Língua
A língua tem poder de vida e de morte. A Bíblia compara a língua ao leme de um navio e à faísca que incendeia uma floresta. Dominar a língua é prova de maturidade espiritual.
O poder da língua
A morte e a vida estão no poder da língua. Quem a domina é varão perfeito, capaz de controlar todo o corpo.
Lep nigi teko mar ngima kod tho,
to jogo mohere biro chamo olembe.
Wan duto wachwanyore e yore mangʼeny. Ka weche ma ngʼato wacho ok mi obed jaketho to en ngʼat malongʼo kendo onyalo chiko ringre duto mondo owinje.
Ka waketo ratege e dho farese mondo omi giwinjwa, to wanyalo chiko ringregi kamoro amora ma wadwaro. Bende wanyalo kawo yiedhi madongo kaka ranyisi. Kata obedo ni gidongo miwuoro kendo iriembogi gi yembe man-gi teko madongo, to pod ichikogi mana gi ngai matin nono mi gichom kamoro amora ma jakwangʼ yie dwaro ni gidhiye. Mano bende kaka lep en fuoni matin nono e dend dhano, to onyalo sungore miwuoro. Parie kaka pilni mach matin nono nyalo moko mach mi wangʼ bungu maduongʼ! Lep bende en mach kendo piny mopongʼ gi richo e kind fuonde duto mag ringruok. Oketho ringruok duto ka omoko mach mawangʼo ngima dhano duto mi chop en owuon bende wangʼe e Gehena.
Kit le duto gi winy mafuyo gi gik mamol kaachiel gi chwech Nyasaye duto manie nam, dhano nyalo boyo kendo oseboyo, to onge ngʼama nyalo boyo lep. En gima rach ma ok ywe mopongʼ gi kwiri marach.
Lep achielni ema wapakogo Ruodhwa kendo Wuonwa, en bende ema wakwongʼogo ji mochwe e kit Nyasaye. Pak kod kwongʼ wuok e dhok achielno! Jowetena, gima kamano ok onego otimre. Bende pi mamit gi pi makech nyalo wuok e soko achiel? Jowetena, bende yiend ngʼowu nyalo nyago zeituni? Koso mzabibu bende nyalo nyago ngʼowu? Kamano bende e kaka pi makech ok nyal lokore pi mamit.
Palavras sábias
A língua branda quebra até ossos. A palavra certa no tempo certo é como maçãs de ouro em salvas de prata.
Horuok mos nyalo loko chuny ruoth,
to lep mamuol nyalo toyo chogo.
Weche mag muomruok chwoyo chuny mana kaka ligangla,
to lew ngʼat mariek kelo ngima.
Dhok ma ja-adiera osiko manyaka chiengʼ,
to lep mariambo bedo mana kuom kinde machwok.
Ka weche ngʼeny, to richo ok nyal bare ma ok obetie,
to ngʼat marito lewe oriek.
Kata ngʼat mofuwo ikwano ka ngʼat mariek ka olingʼ thi;
kendo ka ngʼat mongʼeyo ka orito lewe.
Disciplinar a fala
Quem guarda a boca e a língua guarda a sua alma de angústias. A religião sem controle da língua é vã.
Ka ngʼato angʼata okawore ni en jalemo, to ok orito lewe motegno to owuondore kende, kendo lemone onge tiende.
Ne awacho niya, "Abiro ritora e yorena,
kendo abiro rito lewa kik wach richo;
abiro tweyo dhoga gi tol kinde duto
ma joma timbegi richo ni buta."
Ngʼato angʼata kuomu mohero ngima
kendo nigi geno kuom ndalo mabiro mangʼeny mabeyo,
nyaka ogengʼ lewe kik wuo marach
kendo ogengʼ dhoge kuom wacho miriambo.
Dho ngʼat makare hulo rieko
kendo lewe wacho gima ratiro.
Chik mar Nyasache ni e chunye;
omiyo tiendene ok kier.
Abiro pako timni makare
kendo kuom pakni duto odiechiengʼ duto.
Kata kapok wach moro owuok e dhoga
to ingʼeye malongʼo, yaye Jehova Nyasaye.
Resa, yaye Jehova Nyasaye, kuom dho joma riambo
kendo kuom lew joma wuondore.
Mad Jehova Nyasaye ongʼad oko lep duto
ma jaro ji kod lep duto masungore;
mawacho niya, "Wabiro wuoyo kaka wahero;
kendo onge ngʼama biro tamowa.
Koso en ngʼa ma ruodhwa manyalo tamowa timo kamano?"
Lal pach joma timbegi richo, yaye Ruoth,
mi lewgi moki e dandgi,
nikech aneno ka mahundu gi dhawo opongʼo dala maduongʼ.
Toda língua confessará
Ao nome de Jesus todo joelho se dobrará e toda língua confessará que Jesus Cristo é Senhor, para glória de Deus Pai.
Emomiyo Nyasaye bende notingʼe malo moloyo,
kendo nomiye nying moloyo nyinge duto,
mondo koluong nying Yesu to ji duto nogo chong-gi piny,
e polo kendo e piny, kendo e bwo piny,
kendo ji duto nohul ni Yesu Kristo en Ruoth,
mondo Nyasaye Wuoro oyud duongʼ.
Hera
Kata bed ni awuoyo gi dhok mopogore opogore mag dhano kod mag malaike, to aonge gihera, to achalo mana ongengʼo maywak kata olangʼ migoyo.
To awachonu ni chiengʼ ngʼado bura ji duto biro dwoko wach kuom weche manono ma gisewacho ka ok giparo matut. Nimar kuom wecheni iwuon miwacho ema ibiro ketigo thuolo kendo kuom wecheni iwuon miwacho ema ibiro ngʼadonigo bura."
To Jehova Nyasaye nolor piny mondo one dala maduongʼ kod ohinga mabor mane dhano gero. Jehova Nyasaye nowacho niya, "Ka gin oganda achiel, mawacho dhok achiel ema gisechako timo ma, kara gimoro amora ma gichano timo ok nyal tamogi. Biuru, kendo wadhi mondo wapog dhogi mondo kik giwinjre dhok ngʼato gi ngʼato."
Omiyo Jehova Nyasaye nokeyogi koa kanyo nyaka e piny duto kendo ne giweyo gero dalano. Mano emomiyo ne iluongo dalano ni Babel, nikech kanyo ema Jehova Nyasaye nopogoe dho ogendini kendo okeyogi e pinje duto.
Este artigo te tocou? Faça uma oração!
+581 estão orando agora.
Junte-se à corrente de oração.