Língua

21 Lulimi lodaha ukughala ugima na ukukoma na awala iwoukunda watsakuja ghamatunda ghake.

2 Twetwe twose tutotsagha. Ka imunu ng’ototsa bae mna ghayolonga, imunu ayo kakomala, kodaha kululongotsa lukuli lwake lwose.

3 Twetwe twakwoha imitsabi mne milomo ya falasi kuwatenda watuwinze, na twodaha kutsilongotsa ng’uli tsawo tsose kwokwose kwatubama. 4 Ebu uloleni mnumbwi, hata ka mkulu ng’ani na wosolighwa ne libeho likulu, wodaha kulongotsighwa ne mtela mdodo, nawo woghenda kwokwose mlongotsi kwoyobama ughende. 5 Pfipfo kwa lulimi, chilungo chidodo che lukuli, lekeni cheghodela pfinu pfikulu.

Lola isesi ya ghumoto pfaidaha kutenda muhulo ghulakale. 6 Pfipfila lulimi lweghala ne ghumoto, lwakwima hanu ha chila chinu chihile mghati mwe pfilungo pfetu, lwoluteda lukuli lwose lufinale na lwolakatsa ughima wose, nalwo lwakwaka ghumoto ighubwinighwe jehanamu.

7 Iwapfilumbe wose, iwanyama we kumuhulo, iwapfideghe, iwanyama iwotambala ne iwasomba wodaha kufughighwa, na ma wafughighwa ne iwanu. 8 Lekeni lulimi, haduhu imunu iyadahile kulufugha. Lulimi lwiha na ng’aludaha kulongosighwa, lumema sumu iighala lifwa.

9 Kwa lulimi twomtunya Imtwatsa na Aba wetu, kwa lulimi lulo twowalighita iwanu iwalumbighwe kwa kwighala ne Imulungu. 10 Mlomo wuwula wotunya na wolighita iwanu. Ndughu tsangu agha ghaleke kulawila! 11 Apfi mbwibwi yodaha kulapfa ghamatsi ighanoghile na ghane munyu? 12 Ndughu tsangu, apfi mkuyu ghodaha kweleka ng’owo, au mkowo kweleka ng’uyu? Pfipfo mbwibwi ye ghamatsi ghe munyu ng’aidaha bae kulapfa ghamatsi ghanoghile.

15 Ukudedetsa kwa kududumila komtenda imkulu yakutogholele na lulimi ilulonga lughalugha lwodaha kubena imipate.

18 Imunu iyolonga bila kwalangitsa, chayolonga chohoma ka limaghe, lekeni lulimi lwa imunu iyakengele lwohonetsa.

19 Lulimi ilulongesa lokala matsuwa ghose. lekeni lulimi ilulonga ughutsu ng’alukala baye.

19 Mna ghamalonga mengi, na ghamatotso ghamumo, lekeni iyoghughoma mlomo ghwake, ayo kakengela.

28 Hata imunu mbotsi yang’enyamala kakoneka kana hekima, na kakoneka kakengela hayodiwa ghumlomo ghwake.

26 Imunu wowose ang’ebona ka imunu wa dini na ng’olughoma bae lulimi lwake, imunu ayo keghutsukila imwenyegho, na dini yake yahela sang’ano.

Iwanu hambele ha Imulungu

1 Nene tsanilonga, "Nitsakwalangitsa mna chila chanitenda,

na nitsolughoma ilulimi lwangu luleke kutenda nzambi,

ghumlomo ghwangu nitsoghoha chibang’wa hanikala na iwanu wehile."

12 Imunu yuhi iyonoghelwa na ugima,

iyobama ukwona matsuwa mengi ighanoghile?

13 Ulughome ilulimi lwako luleke ukulonga ighehile,

na imilomo yako ileke ukulonga ughutsu.

30 Ghumlomo ghwake iyana ihaki gholonga ghamalonga gha ihekima,

ilulimi lwake lwolonga ighagholoke.

31 Ghamalaghitso gha Imulungu wake ghamna ghumoyo ghwake,

na ghamaghulu ghake ng’aghotelebuka baye mna agho.

28 Na ilulimi lwangu lutsolonga tsimbuli tsa ihaki yako,

Na nitsokutunya misi yose.

4 Sina nonge chinu baye,

ghweghwe komanya chanibama ukulonga.

2 Ghwe IMNDEWA, unikombole,

kulawa kwa iwanu wana imilomo ya ughutsu,

na wana imilimi ya ung’enye.

3 Leka IMNDEWA yaikane imilimi yose ikomba komba,

na imilimi ilonga mbuli tsa ukwighoda,

4 ya awala iwolonga, "Kwa milimi yetu tutsohuma,

imilomo yetu twinayo tuwenyegho,

haduhu munu wa kutughoma tuleke kulonga."

9 Ghwe MNDEWA, upfulughe chawolonga,

kwaapfila mbona pfulughu na litsogho mna ghumji.

9 Apfo Imulungu kamwinula uchanya ghendo,

kuya kamwing’a taghwa kulu kubita mataghwa ghose,

10 ili kwa taghwa lya Yesu,

ipfinu pfose ipfili kulanga, ipfili muisi, na ipfili kutsimu

pfitowe ghamaghoti. 11 Na chila lulimi lutoghole kuwa Yesu Kiristu ka Imtwatsa,

kwa utunitso wa Aba Imulungu.

Unoghelo

1 Hata ka nodaha kulonga lugha tse iwanu na tse wamalaika we kulanga, lekeni ka nahela unoghelo, nene neghala na malati iikema hela au tsimbughi.

36 "Apfo nomlongelani ghendo, kwa chila chinu chihile chawolonga iwanu, watsohighighwa mna litsuwa lya ukuhigha iwanu. 37 Mana kwa aghala ghaulonga kutsopata haki, na pfipfila kwa aghala ghaulonga kutsohighighwa."

5 Kuya IMNDEWA kahulumka hasi, kona ghumji na mnara ighutsengighwe ne iwanu. 6 IMNDEWA kalonga, "Iwanu wano wolonga lugha imwe na wandusa kutenda pfino, apfo wodaha kutenda chochose chawobama. 7 Leka tuhulumke hasi tuitiwanyitse lugha yawo ili waleke kwihulikitsa." 8 Apfo IMNDEWA kawapwililisa muisi mwose, nawo waleka kutsenga ghumji. 9 Ghumji ghula tsaghukemighwa Babeli, kwaapfila ako Imulungu tsakaitiwanyitsa lugha yose, ako kawapwililisa iwanu chila hanu muisi mwose.