Livro da vida

20 Дегенмен жындардың өздеріңе бағынғандығына емес, есімдеріңнің көктегі кітапқа* тіркелгендігіне қуаныңдар.

3 Иә, адал серігім,* сенен де сұраймын: осы екі әйелге көмек көрсетші. Олар Ізгі хабарды таратудағы күресіме ортақтасып, Кілемент пен өзге қызметтестеріммен де бірге істесті. Солардың есімдері көктегі Мәңгілік өмір кітабына* жазылып қойылған.

8 Жер бетінде тұратын (күнәкар) адамзат түгелдей, яғни құрбандыққа шалынған Тоқтының Мәңгілік өмір кітабына* әлем жаратылмас бұрын есімдері жазылғандардан басқасының бәрі де, оған құлшылық ететін болады.

8 сен көрген айуан бір рет өмір сүрді. Ол қазір өмір сүрмесе де, түпсіз тұңғиықтан* шықпақшы. Ал кейін ол құртылып кетпек. Күнәкар дүниенің тұрғындары, яғни әлемнің жаратылған кезінен-ақ «Мәңгілік өмір кітабына»* есімдері жазылмаған адамдар, айуанға қарайды. Олар оның бір рет өмір сүріп, қазір өмір сүрмей, ал кейін қайтадан пайда болатынына* таңғалады.

Қиямет соты

11 Бұдан кейін мен бір үлкен ақ түсті тақты және оның үстінде Отырғанды* көрдім. Оның қасынан жер мен көк қашып, оларға орын табылмады. 12 Үлкенді-кішілі өлген адамдардың тақ алдында тұрғандарын байқадым. Кітаптар ашылып, ерекше бір кітап — «Мәңгілік өмірдің кітабы» да ашылды. Өлгендер сол кітаптарда жазылған, өздері тірі кездерінде жасаған істеріне сай сотталып, үкімделді. 13 Теңізде қаза тапқандар да, жалпы, ажалға ұшырап, о дүниеге аттанғандардың бәрі де қайта тірілді.* Олар өздерінің іс-әрекеттері бойынша сотталды. 14 Бұдан кейін ажал мен о дүние тозақ отына* лақтырылды. Тозақ оты «екінші өлім» деп те аталады. 15 Кімнің есімі «Мәңгілік өмір кітабында» жазылмаған болса, сол да тозақ отына лақтырылды.

27 Ал арамдардың, жексұрын қылықтар жасап, жалған айтатындардың ешқайсысы да қалаға кірмейді. Тек Тоқтының «Мәңгілік өмір кітабында» есімдері жазылғандар ғана енетін болады.

Қиын-қыстау кезең

1 Сол кезде сенің халқыңды қорғаушы бас періште* Михайл шығады. Бұл, халықтар алғаш пайда болғалы ешқашан болып көрмеген қиын-қыстау кезең болады. Сонда сенің халқың, яғни есімдері арнайы кітапқа* енгізілгендердің барлығы, құтқарылады.

Өлгендердің қияметтегі қайта тірілуі

2 Жер қойнында жатқан сансыз көп өлгендер қайта тіріледі. Олардың бірқатары мәңгілік өмірге ие болады, ал қалғандары мәңгілік ұят-масқараға қалады.

5 Жеңіп шыққан әркім солар сияқты аппақ киім киетін болады; Мен оның есімін Мәңгілік өмір кітабынан* өшірмей, Әкемнің және Оның періштелерінің алдында ашық мойындаймын.

8 Уа, Құдай, жүрегім Саған сенімді,

Өзіңе арнаймын мен ән-күйімді.

Жаратқан Иенің әділдерді ескеріп марапаттауы

16 Содан соң Жаратқан Иені терең қастерлеушілер өзара сөйлесіп, Жаратқан Ие оларды ден қойып тыңдады. Сонда бұлар туралы Оның алдындағы естелік кітапқа жазылды. Сол кітапқа Жаратқан Иені терең қастерлеп, Оның есімін құрметтейтіндер тіркелген.*

32 Дегенмен олардың күнәсін кешіре гөр. Егер олай істемесең, онда (өз адамдарыңның есімдерін) жазып қойған кітабыңнан* менің де есімімді сызып таста, — деп өтінді.

33 Ал Жаратқан Ие Мұсаға:

— Бұл кітабымнан Менің алдымда күнә жасағандардың (есімдерін) сызып тастаймын.