Língua

21 Tin ga ra yog e rayag ni ayweg e yafos fa reb e ra thang; ere thangri fel’ u wun’um wenigan e pi thin rom.

2 Gadad gubin ni ba ga’ ni gadad ma oloboch. Cha’ nder ma oloboch ko tin ma yog e be’ nrib yal’uw, ni ku rayag rok ni nge gagiyegnag ir.

3 Gadad ma tay bochi yang i wasey ni bay gafan ngalan l’ugun e os ni fan e ngu’ur folgad rodad, me yag ni ngad pow’iyed yad ngranod ko gin gadad be finey. 4 Fa reb e mu tafinay niged ba barkow: ni aram feni ga’ nib gel e nifeng ni be yannag, machane rayag nni kol e yap’ riy nga bochi yap’ nib achig, nge sor i yan ko gin be finey gabitey ni nge sor ngay. 5 Ireray rogon bolowthey: aram feni achig, ma rayag ni nge weliy u fithik e ufanthin murung’agen bogi n’en ni ba ga’.

Aygum tafinay niged bangi garger nib ga’ ni ba ga’ yang nrayag ni ngan urfiy nga bochi daramram nrib achig! 6 Ma bolowthey e bod ba nifiy. Ya ba fayleng nib sug ko kireb, ni be par ko gin ntagil’ u dowdad ma be wereg e kireb nga fithik’ i dowdad ni polo’! Me ir e ke tay e nifiy nga urngin i pangidad u roy u fayleng nike urfiy ko nifiy ni yib ngak ko fare nifiy ni dabi math bi’id.

7 Girdi’ e rayag ni llowan’nag, ma ke llowan’nag urngin ban’en ni bay e pogofan rok, ni gamanman ni malboch nge arche’, nge gamanman nma gararaw ma ma sirgig u but’ i yan, nge nig. 8 Machane dariy be’ ni ka’a yag rok ni nge llowan’nag bolowthey. Ya ban’en nib kireb ndabiyag ni ngu’un gagiyegnag, ma ba sug ko yub ni yira yim’ ngay!

9 Gadad ma maruwel ngay ngad pininged e magaer ngak e Somol rodad ni ir e Chitamangiy, ma ka gadad ma yibilay e girdi’ ngay ni nge buch ban’en rorad, ni girdi’ nsunumegrad ni yad bod ya’an Got! 10 Taab l’ugunef e ir e gadad be pining e magaer riy ngak Got ma ku ir e gadad ma yibilay e girdi’ ngay ni nge buch ban’en rorad. Pi walageg ni girdi’en Kristus! Dab mu yodoroygad! 11 Dariy ba alublub nma yib e ran ni bfel’ lamen nge ran nib mooy riy! 12 Pi walageg ni girdi’en Kristus, ba ke gek’iy ni fig e dabiyog ni nge k’uf ni olive; ma ba ke grape e dabiyog ni nge k’uf ni fig; fa reb e yib e ran nge day u ta’ab alublub.

15 Guman’ nge thin nib simunguy e rayag ni nge t’ar lanyan’ be’ ni der pag lanyan’, ma ku rayag ni nge thilyeg lanyan’ e pi tayugang.

18 Marog thin e rayag ni nge maad’ad nga laniyan’ be’ nib to’ar ni bod bangi saydon, machane thin nnog nib gonop e rayag ni gol nigey.

19 Ban e ba ngoch e yafos rok, machane riyul’ e ma par ni manemus.

19 Feni yo’or e welthin ni ga be tay, ma aram fini mom ni ngam denen. Ma fa’anra ga ba gonop, ma ga ra th’ab gulngam.

28 Mus ngak be’ nib balyang mrayag ni ngan leamnag nib gonop mab llowan’ ni fa’anra par nib math gulngan nike ning langan.

26 Ra be finey be’ ni be liyor ngak Got ma fa’anra der yag rok ni nge gagiyegnag bolowthen nge siy ki yog e tin nib kireb, ma liyor ni be tay ngak Got e bm’ayfan, ma aram e ir e be bannag ir.

