Língua

2 နို့လေရှိမျှဟှာ မကြာမကြာ မှားဂေ့ဟှယ်။ ဖယ်ခါလည်း စကားမှားဘဲ့ဟှူလူဟှာ ပ္လဲ့ဝစောင်လင်ဟှူလူ ဖြစ်ဟှယ်။ အယ်မျိုးလူဟှာ ကိုယ့်ကိုယ်ကိုယ် ထီးချောက်နိုင်ဟှူလူ ဖြစ်ဟှယ်။

3 နို့လေဟှာ ဗြင်းဇတ်ပေါ့-က်ဟှို ခယ်ဟှားဘီးဟှာ ဗြင်းတကိုယ်လောင်းဟှို လှည့်စေဟှို့တွပ် နို့လေရဲ့ စကားဟှို နားထောန်ခိုင်းဘီးဟှာ သွားရှင်ဟှူနေရာဟှို သွားခိုင်းနိုင်ဟှယ်။ 4 ရရာတိုင်းကီးဟှူ သန်းဖော်လေဟှို လေတိုက်နေဟှူ ခီမာ ပဲ့ဟှိုကိုင်ဘီးဟှာ ထီးချောက်ဘီး ပဲ့ထီးဟှူလူဟှ သွားရှင်ဟှူနေရာဟှို လှည့်တတ်ဟှယ်။ 5 လျှာဟှလည်း အယ်မျိုးတိုင်းဘဲ့ ဖြစ်ဟှယ်။ ကိုယ်ခန္ဓာမာ ငယ်ဆောင်းအင်္ဂါဖြစ်ဘေမဲ့ ရရာတိုင်းကီးဟှူဇာလေဟှို ဝါကြွားတတ်ဟှယ်။

ရရာတိုင်းကီးဟှူသစ်တောဟှို ရရာတိုင်းငယ်ဟှူမီးပွားဟှ လောန်နိုင်ဟှယ် ဆိုဇာ ကေ့ကေ့ပါ။ 6 လျှာဟှာ မီးနတူဟှယ်။ ပြစ်ဒုစရိုက်လေန ပ္လဲ့ဝဟှူ လောကဖြစ်ဟှယ်။ အယ်မျိုးဘဲ့ ကိုယ်ခန္ဓာမာ အင်္ဂါတခုနေန ရှိနေဘီး နို့လေရဲ့ ကိုယ်ခန္ဓာ တခုလောင်းဟှို ပြစ်ဒုစရိုက်လေန ကူးစစ်ဘီး ပ္လံ့နှံ့စေဟှယ်။ လျှာဟှာ ငရဲမီးန နို့လေရဲ့ ဘဝဂူလောင်းဟှို လောန်စေဟှယ်။

7 လူဟှာ တခြားသတ္တဝါလေဖြစ်ဟှူ လိဆန်၊ ငှတ်၊ တွားတတ်ဟှူ သတ္တဝါန ပန်လယ်မှာနေဟှူ သတ္တဝါလေဟှို လူလေဟှာ ယဉ်အောန်လောက်နိုင်ဟှယ်။ လောက်လဲလောက်လာဟှယ်။ 8 အယ်ဘေမဲ့ လျှာဟှို ဖယ်သူလည်း နိုင်အောန်လောက်နိုင်ဟှ။ လျှာဟှာ သေစေတတ်ဟှူ ဆိနပ္လဲ့ဝဘီး ထီးချောက်ဟှို့ မျှဘဲ့နေအောန် ဆိုးဟှယ်။

