Louvor e adoração
O louvor e a adoração são o propósito supremo da vida cristã. A Bíblia está repleta de exortações a louvar o Senhor — com cânticos, instrumentos, danças e com todo o nosso ser.
Louvai ao Senhor!
Todo ser que respira louve ao Senhor! O louvor é o sacrifício agradável que oferecemos continuamente a Deus.
E bizir bar angamɨra itiba,
e bar Ikiavɨra Itir Godɨn ziam fam.
E bar Ikiavɨra Itir Godɨn ziam fam!
Aleluia!
God uan Dɨpenimɨn itima, e an ziam fam.
A gavgavir bar ekiam ikia uan Nguibamɨn itima,
e an ziam pɨrafam.
A bar bizir ekiabagh ami.
E ziar ekiam a danɨngam.
A bar faraghavɨra ikia, an ziar ekiam bar pɨn mar iti.
E an ziam fam.
E sɨghabagh iviva, dɨbɨariba ko gitabav sogh,
Ikiavɨra Itir Godɨn ziam pɨrafam.
E tambarinbav soghɨva, ighɨ an ziam fam.
E gitan avɨrir igharagha garibav soghɨva, itabagh iviva ziar ekiam a danɨngam.
E brasɨn itaribav soghtɨ da bar puvɨrama arangtɨ,
e Ikiavɨra Itir Godɨn ziam fam.
E bizir bar angamɨra itiba,
e bar Ikiavɨra Itir Godɨn ziam fam.
E bar Ikiavɨra Itir Godɨn ziam fam!
Aleluia!
E tambarinbav soghɨva, ighɨ an ziam fam.
E gitan avɨrir igharagha garibav soghɨva, itabagh iviva ziar ekiam a danɨngam.
Ia ighiabar amuva an ziam fɨva ighɨ.
Ia gitaba ko, tambarinbav sogh
an ziam fɨ.
Ia bar Ikiavɨra Itir Godɨn ziam fɨ!
Ia ighiar igiam, a bagh a bangɨ.
Ia gumazamizir a baghavɨra itiba,
ia an ziam fasa mɨsevezir dughiaba,
ia uari akuv ziar ekiam a danɨng.
Ia ighiabar amuva an ziam fɨva ighɨ.
Ia gitaba ko, tambarinbav sogh
an ziam fɨ.
Ikiavɨra Itir God uan gumazamizibagh ifonge.
Gumazir uari abɨra igharaz darazir apengan itiba, a men ziaba fava,
me gami me mɨdorozim gamua uan apaniba abɨri.
Godɨn gumazamiziba uan apaniba ko, mɨdorozim gamigha me abɨragha gɨfa.
Me datɨrɨghɨn bar akongegh.
Me dɨmagariba sara uari akuvir dughiabar,
me God bagh bar akongezir ighiabar amu.
Ia Ikiavɨra Itir Godɨn ziam fɨ!
Ia Godɨn Nguibamɨn bar pɨn iti darasi,
ia an ziam fɨ.
Ia enselba, ia bar moghɨrama an ziam fɨ!
Godɨn Nguibamɨn itir mɨdorozir enselba uaghan an ziam fɨ.
Aruem ko iakɨnim, gua uaghan an ziam fɨ!
Mɨkovezir angazangarir gavgaviba itiba, ia uaghan an ziam fɨ.
Godɨn Nguibar bar pɨn itim, nɨ uaghan an ziam fɨ!
Dɨpar overiamɨn pɨn itiba, ia uaghan an ziam fɨ.
Ikiavɨra Itir God mɨkemezɨ bizir kaba otifi!
Kamaghɨn me bar an ziam fɨ.
A uabɨ mɨkemezɨ me uan danganibarama, otivigha iti.
Me dar ikɨ kamaghɨra ikɨva,
an akabar gɨn mangam.
Ia nguazimɨn itir biziba bar,
ia Ikiavɨra Itir Godɨn ziam fɨ.
Ia bizir kabanang.
Ongarir konimɨn aven itir kuruzir ekiaba ko osiriba ko
onɨmariba ko dagɨabar mɨn garir amozir ofɨzir ekiaba ko amoziba ko mɨgharir pɨziba ko
amɨnir ekiar an Akar Gavgavibar gɨn zuiba,
ia bar Ikiavɨra Itir Godɨn ziam fɨ.
Ia mɨghsɨar ekiaba ko mɨghsɨar doziba,
ko temer ovɨziba itiba ko sidan temeba ko,
ruarim ko nguibamɨn asɨziba bar moghɨra ko goaba ko kuaraziba,
ia bar moghɨra Ikiavɨra Itir Godɨn ziam fɨ.
Ia nguazir kamɨn itir atriviba,
ko kantriba ko gavmanɨn gumaziba ko gumazir dapaniba ko
gumazir igiaba ko amizir igiaba ko gumazir ghuriba ko boriba,
ia bar Ikiavɨra Itir Godɨn ziam fɨ.
Bar guizbangɨra, Ikiavɨra Itir God, an ziam bar ekevegha gumazamizibar ziaba bar dagh afira,
egha an ziar ekiam bar pɨn ikia nguazim ko overiam gafira.
Kamaghɨn amizɨ, biziba bar moghɨra an ziam fɨ.
Kamaghɨn amizɨ, e Iesusɨn ingangarimɨn tuavimɨn, e zurara ziar ekiam isɨ ofan mɨn God danɨng mamaghɨra ikiam. Eghtɨ en akatoriba zurara an ziam fɨ suam, a en Ekiam.
