Livro da vida

20 तैबी निं तम्हैं एता करै खास्सै खुशी हई कि भूत काढणैं आसा थारै बशै। पर तम्हैं हऐ ऐहा गल्‍ला लै खुशी कि थारै नाअं आसा स्वर्गै लिखै दै।"

3 ए मेरै शुचै साझ़ू हुंह करा ताखा अरज़ कि तूह कर तिन्‍नां ज़नानीए सुल्है करना लै मज़त। किल्हैकि तिन्‍नैं आसा मुंह संघै खुशीए समादा कई ज़ैगा पजैल़णां लै क्लेमेंस अर मेरै तिन्‍नां होरी संघा काम करनै आल़ै संघै बडी मैन्थ किई दी, ज़सरै नाअं ज़िन्दगीए कताबा दी आसा लिखै दै।

8 पृथूई दी तिंयां सोभै रहणैं आल़ै ज़सरै नाअं संसारा बणाणैं का आजी तेऊ मिम्मूं ज़िन्दगीए कताबा दी नांईं लिखै, तिंयां लागै तेऊ पशूए च़ाकरी अर पूज़ा करदै।

8 "ज़हा पशू तूह एभै भाल़अ आसा लागअ द, अह रहा त पैहलै पर ऐबै निं रहणअ, अह निखल़णअ नथहऐ कूंडा का बागै अर परमेशरा करनअ अह ऐबै सदा लै खतम। तेखअ पृथूई दी रहणैं आल़ै ज़सरै नाअं संसारे मूल़ हणें बगती ज़िन्दगीए कताबा दी निं आथी लिखै दै, ज़ांऊं तिन्‍नां एऊ पशूए दशा भाल़णीं, तिंयां प्राछणैं। अह रहा त पैहलै अर एभै निं अह आथी पर अह एछणअ एकी बारी भिई।✝

बडी शेतै रंगे राज़गाद्दी अर खिरी नसाफ हणअ

11 तेखअ भाल़ी मंऐं एक शेती राज़गाद्दी अर तेथ दी परमेशर बेठअ द। पर ज़हा ज़ैगा परमेशर त बेठअ द, तिधा का लुक्‍कअ सारअ सरग अर पृथूई तेखअ निं तिंयां कोही का शुझुऐ।✝

12,13 तेखअ भाल़ै मंऐं मूंऐं दै मणछ, कै होछ़ै कै बडै तिंयां थिऐ राज़गाद्दी आजू खल़्हुऐ दै। ज़ुंण मूंऐं दै मणछ समुंदरै आसा डुबै दै, ज़ुंण मरी करै घोरी आसा दाबै दै, ज़ुंण जम्परी आसा, तिंयां सोभ खल़्हुऐ राज़गाद्दी सम्हनै। तेखअ खोल्ही तिधी ज़िन्दगीए कताब अर होर बी कई कताबा। मूंऐं दै मणछो नसाफ हुअ तिन्‍नें तैहा कताबा दी लिखै दै तेते साबै ज़ुंण तिन्‍नैं आपणीं ज़िन्दगी दी किअ। तिन्‍नों नसाफ हणअ तिन्‍नें कामें साबै।✝

14,15 ज़हा मणछे नाअं ज़िन्दगीए कताबा दी नांईं तै लिखै दै तिंयां पाऐ आगीए समुंदरा दी। तेता लै बोला दुजी मौत, ज़ुंण सज़ा तेऊ आगीए समुंदरा दी आसा। तेभा पोर्ही नां मौत हणीं अर नां जम्पर हणीं किल्हैकि तिंयां पाऐ तेऊ आगीए समुंदरा दी। ✝

27 तैहा नगरी दी निं कोई बी छ़ोतली च़िज़ा अर च़िल़्हखरै काम करनै आल़अ या झ़ुठ बोल़णैं आल़अ केऊ बी साबै डेऊई सकदअ। पर सिधै तिंयां लोग सका तेथ डेऊई, ज़सरै नाअं मिम्मूं ज़िन्दगीए कताबा दी आसा लिखै दै। तैहा कताबा दी आसा तिधे तिन्‍नां लोगे नाअं ज़हा का सदा रहणैं आल़ी ज़िन्दगी आसा।✝

