Livramento: significado bíblico e o poder do socorro de Deus

17 Nagapanawag sa iya ang mga matarong,

kag ginasabat niya sila.

Ginaluwas niya sila sa tanan nila nga kalisod.(Salmo 34:17)

15 Kon magpanawag siya sa akon, sabton ko siya;

kon ara siya sa kalisod, updan ko siya;

luwason ko siya kag padunggan.(Salmo 91:15)

2 Makasiling siya* sa Ginoo, "Ikaw ang akon dalangpan kag mabakod nga palanaguan.

Ikaw ang akon Dios nga akon ginasaligan."

3 Sigurado gid nga ilikaw ka niya sa mga siod kag sa makamamatay nga mga balatian.(Salmo 91:2,3)

13 Ginoo, palihog luwasa ako kag buligi gilayon.(Salmo 40:13)

13 Kay ginluwas mo ako sa kamatayon,

kag wala mo gintugot nga mapierdi ako,

para magkabuhi ako sa imo, O Dios, sa kabuhi nga masanag.(Salmo 56:13)

6 Gani ang tanan nga matutom

dapat magpangamuyo sa imo sa tion sang kalisod,*

para kon mag-abot ang kalisod nga daw sa baha, indi sila maano.(Salmo 32:6)

20 Ang aton Dios, Dios nga nagaluwas.

Siya ang Ginoong Dios nga nagaluwas sa aton sa kamatayon.(Salmo 68:20)

4 Luwasa ang mga wala sing ikasarang kag ang mga imol sa gahom sang malain nga mga tawo!(Salmo 82:4)

17 Kon amo gid man ina ang matabo luwason kami sang Dios nga amon ginaalagaran sa sina nga nagadabadaba nga hurnohan. Luwason kami sang Dios sa imo mga kamot. 18 Pero kon indi gid man niya kami pagluwason, gusto namon nga mahibaluan mo nga indi gid kami mag-alagad sa imo mga dios ukon magsimba sa estatwa nga bulawan nga imo ginpatindog."(Daniel 3:17,18)

18 Ginluwas mo ako sa akon gamhanan nga mga kaaway

nga indi ko masarangan.(2 Samuel 22:18)

14 pero si Eleazar kag si David nagpabilin didto sa tunga sang talamnan, kag ginpamatay nila ang mga Filistinhon. Ginpadaog gid sila sang Ginoo.(1 Cronica 11:14)

13 Halin pa sang una ako na ang Dios. Wala sing may makapalagyo sa akon mga kamot. Wala sing may makaliwat sang akon mga ginahimo."(Isaias 43:13)

23 Kon himuon ninyo ini, kag magpangayo sila sang bulig sa akon, sigurado gid nga buligan ko sila.(Exodus 22:23)

13 Kay nagasiling ang Kasulatan, "Ang bisan sin-o nga magdangop sa Ginoo maluwas."*(Roma 10:13)

16 Gani indi ka na mag-atrasar. Tindog ka! Magpabautiso ka kag magpanawag sa iya para patawaron ang imo mga sala.’(Binuhatan 22:16)

10 Ginasugid man nila nga nagahulat kamo sa pagbalik sang iya Anak halin sa langit nga amo si Jesus nga iya ginbanhaw halin sa kamatayon. Siya ang nagaluwas sa aton sa palaabuton nga kaakig sang Dios.(1 Tesalonica 1:10)

14 kag kon ang akon katawhan nga akon gintawag* magpaubos sang ila kaugalingon, magpangamuyo, magdangop sa akon, kag magbiya sa ila malain nga mga ginahimo, pamatian ko sila sa langit kag patawaron ang ila mga sala, kag dayon pakamaayuhon ko liwat ang ila duta.(2 Cronica 7:14)

8 Magpalapit kamo sa Dios, kag ang Dios magapalapit sa inyo. Kamo nga mga makasasala, magkabuhi kamo sang matinlo! Kag kamo nga nagapangduhaduha, tinlui ninyo ang inyo mga tagipusuon.(Santiago 4:8)

11 Ti kon kamo nga mga malain makahibalo maghatag sang maayo nga mga butang sa inyo mga bata, daw ano pa gid ang inyo Amay sa langit! Ihatag gid niya ang maayo nga mga butang sa mga nagapangayo sa iya.(Mateo 7:11)

13,14 Buhaton ko ang bisan ano nga inyo pangayuon sa akon, para mapadunggan ang Amay paagi sa Anak. Bisan ano ang inyo pangayuon sa akon ngalan* himuon ko ina.

15 "Kon ginahigugma ninyo ako, tumanon ninyo ang akon mga sugo. 16,17 Kag pangabayon ko ang Amay nga ipadala niya sa inyo ang isa na man ka Manugbulig. Ang Manugbulig nga ini wala sing iban kundi ang Espiritu Santo nga amo ang magatudlo sa inyo sang kamatuoran. Kag magapabilin siya sa inyo hasta san-o. Indi siya pagbatunon sang mga tawo sa kalibutan tungod kay indi nila siya makita kag wala sila makakilala sa iya. Pero kilala ninyo siya tungod kay siya kaupod ninyo, kag permi siya magapuyo sa inyo.(Juan 14:13-16)

31 Nahibaluan ta nga wala nagasabat ang Dios sa mga makasasala. Pero ginasabat niya ang mga tawo nga nagatahod sa iya kag nagatuman sang iya kabubut-on.(Juan 9:31)

26 Kon magpangamuyo siya sa Dios sabton niya siya. Batunon siya sang Dios sing malipayon, kag ibalik sang Dios sa iya ang iya matarong nga pagkabuhi.(Job 33:26)