Língua

21 Yai’i rema kuasa di’a sisalamata bolo sisengene,

re ngowa’a ga’a nyanyaḏi kanau, ananga ḏuanga i’a 'aḏi ya oromo ma hasili.

2 Ngene mo-moini soi rai o’o i’a repe wo 'a’a ḏosa. Mada’a ngowa’a ga’a 'a’a ḏosa ua remanga demo re ganau, ananga gena-ge ngowa’a tiai, nga’unu 'aḏi kawasa lese rimoi mo-moini.

3 Na’o wo sigae ḇesi toma jarana ma madanga, la enanga nga’unu wa sinyanyasele mete’e nanga mau; ngene nga’unu wa sinyanyasele jarana ma lese rimoi ra-rarumu 4 Bolo 'ade-'ade rimoi sa’olo kapala lai lamo’o pake sidete. Kalaha kapala gena-ge lai lamo’o reo karawiana ya wusu lai siḏi mada’a nga’unu ya sinyanyasele rema kapala ma nyanyasele lai ceka’a, mete’e ngowa’a gasa-gasa kapala 'ai mau. 5 So’o gena-ge ḏi’i nanga yai’i. Kalaha enanga lai ceka’a, mada’a 'i matoro masala mangale 'ori i’a la-lamo’o. Na oḏi’i ḇato bangana ma daeraha ma lamo’o sa’olo ḇato; mada’a rema u’u kalaha pa’i ceka’a 'ua, nyengara ya ro’u simoini bangana gena-ge.

6 Yai’i ma tero sa’olo u’u gena-ge. Enanga 'i tegoro tananga lese sa’olo kajahatana ma cimi re nga’unu sijira nanga lese rimoi. Ganau toma yai’i gena-ge ma tero sa’olo u’u 'i sapolo toma naraka ino, enanga 'i ro’u nanga 'ahu simoini.

7 'Ua re 'au wali, manusia nga’unu raḏi singaro do-dadi mo-moini: haiwani nga-ngabala, namo diwanga, haiwani tare-tare re haiwani toma ngoloto. Mo-moini gena-ge, manusia 'aḏi singaro ḏua. 8 Mada’a manusia matengo i’a mai ua nga’unu 'o singaro 'ai yai’i! Yai’i gena-ge soi rai o’o i’a 'i gasa ngowa’a toma jira re matengo i’a mai ua nga’unu 'o kuasa enanga gena-ge. Enanga gena-ge 'i romanga reo racimi ga’a nga’unu sisengene ngowa’a.

9 Ngene wa pake nanga yai’i di’a puji re silamo’o Ma Jou’ongu Madutu nanga Ḇaḇa, mada’a 'age ḏi’i ngene wa pake yai’i gena-ge di’a sosowini ngowa-ngowa’a ga’a Ma Jou’ongu Madutu 'o 'a’a manusia, mete’e 'Ai rupa re jamani.✝ 10 Toma madanga rimoi ḇato 'i supu demo ga’a sibarakati ngowa’a re 'i supu demo ga’a sosowini ngowa’a ḏi’i. 'Ari ioronongoḏu ngo-ngaku rimoi, ngene balasu 'a’a so’o gena awa. 11 Sanga ua, 'age ḇanyo ma la’o rimoi ḇato 'i waloro ḇanyo biasa, re ḇanyo ma maḏi 12 'Ari ioronongoḏu ngo-ngaku rimoi, sanga ua ate 'ara ḏu moi ma sowo’o ate zaitun, re 'o 'anggur rera moi ma sowo’o ate 'ara. So’o gena ḏi’i, sanga ua ḇanyo ma la’o rimoi ḇato 'i waloro ḇanyo ra-rasa re ḇanyo biasa.

15 No pake 'akala ḇanyo, nyengara no singali ngowa’a la-lamo’o matengo 'ai 'akala re sinyingara,

re demo ma la-la nyengara 'i sirapo’o obongo. *

18 Kanau cautu woḏi nyengara 'i sinyaboto 'akala re sinyingara ma tero sa’olo siruju samaranga;

mada’a ngowa’a 'akala soro’unu manga demo-demo ma tero sa’olo sou’u di’a si-la si-siḏi.

19 Demo-demo ga’a ba-banari, enanga 'i tahana nena-ne re si’a,

mada’a demo-demo sa-sakala, enanga 'i tahana ti’ara ua.

19 Kanau repe woḏi, tantu ḏua rema demo palisi’i,

mada’a ngowa’a ga’a nga’unu 'a jaga 'ai 'uḏu ma betu’u, unanga gena-ge 'ai 'akala ma la-la.

28 Re ḏi’i na’o ngowa’a haga 'aḏi masiogoro, ngowa’a 'aḏi ta’ajiri ananga gena-ge ngowa’a 'akala soro’unu.

re na’o ngowa’a haga 'aḏi damunu manga madanga, ngowa’a 'aḏi ta’ajiri ananga gena-ge ngowa’a remanga wo-waro ga’a ya sinyanyasele.

26 Na’o 'age rema ngowa’a matengo i’a ga’a 'o mabasono tala 'ai diri 'o cufala mete’e 'agama ma 'atoranga mada’a 'a jaga ua 'ai yai’i, ngowa’a gena-ge 'a sihaga 'ai diri masiretene re 'o cufala mete’e 'agama ma 'atoranga ma faeda 'i cua.

9 Sababu gena-ge, Ma Jou’ongu Madutu 'o sitede Unanga kau-kau’u

re 'O pula’a kuasa, lebe kau’u reo kuasa mo-moini,

10 la mo-moini toma soroga, toma dungia re toma ngowa-ngowa’a senge-sengene ma sigolona,

ḏuanga i’a 'aḏi maḏipolono di’a silamo’o re siḏubuso Unanga.

11 Ananga mo-moini ḏuanga i’a 'aḏi mangaku mangale Yesus Kristus, Unanga gena-ge "Ma Jou."

Sababu gena-ge, Ma Jou’ongu Madutu 'o sanga mulia.✝

Dadalara

1 Si’ade-'ade i’a, ngoi nga’unu to sikanau manusia mo-moini manga demo bolo mala’ekata-mala’ekata ma demo ḏi’i. Mada’a na’o 'ari dadalara toma ngowa’a lelegu 'i cua, ngoi to kanau ma tero ḇato sa’olo saragi ma iḏingi, ma ngale 'i cua.

36 Dadi Ngoi to siajele ra ngini nena-ne: Wakutu Kiamata ma Wangere 'i ngadolo, Ma Jou’ongu Madutu 'o sijuruhakimi ngowa’a manga demo re ganau mo-moini ga’a ma faeda 'i cua. 37 Sababu ninga demo re ganau masiretene Unanga ḏuanga i’a 'A pake di’a 'O sitantukanga ngini reninga sala bolo ua."