Livramento

17 Nagpakitabang sa Ginoo ang mga matarong,

ug iya silang luwason sa tanan nilang kalisdanan.

15 Kon motawag siya kanako, tubagon ko siya;

kon anaa siya sa kalisod, ubanan ko siya;

luwason ko siya ug pasidunggan.

2 Makaingon siya* sa Ginoo,

"Ikaw ang akong tigpanalipod ug lig-ong tago-anan.

Ikaw ang akong Dios nga ginasaligan."

3 Luwason ka gayod niya gikan sa mga lit-ag

ug sa makapatay nga mga balatian.

20 Ang atong Dios, Dios nga nagluwas.

Siya ang Ginoong Dios nga nagluwas kanato

gikan sa kamatayon.

13 Kay giluwas mo ako gikan sa kamatayon,

ug wala mo itugot nga mapildi ako.

Busa magkinabuhi ako diha kanimo, O Dios,

diha sa imong kahayag nga naghatag ug kinabuhi.

4 Luwasa ang mga kabos ug timawa

gikan sa gahom sa mga tawong daotan.

13 Ginoo, luwasa intawon ako.

Tabangi dayon ako.

6 Busa ang tanang matinud-anon kanimo angayng mag-ampo

sa panahon sa kalisod aron dili sila maunsa,

labi na kon moabot kini nga daw usa ka baha.

17 Kon mao man gayod kana ang mahitabo, luwason kami sa Dios nga among gialagaran gikan nianang nagdilaab nga hudno, ug gikan sa imong mga kamot. 18 Apan kon dili niya kami luwason, dili gihapon kami moalagad sa imong mga dios o mosimba sa estatuwa nga bulawan nga imong gipatindog."

18 Giluwas niya ako gikan sa akong gamhanang mga kaaway

nga naglagot kanako, kay wala akoy dag-anan kanila.

14 apan si Eleazar ug si David nagpabilin taliwala sa tamnanan, ug gipamatay nila ang mga Filistihanon. Gipadaog gayod sila sa Ginoo.

23 Kon himuon ninyo kini ug unya magpakitabang sila kanako, sigurado gayod nga tabangan ko sila.

13 Sukad pa kaniadto ako na ang Dios.

Walay makalingkawas sa akong mga kamot.

Walay makausab sa akong mga binuhatan."

13 Kay nag-ingon ang Kasulatan: "Si bisan kinsa nga motawag sa Ginoo maluwas."*

16 Busa ayaw na pagdugay. Tindog! Pagpabautismo ug tawag kaniya aron mahugasan ang imong mga sala.’

10 Gipanugilon usab nila nga naghulat kamo sa pagbalik sa iyang Anak nga si Jesus gikan sa langit. Siya iyang gibanhaw gikan sa kamatayon ug mao ang nagluwas kanato sa umaabot nga silot.

14 ug unya magpaubos sa ilang kaugalingon ang katawhan nga akong gipili, mag-ampo, modangop kanako, ug mobiya sa ilang daotang mga binuhatan, mamati ako sa langit ug pasayloon ko ang ilang sala, ug unya panalanginan ko pag-usab ang ilang yuta.

13,14 Buhaton ko ang bisan unsa nga inyong pangayoon kanako, aron mapasidunggan ang Amahan pinaagi nga iyang Anak. Bisan unsa ang inyong hangyoon kanako pinaagi sa akong ngalan* buhaton ko kini.

Ang Espiritu Santo nga Gisaad ni Jesus

15 "Kon gihigugma ninyo ako, tumana ninyo ang akong mga sugo. 16,17 Ug pangayoon ko sa Amahan nga padad-an niya kamog laing Magdadasig. Kini nga Magdadasig walay lain kondili ang Espiritu nga mao ang magtudlo kaninyo sa kamatuoran. Ug magpabilin siya kaninyo sa walay kataposan. Dili siya dawaton sa mga tawo sa kalibotan tungod kay dili nila siya makita ug wala sila makaila kaniya. Apan nailhan ninyo siya tungod kay siya kauban ninyo, ug kanunay magpuyo diha kaninyo.

31 Nahibalo kita nga dili tubagon sa Dios ang mga makasasala. Apan tubagon niya ang mga tawo nga nagtahod kaniya ug nagtuman sa iyang kabubut-on.

8 Duol kamo sa Dios, ug ang Dios moduol kaninyo. Kamo nga mga makasasala, pagkinabuhi na kamo nga hinlo! Ug kamo nga maduha-duhaon, hinloi ninyo ang inyong mga kasing-kasing.

11 Kon kamong mga tawo nga daotan makahibalong mohatag sa maayo nga mga butang ngadto sa inyong mga anak, unsa pa kaha ang inyong Amahan sa langit! Ihatag gayod niya ang maayo nga mga butang ngadto sa mga mangayo kaniya.

26 Kon mag-ampo siya ngadto sa Dios,

motubag ang Dios kaniya.

Dawaton siya sa Dios nga malipayon,

ug ibalik siya sa Dios sa matarong nga pagkinabuhi.