6 Chila iyali mgima yamtunye IMNDEWA.

Mumtunye IMNDEWA!

1 Mumtunye IMNDEWA!

Mumtunye Imulungu hanu hake helile,

mumtunye mna lilanga lyake kulu.

2 Mumtunye kwaapfila katenda makulu,

mumtunye kwaajili ya utunitso wake mkulu.

3 Mumtunye kwa kumtowela malati,

mumtunye kwa ipfinubi na ipfing’weng’we.

4 Mumtunye kwa tsingoma na kwa ukubigha,

mumtunye kwa kutowa tsifilimbi na tsimalati.

5 Mumtunye kwa matoatsi igholila

mumtunye kwa matoatsi gha litsi likulu.

6 Chila iyali mgima yamtunye IMNDEWA.

Mumtunye IMNDEWA!

4 Mumtunye kwa tsingoma na kwa ukubigha,

mumtunye kwa kutowa tsifilimbi na tsimalati.

3 Mlitunye litaghwa lyake kwa ipfigoma

na mmwimbile kwa tsingoma na pfinubi.

1 Mumtunye IMNDEWA!

Mmwimbile IMNDEWA wila wa sambi,

mumtunye mna ghumtingano ghwa iwanu iwotogholeka.

3 Mlitunye litaghwa lyake kwa ipfigoma

na mmwimbile kwa tsingoma na pfinubi.

4 Kwaapfila IMNDEWA ko noghelwa na iwanu wake,

na kowapfatsa litaji lya ukombotsi awala iwehulumsa.

5 Leka iwanu iwotogholeka waudeng’elele utunitso,

hata wang’awa mlusatsi wawo wadeng’elele.

1 Mumtunye IMNDEWA!

Mumtunye IMNDEWA kulawa kulanga,

mumtunye ako kuna ipfidanando.

2 Mumtunye mwemwe wamalika wake wose,

mumtunye mwemwe maasikali wake wose.

3 Mumtunye mwemwe litsuwa na ghumwetsi,

mumtunye mwemwe tsinondo tsose itsimeletseka.

4 Mumtunye mwemwe lilanga lya kuchanya,

mumtunye ghamatsi ighali kulanga.

5 Pfose pfilitunye litaghwa lya IMNDEWA,

kwaapfila yeye tsakalaghitsa na pfose pfitendeka.

6 Yeye tsakapfika hanu hake matsuwa ghose ing’aghomala,

tsakalapfa malaghitso ing’aghoghaluka baye.

7 Mtunyeni IMNDEWA kulawa kuna tsiisi tsose,

mwemwe ghamatsoka gha ibahali na ghamatsi ghaghendese hasi, mumtunye.

8 Mumtunye mwemwe ghumoto, imvula ya ghamabwe na ibalafu,

na inyahemu ikinda ghamalaghitso ghake,

9 mumtunye mwemwe ipfidunda na ipfidunda pfidopfido,

Imibiki ya ghamatunda na imikataluba,

10 mumtunye mwemwe wanyama wa kwibagho na iwodimighwa,

wapfiumbe iwotambala na wapfideghe wose,

11 mtunyeni mwemwe wafalume na iwanu wa isi wose,

wapfilongotsi na wose iwotawala isi,

12 mumtunye mwemwe iwasongolo na iwali,

iwanzehe wose na iwana.

13 Wose walitunye litaghwa lya IMNDEWA,

kwaapfila taghwa lyake kulu kubita mataghwa ghose,

na utunitso wake mkulu kubita lilanga na isi.

15 Lelo kubitila Yesu tumlapfile Imulungu nambiko yo ukumtunya ghamatsuwa ghose, mbuli atso tsa utunitso, tsitso sadaka tsetu hala hatulonga Yesu ka Mtwatsa.

15 Lelo kubitila Yesu tumlapfile Imulungu nambiko yo ukumtunya ghamatsuwa ghose, mbuli atso tsa utunitso, tsitso sadaka tsetu hala hatulonga Yesu ka Mtwatsa.

1 Matsuwa ghose nene nitseghodela IMNDEWA,

imilomo yangu itsoghendelela ukumtunya yeye.