Kamaghɨn amizɨ, e Iesusɨn ingangarimɨn tuavimɨn, e zurara ziar ekiam isɨ ofan mɨn God danɨng mamaghɨra ikiam. Eghtɨ en akatoriba zurara an ziam fɨ suam, a en Ekiam.
Louvor como estilo de vida
Bendirei ao Senhor em todo tempo; o seu louvor estará sempre nos meus lábios. O louvor não depende de circunstâncias.
Kɨ zurara ziar ekiam Ikiavɨra Itir God danɨngam.
Kɨ an ziam fɨ mamaghɨra ikiam.
Kɨ zurara ziar ekiam Ikiavɨra Itir God danɨngam.
Kɨ an ziam fɨ mamaghɨra ikiam.
Kɨ zurara ziar ekiam Ikiavɨra Itir God danɨngam.
Kɨ an ziam fɨ mamaghɨra ikiam.
Ikiavɨra Itir God nan akurazir bizir kam bangɨn,
kɨ a mɨnabava a bagha bar akonge.
Gumazamizir osɨmtɨziba ateriba me bizir kam uaghan a baragh,
men naviba bar moghɨra deragham.
E bar moghɨra an ziar ekiamɨn gun mɨkɨmɨva,
egh an ziam fam!
Nɨ nan akurvaghsɨ, kɨ nɨ mɨzuam nɨghnɨzir gavgavim nɨn ikiam.
Egh nɨn ziam fɨ mangɨvɨra ikiam.
Nan ikɨrɨmɨrir kɨ itir kam, a nɨn agharimra iti.
Nan amebam na batezɨ dughiamra, nɨ na geghuva deragha nan gara iza datɨrɨkɨn.
Kamaghɨn, kɨ nɨn ziam zuraram a fam.
Dughiabar zurara,
kɨ nɨn ziar ekiam fɨ, an gun gumazamizibav kɨmasa.
Dughiabar zurara,
kɨ nɨn ziar ekiam fɨ, an gun gumazamizibav kɨmasa.
Kɨ ighiam bangɨ bar akongegh dɨmam.
Kɨ nɨn ighiaba bangɨ, egh uan akamra da bangan kogham.
Puvatɨ. Nɨ ua na inizir bizir kam bagh,
kɨ uan navim ko, nɨghnɨzim sara nɨn ighiaba bangam.
E Godɨn gumazamizir aruem anadi naghɨn ikegh ghua aruem uaghiri naghɨn itiba,
e bar moghɨra Ikiavɨra Itir Godɨn ziam fam.
Bizir tizim ia bato, God mɨnabɨvɨra ikɨ. God kamaghsua, ia gumazamizir Krais Iesusɨn poroghav itiba ia arazir kaba bar, dar amu.
Adoração em espírito e verdade
Os verdadeiros adoradores adorarão ao Pai em espírito e em verdade. Deus busca os que o adoram com coração sincero.
Ezɨ dughiar otivamim, an otogha gɨfa, ezɨ gumazamiziba bar guizbangɨra Afeziamɨn ziam fasa, me an Duamɨn gavgavim ko guizbangɨn arazimɨn an ziam fam. Ezɨ Afeziam, gumazamizir kamaghɨn amiba, me an ziam fasa a bar ifonge.
God, a Duam. Ezɨ gumazir an ziam feba, me Godɨn Duamɨn gavgavim ko guizbangɨn arazimɨn an ziam fe."
Ia izɨ, e ighiaba bangɨ Ikiavɨra Itir Godɨn ziam fam.
A en dagɨamɨn mɨn ikia e moga en akurvasi,
e a gɨnɨghnɨgh onger akabar amuam.
E an boroghɨra mangɨ a mɨnabɨva,
pamten dɨm ighiabar amu
an ziam fɨ bar akuegham.
E fo, Ikiavɨra Itir God, a Godɨn Bar Gavgaviba Itim.
An atrivir gavgaviba bar itim,
egha godɨn ifavariba bar dagh afira.
A nguazimɨn aven itir danganir koniba, ko mɨghsɨar bar pɨn itiba,
a bar dagh atifa.
A uabɨ ongarim ko nguazimɨn ingari,
ezɨ aning uaghan an bizimningra.
Ikiavɨra Itir God en ingari.
Ia izɨ, e an boroghɨn mangɨ dapaniba avigh,
teviba apɨrigh uari a danigh an ziam fam.
Ia nguazimɨn itir gumazamiziba bar,
ia Ikiavɨra Itir God bagh pamtem dɨmɨva,
bar akongegh an ziam fɨ.
Ia Ikiavɨra Itir Godɨn ingangarim damu
an ziam fɨ bar akongegh.
Ia an boroghɨn izɨva
bar akongezir ighiaba bangɨ.
Ia Ikiavɨra Itir Godɨn ingangarim damu
an ziam fɨ bar akongegh.
Ia an boroghɨn izɨva
bar akongezir ighiaba bangɨ.
E an Dɨpenimɨn aven mangɨ
an ziam fɨva a mɨnamam.
E a mɨnabagh
an ziar ekiam bar a pɨrafam.
Ia bar moghɨra onger akar igiatam, Ikiavɨra Itir God bagh a bangɨ.
Ia nguazimɨn gumazamiziba bar, a bagh ighiabar amu.
Ia Ikiavɨra Itir Godɨn ziam fɨ, a bagh onger akabar amu.
Dughiabar zurara ia an gun uariv mɨkɨm suam,
Ikiavɨra Itir God zurara en akurvasi.
Ia, an gavgavim ko ingangarir aghuir an amibar
gun kantriba bar dar gumazamizibav kɨm.
