Livro da vida

20 Wɛɛ bɛ twon lan’man un’sak naa insɔŋà myàkyer alàwem, wɛɛ bɛ làmɛn un’sak naa ikɔb abɛ ban’sɔn u du. »

3 Anà ngye sye, un’baay amɛ wàndandaa, mɛ amalɔm mukabay, ntɔn ba bànwään mbwo mwɛy anà mɛ ntɔn Làsaŋ Aŋàbwaŋ, sye, anà Klɛma anà abaay amɛ bumwɛy, ikɔb aba byà ubɔɔ a un’kaan a mɔ̈ɔ̈.

8 Baar a mɛɛn banswà bàkyer asun’kömà, baar banswà mpa kyàkäl ikɔb aba kyàŋàsɔn, sɛmà nkyeer a mɛɛn, uboo a un’kaan a mɔ̈ɔ̈, un’kaan a un’to a un’kɔk awà bàdwä.

8 Ntsür akwà awà kàmɛn ngye, awà kàkäl anà mɔ̈ɔ̈, wa ufàkal anki. Wa akyer atoo u boo a un’baan, ntɔn wa ukü. Baar a mɛɛn mpa abye anà ikɔb aba byàŋàsɔn uboo a un’kaan a mɔ̈ɔ̈ fà nkyeer a mɛɛn, bàsàman ndaa mwɛy yà ubem muman ntsür, ntɔn wa kàkyer akal, ufàkal anki, wɛɛ wa akyer afàsyefurà. »

Ntaaŋàmbar a ntsüü

11 Apan, mɛ kàmɛn kir a imwol làkölàköl làpɛɛl anà mbuur kàbwaayà udu a la. Du anà mɛɛn màtiin ukwɛl kusà ande, anà ma bàfàsàman anki. 12 Ungö apan mɛ kàmɛn akü, andweer anà ambɛy, bàŋàmbar kusà a kir a imwol. In’kaan bàkyer aduub. Un’kaan asin bàkyer aduub, un’kaan a mɔ̈ɔ̈. Akü batsül nsaŋ, mbuur mbuur mulab nsyääl ande, asànaa bàsön ya uboo a in’kaan. 13 Ngyäl kàfuur akü ande, ukwà anà an’lɔŋ màfuur akü ama. Ba banswà batsül nsaŋ, mbuur mbuur asànaa byàkäl isal ande. 14 Ukwà anà an’lɔŋ batɔɔm u yaaŋ a mbaa. Yaaŋ a mbaa alà bà ukwà bàyweel. 15 Isàkal naa mbuur mwɛy ikɔb ande bàsön anki uboo a un’kaan a mɔ̈ɔ̈, nde bun’tɔɔm u yaaŋ a mbaa.

27 Làbiin làsàbilà anki kwo, itàkal un’pasàsɛ anà ŋaloor, wɛɛ baar abà bàŋàsɔn uboo a un’kaan a mɔ̈ɔ̈ a un’tö a un’kɔk mpɛl.

5 « Abun, mbuur asàwal iböŋ, asàbwaar ipfɛy a pɛɛl. Mɛ in’sàbiiŋ anki ikɔb ande uboo a un’kaan a mɔ̈ɔ̈. Mɛ in’fàsàyɔbà ikɔb ande kusà a Taaràmɛ anà kusà a akyeey ande. »