1 Matsuwa ghose nene nitseghodela IMNDEWA,

imilomo yangu itsoghendelela ukumtunya yeye.

1 Matsuwa ghose nene nitseghodela IMNDEWA,

imilomo yangu itsoghendelela ukumtunya yeye.

2 Ghumoyo ghwangu ghotsomdeng’elela IMNDEWA,

iwaonelighwe wahulike na wasekelele.

3 Mtunyeni IMNDEWA hamwe na nene,

Na tulitunye litaghwa lyake hamwe.

14 Lekeni nene nitsoghendelela ukukubeta ghweghwe,

na nitsakongetsa keli na keli ukukutunya ghweghwe.

6 Nikwaghamila ghweghwe tangia hanyoneke,

ghweghwe yuyo yunilapfile kulawa munda mwa mamo wangu,

nene nitsokutunya ghweghwe matsuwa ghose.

8 Ghumlomo ghwangu ghumema mbuli tsa kukutunya ghweghwe,

na nitsoutangatsa utunitso wako misi yose.

8 Ghumlomo ghwangu ghumema mbuli tsa kukutunya ghweghwe,

na nitsoutangatsa utunitso wako misi yose.

23 Imilomo yangu itsakwimba kwa kusekelela,

hanikwimba nikutunye ghweghwe,

nene ghendo ayula yunikombole.

3 Kulawa kwalilawila litsuwa mbaka kwalikuswela,

litaghwa lya IMNDEWA litunyighwe.

18 mlonge mighede mne chila chinu ichilawila, kwaapfila apfo pfipfo pfobama Imulungu kuna mwemwe mne ukwilunga kwenu na Kiristu Yesu.

23 Lekeni matsuwa ghakutsa, na sambi ghabaha, iwanu wa kweli iwoabudu watsomuabudu Baba kwa kulongotsighwa na Iloho na ukweli, kwaapfila iwanu ka awo wawo Baba wayobama wamuabudu.

24 Ambe Imulungu Loho, apfo iwanu wake iwomuabudu wobamighwa wamuabudu mna Iloho na ukweli."

1 Mtse tumwimbile IMNDEWA,

tumdeng’ele iyali libambalawe lya ukombotsi wetu.

2 Tughende hambele hake aku twolonga mighede,

na kumwimbila wila wa ukudeng’elela.

3 Kwa apfila IMNDEWA ka Imulungu mkulu,

na ka mfalume mkulu kubita imilungu yose.

4 Hanu haghendese ghendo hasi ha isi,

yeye kahakindilisa kwa ghamoko ghake,

na ipfidando pfose pfa ipfidunda pfake yeye.

5 Ibahali yake yeye, na yeye yuyo iyaiumbile,

na yeye yuyo iyaumbile isi isakale kwa ghamoko ghake.

6 Mtse tumwinamile, tumtambikile,

mtse tumtowele ghamagoti hambele ha IMNDEWA, Maumba wetu!

1 Mdeng’eleleni IMNDEWA kwa kukemelela,

mwemwe iwanu wa isi yose.

2 Mtambikileni IMNDEWA kwa kusekelela,

mtse hambele hake aku mwakwimba wila tsa ukudeng’elela.

2 Mtambikileni IMNDEWA kwa kusekelela,

mtse hambele hake aku mwakwimba wila tsa ukudeng’elela.

4 Mwingile mna ghamalango ghake aku mwolonga mighede

na mbite akuno mwodeng’elela mna ipfibwalu pfake,

mlonge mighede na mlitunye litaghwa lyake.

1 Mwimbileni IMNDEWA wila wa sambi,

mwimbileni IMNDEWA isi yose.

2 Mwimbileni IMNDEWA, mlitunye litaghwa lyake,

mtangatse ukombotsi wake chila haukucha.

3 Wapeteleni iwanu wa tsiisi utunitso wake,

na walongeleni iwanu wose ghamatendo ghake ighokangawatsa,

4 Kwaapfila IMNDEWA kamkulu na wa kutunyighwa ng’ani,

yeye kobamighwa yapfukighwe kubita imilungu yose.

5 Kwaapfila imilungu yose ya iwanu si chinu ghendo baye,

lekeni IMNDEWA yeye iyaumbile lilanga.