Ikiavɨra Itir God a bar faraghavɨra ikia bar gavgafi.
Ezɨ e an ziam fɨ mangɨvɨra ikiam.
Aseba bar, me Ikiavɨra Itir Godɨn mɨn itir puvatɨ.
E an apengara ikɨva an atiatingam.
Nguazimɨn itir gumazamizibar aseba,
da pura ifavarir godba.
Ikiavɨra Itir God, an overiamɨn ingari.
Ikiavɨra Itir God, atrivimɨn ikia ziar ekiam ikia,
egha uan Dɨpenimɨn iti.
A bizir aghuiba ko gavgavimɨn mɨngarim.
Ia nguazimɨn itir ikɨzibar gumazamiziba bar,
ia Ikiavɨra Itir Godɨn ziar ekiam ko gavgavim bagh, bar akongegh.
Ikiavɨra Itir God, a bar faraghavɨra itima,
ia an ziar ekiam fɨ.
Ia ofaba inigh an Dɨpenimɨn mangɨ.
Ikiavɨra Itir Godɨn Araziba, da bar deragha bar zue, arazir kaba mati an kurkazir aghuim.
Ia gumazamiziba bar moghɨra an arazir kabagh nɨghnɨgh an ziam fɨ.
Ia nguazimɨn gumazamiziba, an atiating egh akong.
A grandeza de Deus
Grande é o Senhor e mui digno de louvor! Sua grandeza é insondável. Os céus declaram sua glória e toda a criação o adora.
Dughiaba bar, Ikiavɨra Itir God bar ziar ekiam iti, e an ziar ekiam fɨ mamaghɨra ikiam.
E an gavgavim gɨfoghsɨ damuva avegham.
En nɨghnɨziba otefe.
Ezɨ nɨrara bar deragha zuegha, arazir aghuibaram amua,
uan atrivir dabirabim gaperaghav itima, Israelia nɨn ziam fe.
Kɨ uan adarazir tongɨn ikɨ nɨn ziamɨn gun me mɨkɨmam.
Gumazamiziba uari akuvamin danganimɨn,
kɨ men tongɨn ikɨ nɨn ziam fam.
Kɨ kamagh mɨkɨm suam,
"Ia Ikiavɨra Itir Godɨn atiatia an apengan iti darasi, ia an ziam fɨ.
Ia Jekopɨn ovavir boriba, ia ziar ekiam a danɨng.
Ia Israelia, ia an damazimɨn tugh an ziam pɨrafɨ."
Gumazamizir onganaraziba,
a men osɨmtɨzibar gara pura da ataghɨrazir puvatɨ.
A kamaghɨn mɨgeir puvatɨ, men osɨmtɨziba pura biziba.
A men saghon itir puvatɨ.
A men azangsɨziba barasi.
E bar Ikiavɨra Itir Godɨn ziam fam!
E ighiabagh amua uan Godɨn ziam fer arazim dera.
An ziam fer arazir kam a guizbangɨrama bar dera.
Ikiavɨra Itir God a bar dera,
kamaghɨn ia an ziam fɨ.
An apangkuvim bar en ekefe,
kamaghɨn ia an ziam fɨ ighiabar amu.
Ikiavɨra Itir God, an atrivimɨn iti.
Nguazimɨn itir gumazamiziba, ia bar akueghtɨ,
arighatɨzibar itir gumazamiziba,
ia dɨmɨva bar akongegh.
Gumazamizir aghuiba, ia bizir Ikiavɨra Itir God amiba bagh, bar akongegh.
Ia bizir kabagh nɨghnɨgh a mɨnabagh.
Ia an ziar zuezir aghuim gɨnɨghnɨgh,
a pɨrafɨ.
"Kɨrara, kɨ Ikiavɨra Itir God, kar nan ziam.
Ezɨ kɨ uabɨra, ia nan ziar ekiamra fɨ.
Ia gumaziba ingarizir marvir guatamɨn ziam fan bar markɨ.
Cânticos e instrumentos
Cantai ao Senhor um cântico novo! Louvai com salmos, hinos e cânticos espirituais, fazendo melodia no coração ao Senhor.
Egh Kraisɨn akam ian navir averiabar ikɨ gavgafigh. Eghtɨ ia vaghvagh nɨghnɨzir aghuiba ko fofozibar gɨn mangɨva uarira uarir sure damuva akurvazir akam uari danɨng. Egh Onger Akabar Akɨnafarimɨn aven ighiabar amuva, Iesusɨn ziam fer ighiabar amuva, Godɨn Duam ian navir averiabagh atɨzir ighiabar amu. Dughiar ia ighiabar amuamim, ia uan navir averiabar God mɨnabɨ.
Egh Kraisɨn akam ian navir averiabar ikɨ gavgafigh. Eghtɨ ia vaghvagh nɨghnɨzir aghuiba ko fofozibar gɨn mangɨva uarira uarir sure damuva akurvazir akam uari danɨng. Egh Onger Akabar Akɨnafarimɨn aven ighiabar amuva, Iesusɨn ziam fer ighiabar amuva, Godɨn Duam ian navir averiabagh atɨzir ighiabar amu. Dughiar ia ighiabar amuamim, ia uan navir averiabar God mɨnabɨ.
Egh ia uariv kɨmsɨ, Onger Akabar Akɨnafarimɨn aven itir ighiaba ko, Godɨn ziam fer ighiaba ko, Godɨn Duam ian navir averiabagh atɨzir ighiaba, ia uariv kɨm. Egh ia ighiabar amuva, Ekiamɨn ziam fɨva, uan navir averiabar aven, ziar ekiam a danɨng. Egh ia zurara, en Ekiam Krais Iesusɨn ziamɨn, bizir otiviba bar, da bagh God Afeziam mɨnabɨ.
