Livramento

17 Kasi Yave ke zolaka ve bayina ke salaka yimbi,

samu na kukatula bankumbu ya bawu na ntoto✝.

15 Yandi ke bokila munu, mpe mu ke pesa yandi mvutu,

munu mosi, mu ke vwanda na yandi na ntangu ya mpasi,

mu ke kuula yandi mpe mu ke sala ti yandi kuzwa nkembo.

2 Mu me tuba na Yave: «Nge kele kiswamunu ya munu, kibaka ya lukengolo ya munu,

Nzambi ya munu yina mu ke sadilaka kivuvu!»

3 Ya tsyelika ni yandi ke kuulaka nge na mutambu ya muntu ya mbingu,

yandi ke nyakisaka nge na kiyoolo yina ke kufwaka.

20 Nkembo na Mfumu, konso ntangu yandi ke na kusadisa beto,

Nzambi yayi kele mpulusu ya beto. Kupema

13 Nzambi, mu ke lungisa balukanu yina mu bakaka.

Mu ke pesa nge minkayulu ya matondo.

4 Beno vuukisa muntu ya kyadi mpe mputu

beno kuula bawu na maboko ya bantu ya yimbi.

*

13 Ya tsyelika, bampasi ke na kubwidila munu balweka nyonso,

mu lenda tanga yawu ve.

Yimbi ya munu ke na kulanda munu,

yawu ke na kusala ti mu tala mbote ve.

Yawu kele mingi kulutila bansuki ya yintu ya munu.

Ngolo ke na kumanisa munu.

6 Ni mutindu yina, konso muntu yina me kwikila na nge

ke sambila nge na ntangu ya mbote.

Kana maza ya nene me fuluka,

yawu ke dyamisa yandi ve.

17 Ntinu, kana Nzambi yina beto ke sambilaka lenda kuula beto, yandi ke kuula beto na fule ya tiya ya ngolo, mpe na maboko ya nge. 18 Ata ti yandi sala mutindu yina ve, ntinu, zaba ti beto ke sadila ve banzambi ya nge, mpe beto ke sambila ve kiteki ya wolo yina nge me telemisa.»

18 Yandi kuulaka munu na maboko ya mbeni

yina me lutilaka munu na lulendo.

Yandi kuulaka munu na maboko ya bayina ke yinaka munu

mpe me lutila munu ngolo.

14 Bawu telamaka na kati-kati ya bilanga, ni yawu yina Eleyazale na bantu ya yandi yina telamaka na kati-kati ya bilanga, ba simbaka mpe ba bulaka ba-Filiseti. Yave pesaka bantu ya Isayeli kununga mosi ya nene.

23 Mu ke dasuka mpe mu ke kufwa beno na bamvita. Bakento ya beno ke kuma mifwidi mpe bana ya beno ke kuma bansaana.»

13 Mu kele Nzambi katuka ntama

mpe muntu ve lenda kuula muntu na yisi ya lutumu ya munu,

ntangu mu ke salaka, nani ke tediminaka munu?

13 Ya tsyelika, Dibuku ya Nzambi ke tubaka: «Muntu ni muntu yina ke bokila Mfumu, ke kuzwa mpulusu.✝»

16 Ntangu yayi, yinki nge ke na kuvingila! Telama, kuzwa mbotokolo mpe mulemvo ya masumu ya nge na kusambila Nkumbu ya yandi."»

10 Beno ke na kuvingila ti Mwana ya yandi, Yesu, katuka na mazulu mpe kwiza. Ni yandi Nzambi vumbulaka na lufwa. Yandi ke kuula beto na lufundusu ya Nzambi yina me kuma pene-pene.

14 kana bantu ya munu yina ke bokilaka Nkumbu ya munu, bawu kukuluka, bawu kusambila mpe ti bawu kusosa munu. Kana bawu bika banzila ya bawu ya yimbi, munu, katuka na zulu, mu ke kuwa bawu. Mu ke lemvokila masumu ya bawu mpe mu ke belusa yinsi ya bawu.

13 Nyonso yina beno ke lomba na Nkumbu ya munu, mu ke sala yawu, samu ti nkembo ya Tata kutalana na Mwana. 14 Kana beno ke lomba kima na Nkumbu ya munu, mu ke sala yawu.»

Yesu salaka nsilulu ya kufidisa Mpeve ya Longo

15 «Kana beno zola munu, beno ke tumama na misiku ya munu. 16 Mu ke lomba na Tata na kufidisa beno Kisadisi ya nkaka yina ke vwanda na beno seko.

31 Bantu nyonso zaba ti Nzambi ke kuwaka ve lusambulu ya misumuki. Kasi yandi ke kuwaka lusambulu ya muntu yina ke zitisaka yandi, mpe ke tumamaka na luzolo ya yandi.

8 Beno kwiza pene-pene na Nzambi, mpe yandi ke kwiza pene-pene na beno. Beno misumuki, beno sukula maboko ya beno, mpe beno bantu ya bantima zole, beno vedisa bantima ya beno.

11 Ata ti beno kele bantu ya yimbi, kasi beno zaba kupesa bima ya mbote na bana ya beno. Na yina, samu na yinki Tata ya beno yina kele na mazulu ke manga na kupesa bima ya mbote na bayina ke lombaka yandi yawu?

26 Ntangu, yandi ke bondila Nzambi, Nzambi ke lakisa yandi bumbote ya yandi,

yandi ke talana na ntadisi ya Nzambi na milolo ya nsayi,

samu ti Nzambi me tala ti yandi kele muntu ya kudedama.