Livro da vida

20 Nghaduu ka tsatsa na gbɛɛ di emi onodzi ibwubwe sunu ema ba. Kpaa, tsatsa ikyegbɛɛ a lɔ ema iyi mi esho.>>

3 Ema abuge idɔ mgbi ani, ya engyaa ntonɛ abɔ na, lubana ama yi iKlɛmɛnti bɛyi emi abuge idɔ mgbi ani angbeka, ama ngwu a lɔ ma iyi mi afɛ mgbi oshishe, tobyi ani mi idɔ Esɔ Osuse ogbɔ kpɔklɔɔ.

8 Ama ngwu a lɔ ma iyi mi afɛ mgbi Ongwummala duuse ni a ta ɛsɛ ba duu, ka sunu mmbwaba nani.

8 Mmbwaba ngwi abu di nani, teyi dzɛ, onɛnɛ o dzɛma wuba, dika wa tasɛ mi ikplishɛ di lu mi odzili-dzili mgban. Ka kwulu inggisɛ ama nto ɛsɛ, ama a teyi lɔ ma iyi mi afɛ mgbi oshishe ba kyɛ mi onɔ ngwi a ta ɛsɛ ma ewo, mi onɔ ngwi abu di mmbwaba nani, ikyekyɛ o teyi dzɛ, onɛnɛ o dzɛma wuba, nghaduu o dika waba.

Ikwɔ ongwi olɛlɛ

11 Nɛ ani di itsuutɔ onzundzɛ nshewo yi ongwu nsɔdzɛ ele mani. Ɛsɛ yi akpesho tse dzata imbe ngwi o dzɛ mani, nghaduu imbe dzɛma ngwi a ka kɛ ba. 12 Ani di di emi ikwukwɔ, ama nshewo bɛyi ama ogyɛngyɛ, kwudzɛ to inai itsuutɔ nani, ta a si kwulu afɛ kwuba. A kwulu afɛ oka, nli afɛ mgbi oshishe nani. A gbɔ emi ikwukwɔ ikwɔ mi ungwɔ ngwi a kyɔ ngwi a di lɔn mi afɛ ntona mani. 13 Ekyoo okwukwo gbe emi ikwukwɔ ama nwoto mbon nu, ikwongye bɛyi endzi kpaa gbe emi ikwukwɔ nto mboma ma nu, man a gbɔ ali inggisɛ ikwɔ mi odzɛɛdzɛ ungwɔ ngwi otsungwɔn kyɔ mani. 14 Nɛ a kye ikwongye bɛyi endzi ngwuta wokɛ utɔ ola. Utɔ ola nɛ li ikwongye ongwu fan mani. 15 Inggisɛ ta ngwu a lɔn iyi mi afɛ mgbi oshishe bayɔ, a kyon ngwuta wokɛ utɔ ola nani.

27 Akponyi kpaa ungwɔ okpɛkpɛ ka kaka ele naadi inggisɛ nkyungwɔ ayiwi hona ungwɔ onya ba. Nghaduu li ama a lɔ ma iyi mi afɛ oshishe mgbi Ongwummala ma ta ka kaka ele.

5 Inggisɛ nngha ma, ka wo angwuto onzundzɛ dafi ama mani. Ani dika dulu iyi mgban mi afɛ mgbi oshishe ba, kpaa n ka kye iyi mgban tso mi ododa mi inai Otsani yi engyesɔ mgban.