Ia gumazamizir aghuiba, ia Ikiavɨra Itir God ia bagha amizir bizir aghuim bagh bar akongegh.
Arazir kam bar dera:
ia an akam baragha an gɨn zui darasi, ia an ziam fɨ.
Ia kulele ko gitan stringɨn 10pla itim mɨsogh,
Ikiavɨra Itir God bagh ighiam damu an ziam fɨ.
Ia onger akar igiaba osirigh da bangɨ,
egh deragh gita mɨsoghtɨ an ararem deraghtɨ,
ia bar akongegh pamten dɨm mɨkɨm.
Ezɨ Devit Israelia ko me bar moghɨra ghuava, Ikiavɨra Itir Godɨn damazimɨn bar akongegha pamtem ighiabagh amua an ziam fe. Me gitaba ko buaba, ko tambarinba ko dɨbɨarir guar avɨribav sogha sɨghabagh ivi.
E Ikiavɨra Itir God bagh ighiaba bangɨ egh an ziam fam.
Egh bizir aghuir an amizibar gun mɨkɨmam.
An onger akar igiar mam nan akam gatɨ.
Kar onger akar e uan Godɨn ziam famim.
Gumazamizir avɨrim kamaghɨn ganigh atiatigh an apengan ikɨsɨ,
nɨghnɨzir gavgavim Ikiavɨra Itir Godɨn ikiam.
Ikiavɨra Itir God, nɨ Godɨn Bar Pɨn Itim,
arazir nɨ mɨnaba ighiabagh amua nɨn ziam fer kam, a dera.
O Ikiavɨra Itir God,
kɨ arazir aghuim ko apangkuvir arazim gɨnɨghnɨghɨva ighiam bangam.
Bar guizbangɨra, kɨ nɨ baghvɨra ighiar kam bangam.
O Ikiavɨra Itir God,
kɨ arazir aghuim ko apangkuvir arazim gɨnɨghnɨghɨva ighiam bangam.
Bar guizbangɨra, kɨ nɨ baghvɨra ighiar kam bangam.
Louvor nas lutas
Paulo e Silas louvaram na prisão e houve terremoto. O louvor é arma espiritual que transforma circunstâncias e derrota o inimigo.
Ezɨ dɨmagarir arɨzimɨn Pol ko Sailas God ko mɨgɨava ighiabagh ami. Ezɨ kalabusɨn itir gumazir maba aning barasi.
Ezɨ dɨmagarir arɨzimɨn Pol ko Sailas God ko mɨgɨava ighiabagh ami. Ezɨ kalabusɨn itir gumazir maba aning barasi.
Egha atrivim uaghan gumazamizibar nɨghnɨzibagh foghasa men azangsɨsi, egha gɨn, a mɨdorozir gumazibar faragh mangɨ, ighiar kam bangasa me amɨsefe: Ezɨ me kamaghɨn ighiam bati.
"Ikiavɨra Itir Godɨn Araziba bar zue,
ezɨ arazir kam, mati an kurkazir aghuim.
E bizir kabagh nɨghnɨgh,
egh an ziam fɨ ighiaba bangam.
Ikiavɨra Itir God zurara en apangkuvigha mamaghɨra iti.
Kamaghɨn amizɨ, e a mɨnamam."
Jehosafat uan mɨdorozir gumaziba ko zuir dughiamɨn, gumazir ighiam batiba, me dɨkavigha Ikiavɨra Itir Godɨn ziam famin ighiabagh ami. Ezɨ Ikiavɨra Itir God, Amonia ko Moapia ko Idomian mɨdorozir gumazibagh amizɨma, me uarira uarir atara uariv sosi. Amonia ko Moapia, faragha Idomia ko mɨsogha, bar me mɨsoghezɨ me ariaghire. Egha gɨn Amonia ko Moapia uari uariv sogha bar uarigh asɨghasɨki.
Ezɨ Jop kamaghɨn oregha bar osemegha, dɨkavigha uan korotiar ruarim abigha uan dapanim gise. Egha Godɨn damazimɨn tevimning apɨrigha, uan guam nguazim mɨtuagha Godɨn ziam fe. Egha a kamaghɨn mɨgei, "Nan amebam na batezir dughiamɨn, kɨ bizitam inigha izezir puvatɨ. Kɨ bibiamra ize. Egh kamaghɨra, kɨ aremegh pura mangam. Ikiavɨra Itir God uabɨ bizir kaba na ganigha, egha datɨrɨghɨn ua da ini. Kamaghɨn, kɨ an ziam fe."
Ia Ikiavɨra Itir Godɨn gumazamiziba, ia a bagh onger akabar amu
an ziar bar zuezim fɨ.
Egh bizir an amizibagh nɨghnɨgh a mɨnabɨ.
Guizbangɨra, a en atarir adariba, da dughiar otevimra iti.
Ezɨ dughiar e nguazir kamɨn itimɨn,
a uan navim sara e gifongegha deragha e gami.
Dɨmangan en temeriba iregham,
egh amɨmzaraghan e deragh ikɨ bar akuegham.
Nɨ nan navir osɨmtɨzim batoghezɨ
kɨ bar akuegha ighiabagh ami.
Kɨ faragha azirakar korotiaba aghui,
ezɨ datɨrɨghɨn nɨ nan azirakar korotiaba suegha,
nan azirakam oteghavkɨnizɨ nan navim derazɨ kɨ bar akonge.