संसार खतम हणें बारै

1 तेखअ बोलअ तेऊ स्वर्ग दूतै मुल्है इहअ ज़ुंणी बाछे झिकल़ै तै बान्हैं दै, ✝"तेखअ एछणअ मिकाईल ज़ुंण परमेशरो महान स्वर्ग दूत आसा। सह आसा तिन्‍नां प्रैंदै प्रधान सैनापति ज़ुंण स्वर्ग दूत तेरै लोगे फाज़त करा। ज़ेभै सह प्रगट हणअ, तेभै हणीं खास्सी आफ़त। थारअ देश बणनैं ओर्ही तैहा धैल़ी तैणीं निं तेही आफ़त कधि पल़ी। पर थारै आपणैं लोगा मांझ़ै जाणैं कई लोग तैहा आफ़ता का बच़ी। ईंयां बच़णैं तिंयां ई ज़सरै नाअं परमेशरे कताबा* दी आसा दर्ज़ किऐ दै।✝ 2 कई ज़ुंण मरी हणैं गऐ दै, तिंयां हणैं भिई। कोऐ भेटणीं सदा लै ज़िन्दगी अर कोऐ हणैं सदा लै शर्मिंदै।✝

5 ज़ुंण ज़िते तेऊ लै बन्हैऊंणैं इहै ई करै शेतै झिकल़ै, अर तेऊओ नाओं निं हुंह ज़िन्दगीए कताबा का काटदअ। पर तेऊओ नाओं बोल़णअ मुंह आपणैं बाब अर आपणैं स्वर्ग दूता सम्हनै।*प्रका. 21:27

16 तूह त मेरै ज़ल्म हणैं का आजी मुंह बझ़दै भाल़अ लागअ द।

मेरै ज़ल्म हणैं का आजी थिऐ तंऐं

मेरी ज़िन्दगीए हर धैल़ै

आपणीं कताबा दी लिखी हेरै दै डाही।

8 भाल़, ताखा आसा थोघ कि मुल्है केही आफ़त आसा पल़ी दी,

तंऐं आसा मेरी लेर-पकारो साब-कताब डाहअ द,

हाँ, तंऐं आसा सोभै गल्‍ला आपणीं कताबा दी डाही दी लिखी।

26 किल्हैकि तिंयां हआ तेऊ मणछा छेऊंदै लागै दै ज़हा लै तंऐं सज़ा दैई हआ हेरी दी,

ज़ुंण तेरी दाह ज़िरदै हआ, तिन्‍नां लै दैआ तिंयां होर बी दुख।

27 तिन्‍नें पापो साब-कताब लऐ तूह डाही,

तिन्‍नां निं सज़ा दैणैं बाझ़ी छ़ाडी।

28 तिन्‍नें नाअं काटै ज़िन्दगीए कताबा का पोर्ही,

तिन्‍नां निं धर्मीं मणछा संघै गणी आथी।

शुचै-पाक्‍कै मणछा लै नांम

16 ज़ुंण परमेशरो अदर करा, तिंयां लागै आप्पू मांझ़ै गल्‍ला करदै। बिधाता लागअ शूणअ कि तिंयां किज़ै गल्‍ला करा। नढैऊऐ तै कुंण जंतरी दी नाओंआं लिखदअ लागअ द। तिंयां तै तिन्‍नें नाअं ज़ुंण बिधाता सेटा माथअ टेक्‍का तै अर बिधाते नाओं अदर करा तै। तिन्‍नें नाअं डाहै लिखी ताकि लोग तिन्‍नां आद डाहे।

32 बिधाता, मेरी आसा ताखा ज़ीबाण करी अरज़ कि तिन्‍नों पाप कर माफ, नांईं ता तै ढुश मेरअ नाअं आपणीं कताबा का पोर्ही।"✝

33 बिधाता बोला मोसा लै, "ज़ुंणी बी मेरै खलाफ पाप किअ मुंह ढुशणअ तिन्‍नां सोभिओ नाअं आपणीं कताबा का पोर्ही।