Livro da vida

20 Gidoshin, hinte sunthay salo mazgaben xaafetida gisho, ufaytitepe attishin, tuna ayyaanati kiitetida gisho ufaytofite" yaagis.

3 Taara oothiya ammantheyso, neeni ha maccasata maaddana mela ta nena woossayis. Ha maccasati taara, Qeleminxoosaranne enta sunthay Xoossaa de7o maxaafan xaafetida haratara issife wongela ubba bessaa gathanaw daaburidosona.

8 Alamey medhetoosape doomidi, shuketida Dorsaa de7o maxaafan enta sunthay xaafetonna ha sa7an de7iya asa ubbay he do7aas goyinnana.✝

8 Neeni be7ida do7ay koyro de7ees, shin ha77i baawa. He do7ay ciimmo ollafe keyidi dhayos baana. Sa7i medhetoosape doomidi, de7o maxaafan enta sunthay xaafetiboonna sa7an de7iya asay, do7aa be7idi malaaletana. Hiza, I kase de7ees; ha77i baawa, shin sinthafe yaana.✝

Wursetha Pirda

11 Hessafe guye, gita bootha araata bolla uttidaysa be7as. Sa7inne saloy iya sinthafe baqatidosona; enti zaari bentibookona.✝ 12 Hayqidaysati, gitatinne guuthati araata sinthan eqidaysata be7as; maxaafati dooyetidosona; qassi de7o maxaafa gidida hara maxaafi dooyetis. Hayqidaysati maxaafan xaafetida banta oosuwada pirda ekidosona. 13 Abbay ba giddon de7iya hayqidaysata immis; hayqoynne Si7ooley banta giddon de7iya hayqidaysata immidosona. Issi issi asi ba oosuwada pirda ekis. 14 Yaatin, hayqoynne Si7ooley tama abban yegetidosona. He tama abbay nam7antho hayqo. 15 De7o maxaafan iya sunthay xaafetiboonna asi oonika tama abban yegetis.

27 Dorsaa de7o maxaafan sunthay xaafetidaysata xalaali attishin, tunabaa woyko yeellayaba oothey woyko wordotey oonika he katamaa gelenna.✝

Wode Wursethi

1 "He wode ne asaa naagiya gita halaqay, Mika7eeli dendana. Kawotethi medhetida wodiyape doomidi, hani eronna meto wodey yaana. Gidoshin, enta sunthay Xoossa Maxaafan xaafetida ne asa ubbay he wode attana.✝ 2 Hayqida asaape daroti dendana. Entafe baggati merina de7os, baggati qassi yeellasinne merinaa kawushas dendana.✝

5 Xooniya oonika entaysada bootha ma7o ma7ana. Taani iya sunthaa de7o maxaafape quchike. Taani ta Aawa sinthaninne iya kiitanchota sinthan I tabaa gideysa markatana.✝

16 ne ayfeti giigonna ta asatethaa be7idosona.

Buroo issoyka doometonna de7ishin,

ne taw buzoyida gallasa ubbay

ne mazgaben xaafetidosona.

8 Ta waayiya tayba;

ne ta afuthaa makadasa;

enti ne mazgabiyan de7okona?

26 Ne seeridaysata enti yedethidosona;

ne madunxisidaysata enti yeessosona.

27 Enti nagaraa bolla nagara gujana mela aggaaga;

ne maarotethaafe enta aybika gakofo.

28 Enti de7o maxaafape qusheto;

xillo asaara mazgabetofo.

16 He wode Godaas yayyeysati issoy issuwara odetidosona; Godayka hayzidi si7is. Godaas yayyeysatinne iya sunthaa boncheysati dogetonna mela enta hassaysiya maxaafay iya sinthan xaafetis.

32 Shin hayyana, ha77i enta nagaraa atto yaaga. Hessi hanonnaba giiko, ne asaa ne xaafida mazgabiyape ta sunthaa qucha" yaagis.

33 Goday zaaridi Museko, "Taani ta mazgabiyape quchana asaa sunthay, ta bolla nagara oothidaysata sunthaa.