Ikiavɨra Itir God, kɨ uan akam dukuaghan kogham.
Kɨ uan navir averiamɨn onger akabar amu egh nɨn ziam fam.
Egh zurara nɨ mɨnabɨvɨra ikiam.
Kɨ uan navir averiamɨn aven uabɨra uabɨn azangsɨgha ghaze, kɨ tizim bagha bar oseme?
Kɨ osɨman kogham.
Kamaghɨn deragham, kɨ ua nɨghnɨzir gavgavim Godɨn ikɨva, uam an ziam fam.
Nan God, a nan Akurvazir Gumazim.
"Ia uan dɨpenibar mangɨ, isar ekiabar amu asɨzir aghuiba ko wainɨn isɨngtɨzim amɨ. Egh daghetaba ko wainɨn taba isɨ gumazir dagheba puvatɨzibar anɨng. Kar Ikiavɨra Itir Godɨn dughiar ekiam, kamaghɨn ian naviba osɨman markɨ. Ikiavɨra Itir God bagha bar akongezir arazim, a gavgavim ia danɨngam."
Gratidão e louvor
Em tudo dai graças. O louvor nasce da gratidão por quem Deus é e pelo que Ele faz. Cada bênção é motivo de adoração.
Kɨ Ikiavɨra Itir Godɨn ziam fam.
Kɨ uan duam ko, navir averiam ko, namnam sara
Ikiavɨra Itir Godɨn ziar aghuim pɨrafam!
Kɨ Ikiavɨra Itir Godɨn ziam fam.
Kɨ uan duam ko, navir averiam ko, namnam sara
Ikiavɨra Itir Godɨn ziar aghuim pɨrafam!
Kɨ Ikiavɨra Itir Godɨn ziam fɨva,
bizir aghuir a na gamiba da bakɨnɨghnighan kogham.
Kɨ Ikiavɨra Itir Godɨn ziam fam.
Kɨ uan duam ko, navir averiam ko, namnam sara
Ikiavɨra Itir Godɨn ziar aghuim pɨrafam!
Kɨ Ikiavɨra Itir Godɨn ziam fɨva,
bizir aghuir a na gamiba da bakɨnɨghnighan kogham.
A nan arazir kuraba bar da gɨn amaga,
nan arɨmariabagh amizɨ,
da ua dera.
A nan akuragha ua na inizɨ,
kɨ ovengezir puvatɨ.
A bar na gifongegha nan apangkufi.
Kɨ Ikiavɨra Itir Godɨn ziam fɨva,
bizir aghuir a na gamiba da bakɨnɨghnighan kogham.
Kamaghɨn, Ikiavɨra Itir God zurara men apangkuvigha
arazir aghuimɨn me gamizir bizim bagha,
me a mɨnabɨ.
Guizbangɨra, a kuariba pɨrir adarasi,
dɨpaba me ganɨdima, me apa bar izefi.
Ezɨ mɨtiriaba azi darasi,
a dagheba me ganɨdima, me apa bar izefi.
E bar Ikiavɨra Itir Godɨn ziam dɨponɨva a mɨnabaka.
Egh ingangarir ekiar an amizibar gun Kantrin Igharazibar Gumazamiziba bar me mɨkɨmam.
Dughiar kamɨn ia kamagh mɨkɨmam:
"E Ikiavɨra Itir God, an ziam dɨpon, egh a mɨnabɨva,
uarir akurvaghsɨ an dɨmam.
Egh ingangarir ekiar an amizibar gun kantribar gumazamiziba bar moghɨra me mɨkɨmɨva,
an ziar ekiamɨn gun mɨkɨm.
O Ikiavɨra Itir God, nɨ nan God, ezɨ kɨ nɨn ziam fasa.
Nɨ nan akurvaghasa bizir aghuir igharagha garibagh ami.
Nɨ fomɨra damuasa mɨkemezir biziba,
nɨ guizbangɨra dagh amigha gɨfa.
Kamaghɨn amizɨ, kɨ ziar ekiam nɨ ganɨdi.
Nan ovavibar God, nɨ fofozim ko gavgavim na ganɨngi
egha nɨ nan dɨmdiam baraki,
egha bizir e nɨn azangsɨghizir kam, en aka.
Egha nɨ atrivimɨn irebamɨn mɨngarim, en aka.
Kɨ bizir kam bagha nɨ mɨnabagha, bar nɨn ziam fe."
A majestade do Rei
Ao nome de Jesus todo joelho se dobrará. A adoração culminará na eternidade, onde os redimidos louvarão ao Cordeiro para sempre.
Me pamten dia kamaghɨn ighiam gami:
"Sipsipɨn Nguzir me mɨsoghezɨ aremezir kam,
e an uarir torogha
an ziam bar pɨn anetɨ.
A ziar ekiam ko
bizir aghuir avɨriba ko
fofozir aghuiba ko
gavgavir ekiam iti.
E an ziam fɨva
a bagh bar akongegh
a mɨnamam."
Egha kɨ God ingarizir gumazamiziba ko biziba bar men ighiam barasi, kar bizir overiamɨn itiba ko nguazimɨn itiba ko nguazimɨn apengan itiba ko ongarimɨn itiba kamaghɨn mɨgei:
"Gumazir uan atrivir dabirabim gapiaghirim ko,
Sipsipɨn Nguzim uaghan,
e zurazurara aning mɨnabɨvɨra ikiam.
