Língua

21 ኢንጻርሳ ቦላ ሃይቆይኔ

ዴኦ ዎልቃይ ዴስ፤

ኢዞ ዶሲዛይቲ ኢዚ ኣይፌ ሜቴስ።

2 ኑ ዉሪካ ዳሮ ሚሻን ጴቶስ። ሃሳያን ጴቶንታዴይ ዲኮ ኢዚ ባ ኣሳቴ ሎኤ ናጋናስ ዳንዳይዛ ኩሜ ኣሳ።

3 ኑኒ ፓራታ ኣዛዛናስ ቢጻላ ባርሲዲ ኑ ኮዪዳ ማላ ኢስታ ኣዛዞስ። 4 ዎይኮ ኣኔ ማርካቤታ ጼሊቴ፤ ኢስቲ ኣይ ጊታታኔ ጫርኮን ሱጌቲ ቢዛይታ ጊዲኮካ ማርካቤ ላጊዛዴይ ቄሪ ላፋ ላጊዛ ሚሻራ ባ ኮይዛሶ ኤፌስ። 5 ሄሳካ ኣሳቴ ጋርሳን ኢንጻርሲ ጉ ጊዳ ኡታዳ ጊታ ዎልቃማ ኦቶሮ ኦቶሬታዉስ፤ ቄሪ ታማይ ጊታ ዎራ ዎስቲ ጹጊ ይሲዛኮ ኣኔ ዩሺ ቆፒቴ። 6 ኢንጻርሲካ ባ ባጋራ ታማ ማላ፤ ቃሴ ኑ ኣሳቴ ጊዶን ዲዛ ኢታ ኣላሜ። ኣሳቴ ዉርሳ ቱኒሳዉሲኔ ኣሳቴ ቦላ ታማ ጉጃዉስ፤ ባስካ ጋናሜ ታማን ጹጌታና።

7 ሜሄ፥ ዶኣ፥ ካፎታ፥ ቢታ ቦላ ጎሼቲዛይታኔ ኣባ ጊዶን ዲዛ ሜቴታ ኡባ ኣሲ ሃራና ዳንዳዬስ፤ ኢስቲካ ሃሬቲዳ። 8 ጊዶ ኣቲን ኢንጻርስ ሃራናስ ዳንዳይዳዴይ ኦኒካ ዴና፤ ዎዛ ማርዜይ ኢዚን ኩሚዳሮኔ ኢዛ ሼምፓ ኤኮንታ ኢታ ሚሻ።

9 ኑኒ ኑ ኢንጻርሳይራ ጎዳኔ ኣዋ ኣንጆስ፤ ኢዚንካ ጾሳ ሌሚሶን ሜቲዳ ኣሳ ናይታ ዛሪዲ ቃንጎስ።✝ 10 ኣንጆይኔ ቃንጌ ኢሲ ዶናራ ኬዜስ። ታ ኢሻቶ! ሄሲ ሄሳ ሃናናስ ቤሴና። 11 ኢሲ ፑልቶ ኦላፌ ማልኦ ሃኔ ጫሞ ሃ ፑልቲ ኤሪዜ? 12 ታ ኢሻቶ! ባላሴ ጌቴቲዛ ሚ ዎጋራ ኣይፌ ዎይኮ ዎይኔ ሚ ባላሴ ሚ ኣይፌ ኣይፋናስ ዳንዳይዜ? ሄሳካ ጫሚዛ ሃፌ ማልኢዛ ሃ ቤታና ዳንዳዬና።

15 ዳንዳያንቻ ኣሲ

ዴሬ ሃሪዛዴ

ዮቲ ማይዜስ፤

ሊቆ ቃላይ

ሜቄ ካን ጌሌስ።

18 ኣኬኮንታ ሃሳይዛ ሃሳያይ

ቶራ ማላ ጫዴስ፤

ኣ ኤራንቻ

ኢንጻርሲ ጊዲኮ ፓስ።

19 ዎርዶ ሃሳያይ ጉ ዎዴሳ፤

ቱማ ሃሳያይ ጊዲኮ

ሜርናሳ።

19 ዳሮ ሃሳያ ጊዶን

ሞሮይ ዬና፤

ባ ዶና ሺሺ ኤኪዛ

ኣሲ ጊዲኮ

ኣ ኤራንቻ።

28 ኤያ ኣሲ ጮኡ ጊኮ

ኣ ኤራንቻ ሚሳቴስ፤

ባ ዶናካ ሺሺ ኦይኪኮ

ኣኬካንቻ ሚሳቴስ።

26 ባ ዶና ናጎንታ ባርካ ባ ዎዚና ባሌሼ ታ ኣማናይስ ጊዛዴይ ባርካ ባና ባሌስ፤ ኢዛ ኣማኖይካ ሃዳ ኣማኖ።

ዳዊቲ ዛማሬታ ካቦ ኤዶታኔስ ዬጺዳ ማዛሙሬ

1 ታኒ፥ «ኢንጻርሳን

ናጋራ ኦንታ ማላ

ታኒ ታ ኦጌ ናጋና፤

ኢታ ኣሳቲ

ታ ሲንን ዲዛ ዎዴ

ታ ዶና ጎርዳና» ጋዲስ።

12 ኣዱሳ ላይ ዳናስ ዶሲዛይኔ

ሎኦ ሚሽ ቤያናስ

ኮይዛይ ኦኔ?