Ba meybil ko kalngan’ rok be’ nike gafgow

1 Mug ga’ar, "Bay gu kol’ayuw ko n’en ni gu be rin’

ma dab gu pag bolowtheg nge k’aring e denen ngog;

Bay gu par ni dab gog ban’en,

u charen e girdi’ nib kireb."

12 Mogned, gimed ba’adag ni ngam felfelan’gad ko biney e tamilang?

Gimed ba’adag ni nge n’uw nap’an ni gimed bfelfelan’?✝

13 Fa’anra gimed ba’adag me ere dab ku mogned e thin nib kireb,

ma dab ku mu lifithed l’ugunmed.

30 Thin rok be’ ni bfel’ e bay e gonop riy,

ma tin ma weliy e bmat’aw.

31 Ma tay e motochiyel rok e Got rok u laniyan’,

ma dariy e ngiyal’ ni yow ma puf.

28 Ma aram e bay gu weliy murung’agen feni ri gab mat’aw,

ma bay ug pining e sorok ngom ni n’umngin e rran.

4 Ni mus nra dawor gog ban’en

ma ga manang e tin bay gog.

2 SOMOL, mu chuwegeg u pa’,

e pi sasalap l’ugun nge pi ta ban.

3 SOMOL, mu taleg e pi balwoth nem ni sasalap!

Mu ning e pi langef ni ufanthin nem nma ga’ar,

4 "Thin romad e ma yagnag ngomad e n’en ni gamad ba’adag.

Bay gogned e n’en ni gamad be finey,

ma dariy be’ nrayag ni talegmad."

9 A Somol, mu balyangnag e welthin ko pi to’ogor rog!

Gu be guy e cham nge wagagay u lan e binaw,

9 Ireray fan me fek Got Jesus nge tay ni ir e th’abi tolang u tharmiy,

me pi’ fare ngachal ngak ndariy reb e ngachal ni ba ga’ ngay,

10 ya nge urngin e pi’in yad bay u tharmiy, nge pi’in yad bay u daken e fayleng, nge pi’in yad bay ko bin nu ar e fayleng* ni ngar ragbuggad, ngar ted fan fithingan Jesus,

11 ma yad gubin ni bay rogned u fithik’ e girdi’ ni Jesus Kristus e ir e Somol,

minog e sorok riy ngak Got ni Chitamangiy.

T’ufeg

1 Fa’an mang e rayag ni gu non nthin ko girdi’ nge thin ko pi engel, machane fa’anra de t’uf Got rog nge girdi’, ma thin ni gu be weliy e kemus ni bod lingan bangi wasey ni kan tining ngalang yibe pirdi’iy ara bel ni yibe chubeg.

36 "Ya ba’aray ban’en ni nggog ngomed: Chirofen nra pufthinnag Got e girdi’ riy e gubin e girdi’ nra be’ ma urngin bugithin ni yog nthin ndariyfan ma thangri weliy tapgin ni yog. 37 Ya yu bugithin ni umog e ir e yira maruwel ngay nge mang ir e pufthin nigem, ni ir e bayi yog ni bfel’ e rom ara bayi yog nib kireb e rom."

5 Me yib SOMOL nga but’ nge yib i guy fare binaw ni pire’ e naun riy nge fare wulyang nike ngongliy fapi girdi’, 6 me ga’ar, "Picha’ ney e yad ta’ab girdi’ ma ta’reb e thin rorad, ma aray e kar tabolngin niged e tin ngar ngongliyed. Dabi n’uw nap’an me yag rorad ni yug tin yad ba’adag miyad ngongliy. 7 Darod nga but’ ngad athkuyed e thin rorad nge bagayad ma dabki nangfan e thin ni be yog bagayad." 8 Ma aram me weregrad SOMOL miyad wear nga gubin yang u fayleng, miyad pag fare binaw ndakur toyed e naun riy. 9 Fithingan e re binaw nem nra toyed e naun ngay ni pire’ e yu Babylon,* fithingan, ni fan e u rom e athkuy SOMOL e thin rok urngin e girdi’ riy, mu rom e weregrad riy nga gubin yang u fayleng.