Egh aningɨn ziar ekiamning fɨva,
aning bagh bar akongegh,
egh aningɨn gavgavir ekiamɨn apengan ikɨ
zurara mamaghɨra ikiam."
Egha a pamten kamaghɨn mɨgei, "God gumazamizibar arazibar tuisɨghamin dughiam bar roghɨra ize. Kamaghɨn amizɨ, ia Godɨn atiating, egh ziar ekiam a danɨng. Ia, overiam ko nguazim ko ongarim ko nguazimɨn aven ivemarir dɨpabar ingarizir God, an ziam fɨ."
Ezɨ tiarir mam atrivimɨn dabirabimɨn iza kamaghɨn mɨgei:
"Ia Godɨn ingangarir gumazamizir an atiatiava an apengan itiba,
ia gumazamizir ziaba itiba ko ziaba puvatɨziba,
ia bar Godɨn ziam fɨ!"
Ezɨ tiarir mam atrivimɨn dabirabimɨn iza kamaghɨn mɨgei:
"Ia Godɨn ingangarir gumazamizir an atiatiava an apengan itiba,
ia gumazamizir ziaba itiba ko ziaba puvatɨziba,
ia bar Godɨn ziam fɨ!"
E fo, Godɨn Akɨnafarim kamaghɨn mɨgei:
"Kɨ ian Ekiam, kɨ zurara ikɨvɨra ikiam,
kamaghɨn amizɨ kɨ guizbangɨra ia mɨgei,
‘Nguazimɨn itir gumazamiziba bar moghɨra
nan guamɨn teviba apɨrigh,
egh uan akabar nan gun mɨkɨm suam,
kɨ guizbangɨra God.’ "
Nan adarasi, kɨ mɨgɨrɨgɨar abuananam ia mɨkɨmasa. Ia zurara arazir kabagh nɨghnɨgh: guizɨn araziba, arazir aghuariba, God ko gumazibar damazimɨn derazir araziba, arazir zuruziba, gumazamiziba ifongezir bizir diriba, arazir gumaziba gara bar akongeziba. Ia fo, arazir aghuir pɨn itiba ko arazir me gara feba, da iti. Arazir aghuir kabara, ia dagh nɨghnɨgh.
Vida de louvor
O louvor transforma, fortalece a fé e nos conecta com o céu. Quem louva a Deus em toda circunstância experimenta sua presença real.
Ia uari isɨ God danigh, egh an apengan ikɨ.
Egh agorogem sara bar atiatingigh.
Ikiavɨra Itir God a bar guizbangɨra dera,
kamaghɨn kɨ bar a mɨnabagham.
Kɨ Godɨn Bar Pɨn Itimɨn ziam fɨva,
a bagh ighiaba bangam.
O God, kɨ uan navir averiamɨn nɨ mɨnabaghasa.
Kɨ nɨ amir ingangarir aghuir kaba bagh gumazamizibav kɨmasa.
O God, kɨ uan navir averiamɨn nɨ mɨnabaghasa.
Kɨ nɨ amir ingangarir aghuir kaba bagh gumazamizibav kɨmasa.
Kɨ nɨ gɨnɨghnɨgh nɨ bagh ongɨ
bar akuegham.
O Godɨn Bar Pɨn Itim, kɨ nɨ bagh ongɨ
egh ziar ekiam nɨ danɨngam.
Kɨ Ikiavɨra Itir Godɨn ziam fe.
Guizbangɨra, kɨ uabɨn akurvaghasa a ko mɨkemezɨ a na baraki.
Ikiavɨra Itir God uabɨ gavgavim isa na ganɨga,
nan oramɨn mɨn ikia na modi.
Ezɨ kɨ nɨghnɨzir gavgavim an iti.
A nan akurvagha na gamima,
kɨ uan navir averiamɨn, a bagha bar akuegha
onger akabagh amua a mɨnabi.
Gumazim a na mɨnabi, mati a na bagha ofa gamua nan ziam fe.
Gumazamizir nan akamɨn gɨn zuiba,
kɨ men akuragh ua me iniam."
Kɨ Godɨn akam fa, egha nɨghnɨzir gavgavim Godɨn ikia atiatir puvatɨ.
Gumazir kɨnitam, arazir manatamɨn na damuam? Puvatɨ.
O God, nɨrara nɨ gavgavim na ganɨga deragha nan gari.
Nɨrara nɨ nan danganir mogomemɨn mɨn ikia,
egha bar nan apangkufi.
Bizir kaba bagha,
kɨ ighiam bangɨ nɨn ziam fasa.
Nguazir kamɨn ikɨrɨmɨrim a dera,
ezɨ nɨn apangkuvir arazim a gafiragha bar moghɨra dera.
Kamaghɨn, kɨ nɨn ziam fe.
Kɨ angamɨra ikɨvɨra ikɨ,
nɨ mɨnabɨva nɨn ziam fɨvɨra ikiam.
Kɨ uan dafariba fegh ghuanabogh nɨ ko mɨkɨmam.
O God, e Saionɨn nguibamɨn mangɨ nɨn ziam fam.
Egh fomɨra nɨ ko akam akɨrizir bizir kabar amightɨ,
da guizbangɨrama otivigham.
Nɨ guizbangɨra en mɨgɨrɨgɨaba barasi.
Kamaghɨn, e gumazamiziba bar moghɨra nɨ bagh mangam.
E uan arazir kuraba bagh nɨ bagh mangam.
En arazir kurabar osɨmtɨziba e abɨrima e bar iraghue,
ezɨ nɨrara en arazir kuraba gɨn amadi.
