Língua

21 Sipos ol tok ya i blong sevem laef, bambae yu save glad long frut blong hem, be sipos i blong spolem laef, bambae yu mas rere blong kakae frut blong hem.

2 Plante taem, yumi evriwan i mekem i no stret. Be man we i no mekem mastik samtaem long toktok blong hem, hem i wan man we i stret gud olgeta. Man olsem bambae i save blokem olgeta rabis samting we i save spolem laef blong hem.

3 Yumi stap putum rop long maot blong hos, blong mekem hem i obei long yumi, nao yumi save mekem hem i go long weples yumi wantem. 4 Mo yufala i traem tingbaot sip. Sip i bigwan, be stia blong hem i smol nomo. Mo taem bigfala win i kasem sip ya, be man we i holem stia i save mekem sip ya i go long weples we hem i wantem go long hem. 5 Mo long sem fasin, tang blong yumi i wan smol samting nomo, be i save tok flas long plante bigbigfala samting.

Yufala i traem tingbaot faea. Nating we i smol we i smol, be i save bonem olgeta haos long vilej we i finisimgud. 6 Mo tang blong yumi, hem i olsem faea nomo. Hem i haf blong bodi blong yumi, be i olsem wol ya we i fulap long ol samting nogud. Tok we i kamaot long maot blong yumi, i stap spolemgud laef blong yumi. Hem i stap pulum ol samting blong hel* we i olsem faea, nao i stap mekem i laet olbaot long laef blong yumi.

7 Man i save mekem olgeta wael anamol oli stap kwaet. Anamol blong bus, mo pijin, mo snek, mo fis, man i save mekem olgeta evriwan oli stap kwaet. 8 Be i no gat man samtaem we i save mekem tang blong hem i stap kwaet. Tok we i kamaot long hem i nogud tumas, mo yumi no save blokem. Hem i olsem posen we i save kilim man i ded.

9 ✝Yumi stap yusum tang blong yumi blong presem Hae God ya we i Papa blong yumi, mo yumi stap yusum tu blong tok nogud long ol narafala man we God i mekem olgeta long pija blong hem. 10 Long sem maot nomo, yumi stap toktok gud, mo yumi stap toktok nogud. Be samting ya i krangke olgeta. 11 I no gat wan wel we long wan hol nomo, wota mo solwota, tufala i stap kamaot long hem. 12 Taem yufala i wantem wota, be yufala i no save go kasem solwota blong dring. ?Yufala i ting se manggo i save karem frut blong aranis, no paenap i save karem frut blong manggo? !Nogat!

15 Sipos wan man i agens long yu tumas, nating we hem i wan haeman, be sipos yu stap toktok gud wetem hem, we yu mekem tingting blong yu i longfala, fasin ya bambae i save winim hem, i save mekem hem i kam fren gud wetem yu bakegen.

18 Ol tok nogud we man i sakem we i no tingbaot i save mekem narafala man i harem nogud, olsem we naef blong faet i stikim hem, be tok we i waes i save mekem man i harem gud bakegen.

19 Giaman toktok bambae i no save stap longtaem, be trutok bambae i stap oltaem nomo.

19 Taem man i stap toktok tumas, i isi nomo blong hem i mestem tok blong hem, nao i foldaon long sin, be man we i waes, hem i save satem maot blong hem, i no tok.

28 Be i tru, nating we man i no waes, be sipos hem i stap kwaet, i no toktok, bambae ol man oli save ting se hem tu i waes, i gat hed.

26 Sipos man i ting se hem i man blong God mo i stap ona gud long hem, be hem i no lukaot gud long ol toktok blong hem, man ya i stap giaman nomo. Fasin blong hem blong ona long God i blong nating nomo.

Man we i harem nogud tumas long bodi blong hem i talemaot sin blong hem

1,2 Taem trabol ya i kasem mi,

fastaem mi mi talem se,

"Naoia mi mi mas lukaot gud

blong mi no talem sam tok

we i no stret.

I nogud mi letem maot blong mi

i mekem mi mi sin.

