Livro da vida

20 Ernomó it shútso darotsi mezgebíyats guut’etsosh gene’ore bako Fo’erawo itsh b́ aletsosh gene’úk’ayere.»

3 Neewere manoke fa’o amanets taanton finiruwo ttohono, máátsanotsi n tep’etwok’o neen k’onirwe, máátsanots taanton K’elemnt’osnat bo shútso kashi mas’aafats guut’ets k’osh k’osh bo fini tohuwotsnton wotat doo shishiyo jamok betsosh kaarerne.

8 ✝Datsan bí azewortson tuut bo shúútso shukeets Mereero kashi mas’aafats guut’eraw datsatse beyiru jam ashuwots s’ootsosh bosagaditi.

8 ✝Nbek’ts s’ootso shino teshke, and aaliye, ilowere gop' k’oolotse kááron keshetwe, t’afo maants ametuwe, datso bíazeewortson boshúútso kashi mas’afatse guut’eraw datsatse beyirwots, s’ootso shin teshke b́teshi, andi aalo ili weetwo b́wottsok’o bobek’or aditúnee.

S’uwori angsho imetsok’o

11 Maniye il een naashi joor nas' ikonat naashi joormnats beedek’tso t bek’i, datsonat daron b́shinaatse k’az bowos’i, boosh beyoko daatseratse, 12 ✝k’irts muk’nanúwotsnat een eenwotsn naashi jorman shinatse boned’efere tbek’i, mas’aafwotswere bok’esheyi, kashi mas’aaf wottso k’oshonwere b́k’esheyi, k’irtswotswere mas’afmanotsitse guut’etso bofiinok’on bo angsho bodek’i, 13 aats k’aaronúwere b́gitsotse fa’a k’irtswotsi b́imi, k’ironat Si’olwere bogitsotse teshts k’irtswotsi boimi, ashonwere ik ikon b́ fints finok’on b́ angsho b́dek’i. 14 K’ironat Si’olwere tawi k’arots bojuweyi, tawi k’araanúwere gitl k’ironiye, 15 b́ shúútso kash mas’aafats guut’eyat daatseraw jamo tawi k’arots b́juweyi.

27 ✝wic’its keewo b́ jamon bits kindratse, kim fin finirwonat kooto keewirwo b́jamon bits kindratse, bits kinditwots bo shúútso mereero kashi mas’aafats guut’etswots s’uziye.

5 ✝Da’adek’etwo bokok’o nas' taho tahdek’etwe, b́ shúútsono tnihnat melaki shinatse danitwe, kashetswots shúútso bíyats guut’et kashi mas’aafotse t’afibayatse.