Kɨ faragha uabɨn akurvaghasa an dia,
egha uaghan an ziam fasa onger akabagh ami.
God nan azangsɨzim batoghezir puvatɨ.
Egha uan apangkuvir arazim na dam a inizir puvatɨ.
Kamaghɨn amizɨ, kɨ an ziam fam.
Gumazamizir aghuiba, Godɨn damazimɨn
naviba deragh bar akuegh ikɨ mamaghɨra ikiam.
God ghuariabagh aperagha overiamɨn zui.
Ia an tuavim akɨr.
An ziam kara, Ikiavɨra Itir God.
E an damazimɨn bar akuegh,
ighiaba bangɨ ziar ekiam a danɨngam.
God uan Nguibamɨn ikia, borir ameboghfeziaba ariaghireziba deragha men gara,
paba ariaghirezir amiziba deragha men gari.
God ghuariabagh aperagha overiamɨn zui.
Ia an tuavim akɨr.
An ziam kara, Ikiavɨra Itir God.
E an damazimɨn bar akuegh,
ighiaba bangɨ ziar ekiam a danɨngam.
E Ekiamɨn ziam fam.
A dughiabar vaghvagha en akurvagha en osɨmtɨziba ateri.
God uabɨ en Akurvazir Gumazim.
(Ighiam gamua an suiam atugha avughsegha ua ighiam gami.)
O Ikiavɨra Itir God, gumazamizir ighiabagh amua nɨn ziam feba, me bar akongegh.
Nɨn angazangarim me gisirazɨ moghɨn, nɨ bar me gifuegha men boroghɨra iti.
O Ikiavɨra Itir God, nɨ zurara bar en apangkuvigha mamaghɨra ikia,
egha e ataghɨrazir puvatɨ.
Kamaghɨn amizɨ, e zurara nɨn ziamra fam.
E uari uan ziaba fan kogham.
Ia Kantrin Igharazibar Gumazamiziba bar,
Ikiavɨra Itir Godɨn ziam fɨ.
Ia ikɨziba bar,
an ziamɨn onger akabar amu.
Guizbangɨra, an apangkuvim e bagha zurara ekeveghavɨra iti.
Egha a zurara uan akamɨn gɨn ghua
e ataghɨrazir puvatɨ.
Aleluia!
E Ikiavɨra Itir Godɨn ziam fam!
Kɨ deragh bizir nɨ damuasa e mɨkemeziba bagh nɨghnɨghɨva,
bar uan navim sara nɨn ziam fam.
Guizbangɨra, nɨ nan mɨkarzimɨn ingarir dughiam,
nɨ nan amebamɨn navir averiamɨn aven bar nan ingarizɨ,
nan mɨkarzim bar moghɨra iti.
Nɨ nan mɨkarzimɨn ingari,
ezɨ nan mɨkarzim bar deragha igharagha gari.
Kamaghɨn kɨ nɨn ziam fe.
Bizir nɨ ingariziba, da bar dera,
ezɨ kɨ guizbangɨra uan navir averiamɨn aven bizir kabagh nɨghnɨgha dagh fo.
Ikiavɨra Itir God, nɨ dagɨar ekiamɨn mɨn itima
kɨ an aven modozɨ
nɨ deragha nan gari.
Kamaghɨn kɨ nɨn ziam fe.
A mɨdorozir arazibar nan aka.
E bar Ikiavɨra Itir Godɨn ziam feka!
Kɨ uan navir averiamɨn aven uabɨra uabɨ mɨgɨa ghaze,
kɨ Ikiavɨra Itir Godɨn ziam fam!
Nan dughiar kɨ nguazimɨn ikiamimɨn, kɨ an ziam fam.
Kɨ ighiaba bangɨ an ziam fɨ kamaghɨra ikɨ,
mangɨ uan ovevem batogham.
Ezɨ God, Krais ko porogha en faragha zuima, e an gɨn ghua kalabuziar gumazamizibar mɨn ghua bar akuegha mɨgɨa ghaze, Krais modorozim gafiragha apaniba dɨkabɨragha gɨfa! Ezɨ arazir kamɨn gumazamiziba bar God gɨfoghamin fofozim ini. A mati mughuriar aghuimɨn mɨn otozɨ, amɨnim a bɨrazɨ a tintinibar ghu. Bizir kam bagha kɨ God mɨnabi.
Dughiar God tɨghar nguazir kamɨn ingaramim, a kamaghɨn ifonge, e a baghvɨra itir gumazamizibar ikɨva, an damazimɨn arazir kuratam ikian kogham, egha a fomɨra e ginaba. Egha ghaze, e Krais ko poroghɨv ikɨ, egh tuavir kamɨn e an gumazamizibar mɨn otogham. A fomɨra bar e gifongegha e ginabagha ghaze, a Krais Iesusɨn ingangarimɨn tuavimɨn e damightɨ, e an boribar otivigham. God uan bar akongezir arazim ko uan ifongiamɨn gɨn ghua bizir kam gami. A ifongezir Otarimɨn ziamɨn, a bar pura bizir aghuimɨn mɨn uan apangkuvim isa e ganɨngi. Kamaghɨn e apangkuvir bar ekiar kam gɨnɨghnɨghɨva, Godɨn ziam fam.
Ezɨ kɨ bizir kam bagha Godɨn azangsɨgha ghaze, God bizir aghuir an Nguibamɨn otivi taba ia danɨng, eghtɨ an Duam gavgavim ia danɨngtɨ, ian navir averiaba gavgavigham.