Sipos ol man nogud oli stap klosap long mi,

i nogud mi tokbaot trabol ya blong mi."

Ale mi stap kwaet,

mi no talem wan tok.

Nating we i blong talem wan gudfala samting,

be mi no tok.

Be trabol blong mi i stap kam mowas,

mo mi mi harem nogud tumas.

12 ✝?Olsem wanem?

?Yufala i wantem harem gud long laef blong yufala?

?Yufala i wantem laef blong yufala i longfala

we yufala i hapi oltaem?

13 Oraet,

yufala i no moa tok nogud,

yufala i no moa giaman.

30 Ol tok blong gudfala man oli waes,

mo ol samting we hem i talem

oli stret nomo.

31 Hem i stap holem ol loa blong God blong hem

long tingting blong hem,

mo neva hem i lego ol loa ya.

28 Nao bambae mi mi talemaot stret fasin blong yu,

mo bambae mi stap presem yu evri dei nomo,

i stat long moning,

gogo kasem tudak.

4 Nating we mi no tok yet,

be yu yu save finis ol samting ya

we bambae mi talem.

2 Mi talem se, "Hae God,

plis yu blokemgud mi

blong ol man blong giaman mo ol man blong mekem trik

oli no save spolem mi."

3 Hae God,

plis yu blokem ol swit toktok ya.

Yu satem maot blong olgeta ya

we oli stap tok flas,

oli stap talem se,

4 "Mifala i stap kasem ol samting

we mifala i wantem,

long ol toktok blong mifala nomo.

Mifala bambae i talem ol samting

we mifala i wantem talem,

mo i no gat man i save blokem mifala."

(Tok i go long ol man.)

9 Masta,*

plis yu mekem

ol tok blong ol enemi blong mi

oli paspas.

Mi mi luk we ol man long taon ya

oli stap rao mo oli stap faet.

9 Nao from samting ya,

God i leftemap nem blong hem i go antap olgeta,

i givim nem long hem

we i hae moa long ol narafala nem.

10 ✝Nao olgeta long heven, mo long wol,

mo long Hom* blong ol Dedman,

bambae oli bodaon

oli ona long nem blong hem,

11 mo olgeta man bambae oli talemaot

we Jisas Kraes, hem i Hae God, i Masta* blong olgeta,

blong leftemap nem blong God, Papa blong yumi.

Fasin blong lavem God mo blong lavem ol man

1 Sipos mi gat paoa blong tok long ol lanwis blong ol man mo blong ol enjel tu, be mi no lavem man, tok ya bambae i olsem noes nomo. Bambae mi olsem wan bigfala tamtam we i stap krae nomo, no mi olsem wan bel we i stap krae blong nating.

36 "Mi mi talem long yufala. Long Lasdei ya we God bambae i jajem olgeta man long hem, ol man oli mas talemaot long hem, from wanem oli bin talem ol tok olbaot. 37 Bambae hem i save jajem yufala long ol tok blong yufala, se yufala i stret man, no yufala i man nogud."

5 Nao Hae God i kamdaon blong luk ol wok ya blong olgeta, 6 mo hem i talem se, "!Maewad! Ol man ya oli man blong wan ples nomo, mo oli stap yusum wan lanwis nomo. Haos ya we oli jes wokem, hem i fas wok nomo blong olgeta. Bambae i no longtaem, oli save mekem olgeta samting we oli wantem. 7 I moa gud yumi* long 1.26. godaon blong mekem lanwis blong olgeta i paspas, blong oli no moa save haremsave ol toktok blong olgeta." 8 Nao Hae God i girap, i ronemaot olgeta oli gowe long ples ya, nao oli go stap olbaot long evri ples long wol, mo oli no moa wokem taon ya bakegen. 9 Nem blong taon ya Babilon*, from we long ples ya, Hae God i mekem lanwis ya blong olgeta man long wol i paspas, mo long ples ya, hem i ronemaot olgeta man oli go stap olbaot long evri ples long wol.