Livro da vida

Ayin a ukocishi

1 <<A ayin a nanlo Makelu, kalingata ka gbayin vuza na u ci inda uma a̱ nu, wi ta̱ a̱ kuɗa̱nga̱. Ayin a atakaci i ta̱ lo kpamu a̱ kuta̱wa̱ a na ka̱ta̱ a saꞋwai kuyaꞋan tsu nanlo ba, ali n ugiti wa aduniyan. Ama a ayin a nanlo vuza lakam a̱ ka̱tsuma̱ ka uma a̱ nu, vuza na a cinai kula ku ni uɗani a katagarda ka̱ Ka̱shile ka, wi ta̱ a̱ kuciya̱ wishi.>> 2 Uma n a̱bunda̱i a na a̱ kuwa̱i ɗa a̱ ciɗa̱ngi le a iɗika i ta̱ a̱ kuɗa̱nga̱, aza o yoku a kubana u wuma u babu uteku, aza o yoku a kubana ubuta̱ u wono n tsugoyi tsu babu uteku.

16 Vu ene mu ta̱ kafu a matsa mu

ayin a na a zuwakai mu n kuyaꞋan,

i ta̱ uɗani a katagarda ka̱ nu,

kafu a̱ gita̱ kuyaꞋan vuza te a̱ ka̱tsuma̱ ke le.

8 Ɗana una̱mgbuka̱tsuma̱ u va̱,

kece ka̱bunda̱i ka kujilya ka̱ va̱,

i a katagarda ka̱ nu ba?

26 Adama a na a takacika ta̱ aza a na vu yaꞋankai usa̱n,

i a kadanshi ka̱ mɓa̱la̱ ma aza a na vu lapai.

27 Doku le unushi a̱ ka̱tsuma̱ ka̱ unushi u le,

ka̱ta̱ vu ka̱sukpa̱ le a̱ ciya̱ upecu wu ili yi usuɓi i nu ba,

28 Zuwa a takpa kula ku le a katagarda ka wuma,

ka̱ta̱ vu kece le a̱ ka̱tsuma̱ ka uma a usuɓi ba.

16 Ɗa ele tamkpamu aza a na a kupana wovon u Vuzavaguɗu a yaꞋin kadanshi uteku u le, ɗa Vuzavaguɗu ta na u zuwai atsuvu ɗa u panai ili i na i a kudansa. E kelime ka̱ ni kaꞋa a ɗanai katagarda ka arabali aza a na i a kupana wovon u Vuzavaguɗu, i kpamu e kuneke yi tsugbayin.

32 Ama gogo na n folono wu ta̱ cinukpaka le unushi wa, ama ki baci a kuyaꞋan nannai ba, mayun ura kula ku va̱ punu a katagarda ka na vu ɗanai va.>>

33 Ɗa Vuzavaguɗu wu ushuki Musa, <<Vuza na baci de dem u nusakai mu a̱yi ɗa n kutakpa kula ku ni a katagarda ka.