Ezɨ God ia mɨsevegha gɨvazɨma ia an adarazir otifi. Egha ia atrivimɨn ofa gamir gumazamizibar mɨn otifi. Ia bar guizbangɨra Godɨn gumazamizibara, egha God baghavɨra iti. Egh ia Godɨn gumazamizibar ikɨva, an arazir aghuir a ia gamizibar gun mɨkɨmasa, ia mɨsefe. Ia faragha mɨtarmemɨn ikezɨ, a ian diagha uan angazangarir aghuimɨn ia atɨ.
Ezɨ God ia mɨsevegha gɨvazɨma ia an adarazir otifi. Egha ia atrivimɨn ofa gamir gumazamizibar mɨn otifi. Ia bar guizbangɨra Godɨn gumazamizibara, egha God baghavɨra iti. Egh ia Godɨn gumazamizibar ikɨva, an arazir aghuir a ia gamizibar gun mɨkɨmasa, ia mɨsefe. Ia faragha mɨtarmemɨn ikezɨ, a ian diagha uan angazangarir aghuimɨn ia atɨ.
Ia fomɨra pura gumazamizir kɨnibar mɨn iti,
egha datɨrɨghɨn ia Godɨn gumazamiziba.
Ia fomɨra Godɨn apangkuvim inizir puvatɨ,
egha ia datɨrɨghɨn an apangkuvim inigha gɨfa.
E Ikiavɨra Itir Godɨn ziam feka!
Kɨ an deima, a nan akurazɨma,
apaniba na gasɨghasɨghizir puvatɨ.
Kamaghɨn amizɨ, Ikiavɨra Itir God,
kɨ Kantrin Igharazibar Gumazamizibar tongɨn ikɨ nɨn ziam fɨ, onger akar nɨn ziam feba bangam.
Anarɨra, a ian God, kamaghɨn ia an ziam fɨ. Ia uari bizir ekiar igharagha garibar gari, a ian akurvaghasa dagh ami.
‘O Israelia, ia oragh. Ia mɨdorozim bagh datɨrɨghɨn mangam. Egh ia mangɨ apanibar ganɨva atiating aghariba ian amɨraghtɨ ia okam nɨghnɨgh puram akongan markɨ.
Ekiam fer akaba ko akar kuraba, aning vɨrara mɨzer vamɨram otifi. Nan adarasi, arazir kam a ikian kogham.
Ezɨ kɨ nɨ mɨgei, nɨ Pita. Egh dagɨar kam gisɨn kɨ uan siosɨn ingaram, eghtɨ Ovevemɨn Gavgavim an suiragh anepɨrighɨva a gasɨghasighan kogham.
Nɨ, Krais Iesusɨn mɨdorozir gumazir aghuir mamɨn mɨn, nɨ e ko osɨmtɨzim ateram.
Nɨ mɨdorozir gumazimɨn arazim gɨfo. Gumazitam a mɨdorozir ingangarim gami, a ingangarir igharazibagh amir pu. Bar puvatɨ. An garir gumazir ekiaba an ingangarim gifueghasa, a mɨdorozir ingangarir aghuimram ami.
Gumazir nɨghnɨzir gavgavim Kraisɨn itim, a mati gumazir deragha mɨsozimɨn mɨn, uan nɨghnɨzir gavgavimɨn aven tugha gavgafi. Kamaghɨn amizɨ kɨ nɨ mɨgei, nɨ uan nɨghnɨzir gavgavimɨn aven tugh gavgavighɨva, bar deragh mɨsogh. Fomɨra nɨ uan nɨghnɨzir gavgavir Kraisɨn itimɨn gun gumazamizir avɨribar damazimɨn mɨgeima me nɨ baraki. Dughiar kamɨn God ikɨrɨmɨrir aghuir mamaghɨra itim iniasa nɨn dia. Eghtɨ nɨ deragh mɨsoghɨva, ikɨrɨmɨrir kamɨn suigham.
Ia gumazamizir ghuriba,
ia, fomɨra ikia iza datɨrɨghɨn itir gumazir kam,
ia deravɨram a gɨfo.
Ezɨ kamaghɨn kɨ ia bagha akar kam osiri.
Ia gumazamizir igiaba,
ia tuivigha gavgavizɨ, Godɨn akam ian navir averiabar ikia gavgafi.
Egha ia gumazir kuram, Satan, an gavgavim gafira.
Ezɨ kamaghɨn kɨ ia bagha akar kam osiri.
Nan namakar aghuiba, kɨ faragha ingangarir God ua bar e inizir kamɨn, akɨnafarim osirigha ia mɨkɨmasa bar ifonge. Egha kɨ datɨrɨghɨn kamaghɨn nɨghnɨsi, kɨ akɨnafarir igharazim osiram. Ia uan nɨghnɨzir gavgaviba bagh bar gavgafigh. Egh ia Godɨn akar aghuimɨn apanibar akaba batogh. E Godɨn gumazamiziba, a nɨghnɨzir gavgavimɨn arazir vamɨram e ganɨngi. Eghtɨ gumazamiziba en nɨghnɨzir gavgavim batueghɨva, akar igiatam arɨghan kogham. Bar puvatɨ.
Dughiabar zurara, me Godɨn Dɨpenir avɨzimɨn uari akufi. Egha dɨpeniba roa vaghvagha dagh arua, uari isava apava, bar akongegha, men naviba bar dera. Egha me Godɨn ziam fema, gumazamizir igharaziba me bagha bar akonge. Ezɨ Ekiam dughiabar zurara gumazamiziba akurvaghavɨra iti. Kamaghɨn amizɨ, men dɨbobonim dughiabar ghuavanagavɨra iti.