9 နို့လေဟှာ ဖဘုရားသခင်ရဲ့ ဂေါင်တော်ဟှို ချီးမွမ်းဟှူ ခီမာ လျှာလေဟှို သောင်းဂေ့ဟှယ်။ ဘုရားသခင်ရဲ့ ပေါင်ဇံနတူးအောန် ဖန်ဆင်းဟှားဟှူ လူလေဟှို ကီဆဲဟှူ ခီမာလည်း သောင်းပြုဂေ့ဟှယ်။ 10 နှောက်တခုထဲဟှ ကျေးဇူးတော်ဟှို ချီးမွမ်းရှင်းန ကီဆဲရှင်းလေ ထွပ်တတ်ဘဲ့လော။ ညီကို မောန်နှမလေ အယ်မျိုးဖြစ်သင့်ဟှ။ 11 စမ်းရေ တပေါ့-က်ထဲဟှ ရှိုဟှူရေန ခါးဟှူရေလေ ထွပ်တတ်ဘဲ့လော။ 12 ညီကို မောန်နှမလေ၊ သဖန်းပန်မာ သံလွင်သီးဟှို သီးနိုင်ဘဲ့လော။ စဗျစ်နွယ်ဗန်မာ သဖန်းသီးဟှို သီးနိုင်ဘဲ့လော။ အယ်မျိုးဘဲ့ ငန်ဟှူရေဟှ ရှိုဟှူရေ ဖြစ်နိုင်ဟှ။

26 လူတယော့-က်ဟှာ သူ့ကိုယ်သူ ဘုရားတရားဟှို ကြည်ညိုဟှယ် ဆိုဘီး ယူဆဘေမဲ့ သူ့ရဲ့ လျှာဟှို ထီးနိုင်ဟှ ဆိုဟှာ သူ့ရဲ့ စိနှလောင်းဟှို လှည့်ဇာဟှူလူ ဖြစ်ဟှယ်။ သူ့ရဲ့ ဘုရားတရား ကိုင်းရှိုင်းရှင်းဟှာ ချည်းနှီးဘဲဖြစ်ဟှယ်။

9 အယ်ကြောန်းကြောန့် ဘုရားသခင်ဟှာ

ကိုယ်တော့်ဟှို ရရာတိုင်း ချီးမြှော-က်ဘီး၊

ဘွဲ့နာမဂူလောင်းထတ် ကီးမြတ်ဟှူ ဘွဲ့နာမဟှို ပေးဟှားဟှယ်။

10 အယ်ကြောန့် ကောန်းဂန်၊ မ္လေဂီးထတ်န မ္လေဂီးအော့-က်မာ* ရှိနေဟှူ သတ္တဝါဂူလောင်းဟှာ

သခင်ယေရှုရဲ့ နာမတော်ဟှို ရိုသေဦးညွှတ်ဘီးဟှာ၊

11 ယေရှုခရစ်တော်ဟှာ သခင်ဖြစ်ဟှယ် ဆိုဇာဟှို နှောက်နဝန်ခံဘီး၊

ဖဘုရားသခင်ရဲ့ ဖောင်းတော်ဟှို ထန်ရှား စေဂေ့လေ့မယ်။

မြစ်တာကြောန်း

1 ငါဟှာ လူ့ဘာသာစကားန ကောန်းဂန်တမန်ဘာသာစကားဟှို ပြောနိုင်ဟှူလည်းဘဲ့ မြစ်တာမှေ့ဘဲနေဟှာ သံက္လယ်က္လယ်ဗြယ်ဘီး ဆူညံနေဟှူ ဗှိုးမှုဟှူသံန ချမ်းချမ်းဟှူမျိုးဘဲ့ ဖြစ်လေ့မယ်။

36 "နန်းနို့လေဟှို ငါပြောမယ်၊ တရားစီရင်ဟှူနေ့မာ လူတိုင်း ကျိုးမှေ့ဘဲဟှူ စကားလေတွပ် စစ်ကြောစီရင်ခံရလေ့မယ်။ 37 နန်းနို့ရဲ့ စကားအားဖြင့် ပြစ်လွတ်ခံရဘီး နန်းနို့ရဲ့ စကားအားဖြင့်ဘဲ့ ပြစ်စီရင်ဇာဟှို ခံရလေ့မယ်" ဆိုဘီး မိန့်တော်မူလေဟှယ်။