Livramento

17 ፂሎ ዓሳ ዒላታዛ ናንጊና ናንጋ ጎዳ ዋይዛኔ፤

ዔያቶኮ ዓኣ ሜታስካፓ ዒ ዔያቶ ዓውሳኔ።

15 ዒዚ ታና ዔኤላኣና ታ ዋይዛንዳኔ፤

ዒዛኮ ሜታሢ ዎዶና ዒዛና ማዓንዳኔ፤

ታ ዒዛ ዓውሳንዳኔ፥ ቦንቻንዳኔ።

2 ታኣኒ ዒዛ፦ «ታኣኮ ፑኖ ካያሢ፥ ዋርዲዮ ቤዛሢ፤

ጊንሣ ሃሣ ጉሙርቆ ፆኦዛሢ ጋዓኔ።

3 ዒዚ ዓኣቺንቴ ፒራሢና

ዎዻኒ ዳንዳዓ ዶርዓሢናይዳፓ

ኔና ካፓኔ።

20 ኑ ፆኦዛሢ ኑና ዓውሳ ፆኦሲኬ፤

ሃይቢፓ ቶሊ ዓታኒ ዳንዳዒንታሢያ

ናንጊና ናንጋ ጎዳናኬ።

13 ሃይቢዳፓ ኔኤኒ ታና ዓውሴኔ፤

ዹቂንቲ ታኣኒ ሎኦሙዋጉዲ ኔ ታና ማኣዴኔ፤

ዬያሮ ሼምፖና ዓኣ ዓሶ ዑፃ ፖዓ ፖዖይዳ

ፆኦሲ ቤርታ ታኣኒ ሃንታኔ።

4 ዒጊኒ ባኣሢና ሜታዼሢና ሄሊ ዓውሱዋቴ፤

ሄርቂ ዎይሣ ዓሶይዳፓ ዔያቶ ዓይሱዋቴ።»

13 ናንጊና ናንጋ ጎዳሢዮ! ሃዳራ ታና ዓውሴ፤

ፆኦዛሢዮ! ዑካዺ ታና ማኣዴ።

6 ዬያሮ ፂሎ ዓሲ ቢያ ሜቶ ዎዴና ኔና ሺኢቆንጎ፤

ዎልቄና ዓኣ ዶዲ ዲጲ ኩሚ ሙካ ዎዶና

ዬይ ዲጳ ዒዛ ዔኤቢ ዎኦታዓኬ።

17 ኑኡኒ ዒዛም ማዺ ዒዛ ካኣሽካ፥ ፆኦዛሢ ሃያ ዔኤታ ታሞይዳፓኣ ማዖም ኔ ኩጫፓ ኑና ዓውሳኒ ዳንዳዓኔ፤ 18 ካኣቲዮ! ዒዚ ኑና ዓውሳኒ ኮዒባኣቴያ ኔኤኮ ፆኦዞም ኑ ማዺንዱዋኣሢና ኔኤኒ ዎርቆና ኮሺ ዔቂሴ ዓሶ ማላ ባካሢም ኑ ዚጊ ካኣሽኪንዱዋኣሢያ ዔሬ» ጌዔኔ።

18 ዑሣ ዓኣዼ ታኣም ዎልቃዼ ታኣኮ ሞርኮና

ታና ዒፃ ዓሶ ቢያሢፓ

ናንጊና ናንጋ ጎዳ ታና ዓውሴኔ።

14 ጋዓንቴ ዓላዜሬና ዒዛና ዓኣ ዓሳ ዬያ ጎዦ ጋራ ፒሊስፄኤሜ ዓሶ ቃዚ ዖሌኔ፤ ናንጊና ናንጋ ጎዳኣ ዔያቶ ዖሎና ባሺሲሴኔ።

23 ዒንሢ ዬያይዴም ታኣም ዔያታ ዒላቴቶ ታኣኒ፥ ናንጊና ናንጋ ጎዳ ዔያቶኮ ዒላቶ ጎኔና ዋይዛንዳኔ።

13 ታኣኒ ሚናፓ ዓርቃዖ ታኣኒ ታናኬ፤

ታ ኩጫፓ ቶላኒ ዳንዳዓይ ዖኦኒያ ባኣሴ፤

ታኣኒ ማዻ ባኮ ዖኦኒ ታና ላኣጋኒ ዳንዳዓይ።»

