Livro da vida

20 Kə bii mə sɛ́ʼ ŋgʉʼʉ mbɔ lyʉʉhəbʉəbʉəbə bʉ́ʉnə tʉ bii fɛ, b̈ii sɛ́ʼ bə mbɔ bə la nɔʼ nyɔ̀ʼ yietə-ii yuo."

3 Mbəŋ-aŋ ghɔ ŋkɛŋ wo kəwu-ɔ, mɔ nɔ tʉʼ kʉ́ʉ mbɔ ä kwáa bəke-bɔ̄ŋ, bʉʼka bɔ̂ŋ nɔʼ fɔ̀ʼ baʼa bɔŋ mɔʼɔ shʉ́əshʉ́ə ndə məlɔ̀ʼ ntəŋjyujyu leʼnə Klʉmɛ leʼnə bəʼ-bʉə-kə ndə baʼa bɔŋ kə́ fɔ̀ʼ mɔʼɔ, ndə yietə-ʉə bɛ mu ŋwɔʼnə ndə yie-bʉə-tə ndə bɔ̂ŋ nɔʼ kie məchímbi tíŋ hə bɔ̌ŋ Jiso Klai bɛ muŋgɔ.

8 Bʉə bənchəŋ ndə bɔŋ bɛ kəchisê bu lə̀ʼtə ɔŋ, wotəmiyɔŋ ndə bə kə gòʼ təmə nyɔ̀ʼ yie-e mu ŋwɔʼnə məchímbi lʉ̀ hə ndəŋ ŋgwunə-mbi fɛ. Ŋwɔʼnə-ɔ̄ŋ nɔ bɛ yi-mbʉ-Vaabinjyʉʉ-yə ndə bə kə bɛ ndə məgwìa ɔ.

8 Mbʉ nyaa bʉəbʉə ndə a kə nyíɛ nɔ, nɔ kə fəŋ bɛ ŋɛnə bɔŋ nɔʼ kwú, bɔŋleʼ bʉ̀nə bɛ ndə məkóʼ mu byʉʉ ndə i gòʼ təmə kie liʼ-i fɛ, kə́ gɛ̀ bə bʉ́əhə ɔŋ. Bʉə ndə bɔ̂ŋ bɛ kəchisê ndə bə kə gòʼ təmə nyɔ̀ʼ yietə-ʉə mu ŋwɔʼnə məchímbi lʉ̀ hə ndəŋ ŋgwunə fɛ, i bu chàa bɔŋ ndə mənyíɛ mbʉ nyaa bʉəbʉə bʉʼka ɔ nɔ kə bɛ, təmə bɔŋleʼ kə bíe fɛ bɔŋleʼ bɛ ndə məbʉ̀nə gwè.

Məchʉ̀ə ndyiʼtə-ŋkwɛ-kə

11 Ndʉʉmɛ, mɔ nyíɛ lɔkɔʼ kəyetə kəfyuʼ leʼnə wo ndə ɔ kə yétə ndəŋ ghɔ. Chisêkə ghɔŋbə yuo nyʉ́ʉ wɔ̀ʼnə hə mbʉə ɔ, təmə bɔ̂ŋ kie yəŋ-gɛ̀-kə fɛ. 12 Mɔ nyíɛ bʉə ndə bɔ̂ŋ nɔʼ kwútə ndəŋ vâaŋgwehə ghɔŋbə vâa-fɔŋ, bɔ̂ŋ kə́ tə́nə bəshʉ mbʉ kəyetə, bə ŋɔ́ʼhə bəŋwɔʼnə. Ndʉʉmɛ, bə ŋɔ́ʼhə ibɛʼ-yə ŋwɔʼnə, kə́ bɛ ŋwɔʼnə məchímbi. Bə chʉ̀ə ŋkwɛ bʉə ndə bɔ̂ŋ nɔʼ kə kwútə haʼ nə fɔkə ndə bə nyɔ̀ʼ mu mbʉ bəŋwɔʼnə, haʼ ndə fɔʼtə-ʉə kə bɛ. 13 Muukwɛʼtəŋmə yɔ̀ʼ ghɔkə ndəŋ bʉə ndə bɔ̂ŋ nɔʼ kə kwútə, ɔ yá kie, Kwú ghɔŋbə Lɔʼɔ-bəŊkwubʉə yɔ̀ʼ ghɔkə ndəŋ ŋkwu-bʉə-bə ndə bɔ̂ŋ kə yá kie, bə kwɛ̀ fɛʼɛ-yʉə bəmɔʼbəmɔʼ haʼ ndə fɔʼtə-ʉə kə bɛ. 14 Bə yíɛʼhə Kwú ghɔŋbə Lɔʼɔ-bəŊkwubʉə mɛ̀ʼ mu taanə-viʼi-kə. Mbʉ kətaanə viʼi nɔ bɛ biitə-kwú-kə. 15 Wo ndə bə gòʼ təmə nyíɛ bə nyɔ̀ʼ yie mu mbʉ ŋwɔʼnə məchímbi fɛ, bə mɛ̀ʼ ɔŋ mu mbʉ kətaanə viʼi.

27 Bɔŋ təmə fɔ-nyàatə-kə kʉ̂ʉ nə sʉ́ʉ chɔ fɛ təkɔmə wo ndə ɔ tʉʼ chìi nu-kətʉvyiinə-bə byuunɔ kə́ chʉ̀ə lɛɛŋkə bɔŋ bu bɛ haʼ bʉə ndə yietə-ʉə bɛ mu ŋwɔʼnə məchímbi mbʉ Vaabinjyʉʉ.

5 Wo ndə ɔ mɔ̀ʼ chɔ̂-ɔ̄ tə yú, bə bu véʼ ɔ nə ndyi-kəfyuʼ-hə, təmə mɔ kʉʉ nə yʉ̀əʼ yie-e mu ŋwɔʼnə məchímbi fɛ. Mɔ bu tíi yie-e jyujyu bəshʉ Tie-ɔ ghɔŋbə bʉəntəŋ-bi.