Língua

2 Ya kadég tadun malikit magpakasalaꞌ, labi la adti kanaten paglong. Kun awun utaw na matadeng magtagen sa dilaꞌ nan, yan ya utaw na tengteng makatagen uman sa kadakulaꞌ na lawas nan.

3 Alimbawaꞌ kun kakangan tadun ya kudaꞌ, mabatug saba tadun aking-akingen pangkay ayin tadun pasinana. 4 Kasiling uman na dakulaꞌ na barko. Pangkay pigpalidpalid na mabandes na samet, manang mabatug na utaw aking-akingen magi sa tagbiꞌ na timon. 5 Maynan uman ya dilaꞌ. Tagbiꞌ sakanan dun ni lawas na utaw, manang magpalibantug sa dakulaꞌ na manga imo-unun nan.

Anenganenga mayu ya atulun. Pangkay tagbiꞌ, manang mabatug nan masangab ya dakulaꞌ na kagulangan. 6 Ya manga malatay na tingeg na lekat adti dilaꞌ tadun, tengteng saba lyumekat adti kan Satanas, aw yeiy ya makapagkalat sa pagka-utawun tadun, kasiling na atulun na magtapuntapun aw magkalat sa kanaten pag-eyaꞌ.

7 Mabatug na utaw nalamen ya madég na punganan na ayep, aw manga langgam, aw manga magpananap, aw manga tagbanwa na tubig. 8 Manang walaꞌ ya pangkay sambuk na utaw na un makanalam sa dilaꞌ nan, kay diliꞌ katagenan aw gayed maglong sa malatay. Kasiling na makababaleng na makamatay sa utaw.

9 Ya kanaten dilaꞌ, yan ya pagdeyen tadun sa kanaten Matas na Pangulu aw Ama na awun ni tas na langit, manang yan uman ya pagpanullun tadun sa utaw na pig-imoꞌ nan kasiling na kanan pagka-utawun. 10 Lekat dun ni sambuk na bakaꞌ ya pagdeyen aw ya pagpanullun! Kay manga inulug, diliꞌ galu maynan ya imo-un tadun. 11 Alimbawaꞌ ya tubig na matabang aw tubig na ma͡asin, unu, migsambuk ya tyugbulan nilan? Walaꞌ saba! 12 Ya kawuy na igira diliꞌ mamunga sa bunga na olibo, aw ya balagen na paras diliꞌ uman mamunga sa bunga na igira. Aw bekeꞌ saba na dagat ya tyugbulan na tubig na matabang. Maynan uman galu ya paglong na dilaꞌ tadun, diliꞌ tadun pagdali-an na malatay na tingeg.

26 Kun awun utaw na mig-anenganeng na tengteng nyatibulluk ya pagpangintu-u nan, manang kun diliꞌ nan katagenan ya kanan dilaꞌ, na, piggawayan nan ya kanan pagka-utawun, aw walaꞌ ya guna na pagpangintu-u nan.

9 Yanagaw pigpatas sakanan na Tyumanem aw pig-atag kanan ya ngalan na to-o matas kay sa kadég na manga ngalan, 10 pada deyen sakanan na kadég na utaw. Kay ya kadég na awun ni tas na langit aw ya kadég na asini tas na lupaꞌ, aw pangkay ya manga nyangkamatay, alag silan lumuhud dun ni asdangan nan na un magsimba kanan. 11 Aw ya kadég nilan alag maglong na si Jisu-Kristu ya Matas na Pangulu, aw dun da nilan deyenan ya Tyumanem na yan ya Ama.

Ya palna-u ni Pablo sa paggaginawa͡ay

1 Kun makapaglong aku sa madég na punganan na tingeg na manga utaw aw pangkay tingeg na manga anghil, manang kun walaꞌ ya pagginawa ku sa eped na utaw, kasiling aku na agung na pyaleman da oloꞌ sa uni aw babat na to-o magkalaging.

36 Aw miglong aku kamayu na dun ni allaw na pag-ukum, awun saba tubagenen na tagsambuksambuk kamayu sa piglong mayu na walaꞌ ya ma-untung. 37 Kay magi sa kanmu paglong, yan ya magmatinaw kun umbaꞌ kaw pa-emel-emelen aw ya diliꞌ."