13 ኔ ኢንጻርሳ

ኢታ ሃሳዮንታ ማላ ናጋ፤

ኔ ዶናፔ ዎርዶይ

ኬዞንታ ማላ ናጌታ።

30 ጺሎ ኣሳ ዶናይ

ኣ ኤራቴ ዮቴስ፤

ኢዛ ኢንጻርሲካ ጺሎ ሃሳዬስ።

31 ኢዛ ጾሳ ዎጋይ ኢዛ ዎዚናን ዴስ፤

ኢዛ ቶሆይካ ሃርቼና።

28 ጋላስ ኩሜ ታ ኢንጻርሳይ

ኔ ጺሎቴኔ ኔ ጋላታ ዮታና።

4 ኣቤት ጎዳዉ!

ታኒ ታ ዶናፔ ኢሲ ቃላካ

ሃሳያናፔ ካሴታዳ

ኔኒ ታ ቆፋ ኡባ ኤራሳ።

2 ኣቤት ጎዳዉ!

ዎርዶቲዛ ሜቴርሻታፔኔ

ጪሚዛ ኢንጻርሳታፔ

ታና ኣሻ።

3 ኣቤት ጎዳዉ!

ባሌዛ ዶና ጎርዳ፤

ኦቶሮን ሃሳይዛ

ኢንጻርሳታ ቃንጻ፤

4 ኢስቲ፥ «ኑኒ ኑ ኢንጻርሳን ጾናና፤

ኑ ዶናይ ኑሳ፤

ኑስ ጎዳይ ኦኔ?» ጌቴስ።

9 ኣቤት ጎዳዉ!

ታኒ ካታማይ ጊዶን

ኦሺኔ ጌኔ ቤያዲስ፤

ኢታታ ዞሬ ኔ ይሳ፤

ኢስታ ቆፋካ

ቡላኬሬ ዬጋ።

9 ሄሳ ጊሻስ ጾሲ ኢዛ ዳሮ ቁ ሂስቲዴስ፤ ሱን ኡባፌ ቁ ጊዳ ሱን ኢዛስ ኢሚዴስ።

10 ሄሲካ ሳሎኒኔ ሳኣን፥ ሳኣፔ ጋርሳንካ ዲዛ ሜቴኔ ጉልባቴይ ዉሪ ዬሱሳ ሱንስ ጉልባታና ማላሳ። 11 ኣሳ ኢንጻርሲ ዉሪካ ጾሳ ኣዋ ቦንቾስ ዬሱስ ኪርስቶሲ ጎዳ ጊዲዳይሳ ማርካታናሳ።

ቱሙ ሲቆ

1 ታ ኣሳ ቃላኒኔ ሳሎ ኪታንቻታ ቃላን ሃሳይኮካ ታስ ሲቆይ ባይንዳ ኣጊኮ ጮ ሜላ ቢራታ ጊሪሳ ማላ ዎይኮ ዳላ ጊሪሳ ማላ።

36 ጊዶ ኣቲን ታ ኢንቴስ ጊዛይ ኣሳይ ባ ሃሳይዳ ሃዳ ቃላ ኡባ ጊሻስ ፒርዳ ጋላስ ዉሪካ ኦይሼታና። 37 ጋሶይካ ኔ ቃላፔ ዴንዲዳይሳን ኔ ጺላዳ ኣታናኔ ኔ ቃላፔ ዴንዲዳይሳን ኔ ቦላ ፒርዴታና» ጊዴስ።

5 ጊዶ ኣቲን ጎዳይ ኣሳይ ኬጺዳ ጊታ ካታማዛኔ ጊምቤዛ ቤያናስ ዱጌ ዎዲ፥ 6 «ሄኮ ኢስቲ ኢሲ ኣሳ! ቃሴ ኢስቲ ዉሪካ ኢሲ ቃላን ሃሳዬቴስ፤ ኢስቲ ሃኢ ሃይሳ ኦሶ ኦይኪዳፔ ጉዬ፥ ኢስቲ ባስ ኦናስ ቆፒዳይሳ ኢስታ ዲጋናይ ዴና። 7 ሃ ዪቴ! ኣኔ ኑ ዱጌ ዎዲ ኢስቲ ኢሶይ ኢሳ ቃላ ኤሮንታ ማላ ኢስታ ቃላ ዋላኮስ» ጊዴስ። 8 ሄሳ ጊሻስ ጎዳይ ኢስታ ሄሳፌ ቢታ ኡባ ቦላን ላሊን ኢስቲ ሄ ጊታ ካታማ ኦዛይሳ ኣጋጊዳ። 9 ጎዳይ ቢታ ኣሳ ቃላ ሄን ዋላኪዳ ጊሻስ ሄ ካታማያ ባቢሌ* ጌቴታዱስ። ጎዳይ ኢስታ ሄሳፌ ቢታ ኡባ ቦላን ላሊዴስ።