» yaagiino.

9 Abeet S’oossaw, taani katamaa giddon

walassaanne wad’etaa be’eedda diraw,

Iitatuwaa haasayaa bulluuk’k’a.

9 Hewaa diraw, S’oossay Aa loytsi d’ok’k’u d’ok’k’u ootseedda;

k’ay suntsaa ubbaappekka aad’d’iyaa

d’ok’k’a suntsaa aw immeedda.

10 Hewaa diraw, saluwaaninne sa’aan,

sa’aappe garssan de’iyaa ubbay,

Yesuusa suntsaa bonchchanaw gulbbatana.✝

11 K’ay Asay ubbay Yesuusi Kiristtoosi Godaa yaagiide,

S’oossaa Aawuwaa bonchchoo markkattana.

Tumu Siik’uwaa

1 Taani asaa k’aalaaninne kiitanchchaa k’aalaan haasayooppekka taw siik’uu d’ayooppe, ta haasayay c’oo waassiyaa dawalaa mala; woy k’olc’c’akattiyaa s’inaas’iliyaa mala.

36 Taani hinttenttoo oday; Asay bare haasayeedda maaddenna haasayaa ubbaw pirddaa gallassi zaaruwaa immanawaa. 37 Ayaw gooppe, ne haasayay neena s’illissana; woy ne haasayay ne bolla pirddissana» yaageedda.

5 Shin Goday asatuu kees’s’eedda wolk’k’aama katamaanne pook’iyaa be’anaw duge wod’d’eedda; 6 Med’inaa Goday «Hekko unttunttu itti asaa; k’ay unttunttu ubbaykka itti k’aalan haasayiino; unttunttu ha"i hawaa ootsanaw doommowaappe guyye, unttunttu barenttoo ootsanaw k’oppowaa unttunttoo danddayettenawe ayaynne baawa. 7 Haa yiite; duge wod’d’iide unttunttu ittuu haasayiyaa k’aalaa ittuu erenna mala, unttunttu k’aalaa dummayoyitte» yaageedda. 8 Med’inaa Goday unttuntta hewaappe sa’aa ubbaa bollan laalina, unttunttu he wolk’k’aama katamaa kees’s’iyaawaa aggiisheedino. 9 Med’inaa Goday sa’aa asaa k’aalaa yan dummayeedda diraw, he katamay Baabeela* geetetteedda. Goday unttuntta hewaappe sa’aa ubbaa bollan laaleedda.