13 ዓይጎሮ ጌዔቴ ጌኤዦ ማፃኣፖይዳ፦ «ጎዳ ማኣዳንዳጉዲ ዔኤላሢ ጉቤ ዻቃንዳኔ» ጌይንቴኔ። ✝

16 ሂዳዖ ሃሢ ኔ ዓይጎሮ ናጋይ? ዔቂጋፓ ዋኣፆ ማስቴ፤ ጎዳ ሺኢቂ ጎሞይዳፓኣ ማስቲ ጌኤሽኬ› ጌዔኔ።

10 ዬያጉዲ ሃሣ ሃይባፓ ፆኦሲ ዔቂሴም ዔቄ፥ ሙካንዳ ፆኦሲ ጎሪንታፓኣ ኑና ዻቂሻንዳ፥ ፆኦሲ ናዓሢ ዬሱሴኮዋ ጫሪንጫፓ ማዒ ሙኪፆ ዎማይዲ ዒንሢ ካፓቴያ ዔያታ ማርካዻኔ።

14 ታ ዴራ ማዼ ፑርቶ ባኮይዳፓ ሃኪ ዖዪሢና ታና ሺኢቄቶ ጫሪንጫ ዓኣዖ ታ ዋይዛንዳኔ፤ ጎሞዋ ታ ዔያቶኮ ዓቶም ጋዓንዳኔ፤ ዓጮ ዔያቶኮ ታ ጊንሣ ማሊሻንዳኔ፤

13 ዓዴ ናዓሢ ዛሎና ቦንቺንታንዳጉዲ ታ ሱንፆና ዒንሢ ሺኢቃ ባኮ ቢያ ታ ዒንሢም ማዻንዳኔ። 14 ዓይጎ ባኣዚታቶዋ ታ ሱንፆና ዒንሢ ሺኢቄቶ ታ ማዻንዳኔ» ጌዔኔ።

ዓያኖ ጌኤዦ ዛሎ ዒንጊንቴ ሃጊ ማዓ ዎዛ

15 ዬሱሴ ሃሣ ኬኤዛዖ፦ «ታና ዒንሢ ናሽካያ ማዔቶ ታ ዓይሢፆ ዒንሢ ካፓንዳኔ፤ 16 ታኣኒ ዓዶ ሺኢቃንዳኔ፤ ዒዚያ ናንጊና ዒንሢና ናንጋንዳ፥ ሜሌ ዶዲሻያ ዒንሢም ዒንጋንዳኔ።

31 ፆኦሲ ጎሞ ዓሶም ዋይዙዋኣሢ ዔርቴያኬ፤ ጋዓንቴ ፆኦሲ ዒጊጫያና ዒዛኮ ማሊፆዋ ኩንሣይ ዓኣቶ ዬያም ፆኦሲ ዋዋይዛኔ።

8 ፆኦሲ ባንሢ ዑኩዋቴ፥ ፆኦሲያ ዒንሢ ባንሢ ዑካንዳኔ፤ ዒንሢ ጎሞ ዓሳ! ዒንሢኮ ኩጮ ማስኪ ጌኤሹዋቴ፤ ዒንሢ ሴካ ሃንጋ ጋዓ ዓሳ! ዒኖ ዒንሢኮ ፒዚሱዋቴ።

11 ዓካሪ ዒንሢ ፑርታታዖ ዒንሢ ናኣቶም ኮሺ ባኣዚ ዒንጊ ዔራቶ፥ ዒንሢኮ ጫሪንጮይዳ ዓኣ ዓዳሢ ዒዛ ሺኢቃዞንሢም ኮሺ ባኣዚ ዒንጋንዳሢ ባሼና ዔራኔ።

26 ዒማና ዒ ፆኦሲ ሺኢቃንዳኔ፤

ሺኢጲፆዋ ፆኦሲ ዒዛኮ ዋይዛንዳኔ፤

ዒዚያ ፆኦሲኮ ዓኣፖ ካሮ ዛጊ ዎዛዻንዳኔ፤

ፆኦሲያ ዒዛኮ ፂሉሞ ዛሎ

ዒዛም ማዓ ባኣዚ ጪጋንዳኔ።