6 Ukulu na ukutunitso pfa hambele hake,

tsingupfu na ukunogha pfa mna ing’anda yake iyelile.

7 Mwing’eni IMNDEWA, iwanu wa tsikolo tsose,

mwing’eni IMNDEWA utunitso na tsingupfu.

8 Mwing’eni IMNDEWA utunitso wa litaghwa lyake,

mghale tsinambiko mwingile mna ipfibwalu pfake.

9 Mwinamileni IMNDEWA kwaapfila yeye kela,

mghudeme hambele hake mwe muwanu wa isi yose.

3 IMNDEWA yuyo imkulu iyobamighwa ukutunyighwa,

na ukulu wake ng’udaha kuulinga baye.

3 Lekeni ghweghwe kwela,

yukalila ichighoda cha ufalume,

na yutunyighwa na Waisiraeli.

22 Nitsopeta tsimbuli tsa litaghwa lyako kwa wandughu tsangu,

mghati mwa ghumtingano ghwawo nitsokutunya ghweghwe.

23 Mwemwe yamumpfuka IMNDEWA mtunyeni,

mwemwe iwatsukulu wa Yakobu wose mtunyeni,

mpfukeni mwemwe wose yamli watsukulu wa Isiraeli.

24 Ng’obetsa baye wala si mtalatsi baye mna ukughaya kwa imunu iyoghanzika,

Wala ng’ampfisile ichihanga chake baye,

lekeni hayamlilile yamwapfile kamwidika.

1 Mtunyeni IMNDEWA!

Mlole pfapfinoghile ukumtunya Imulungu wetu!

Kwaapfila yeye kanogha na kobamighwa yatunyighwe.

3 Mtunyeni IMNDEWA kwaapfila yeye konogha,

Mlimbile litaghwa lyake kwaapfila linogha.

1 IMNDEWA kotawala, ghwe isi deng’elela,

namwe ipfisiwa pfingi mdeng’elele.

12 Mdeng’eleni IMNDEWA, mwe muwanu yamna ihaki,

na mlonge mighede kwaapfila yeye kela.

16 Imbuli ya Kiristu imeme ghendo mghati mwenu. Mwilangulitse na mwikanye kwa inzewele yose, aku mwakwimba tsabuli na nyila tsa kumtunya Imulungu, akuno mwomwimbila Imulungu kwa kulonga mighede mne imimoyo yenu.

16 Imbuli ya Kiristu imeme ghendo mghati mwenu. Mwilangulitse na mwikanye kwa inzewele yose, aku mwakwimba tsabuli na nyila tsa kumtunya Imulungu, akuno mwomwimbila Imulungu kwa kulonga mighede mne imimoyo yenu.

19 Mwilongele kwa mbuli tsa Tsaburi na nyila tse chimuhe. Mwimbileni Imtwatsa, mdeng’eleleni mne mimoyo yenu. 20 Ghamatsuwa ghose mumlongele mighede Aba Imulungu kubitila taghwa lya Imtwatsa wetu Yesu Kiristu kwaajili ya chila chinu.

1 Mtoweleni ilukenze IMNDEWA,

mwemwe muwanu yamli na ihaki,

kwaapfila iwanu iwotenda ighanoghile wawo iwobamighwa kumtunya Imulungu.

2 Mtunyeni IMNDEWA kwa ukutowa ichinubi,

mwimbileni yeye kwa ukutowa lizeze lina tsinyutsi kumi.

3 Mwimbileni wila wa sambi sambi,

mtoweleni pfinoghile ichinubi na lizeze, kemeleleni hamdeng’elela,

8 Daudi na Waisiraeli wose wang’ali wopfina kwa ngupfu tsawo tsose hambele ha Imulungu. Tsawemba aku wotoa pfilimba, pfing’weng’we, pfimbeta, matowasi na malati ipfitendighwe kwa mbiki ghwa mvinje.

9 Mumdeng’elele,

mmwimbile wila tsa kumtogola Imulungu;

muwapetele iwanu ghamatendo ghake ighokangawatsa.

3 Kuya kanilangulitsa wila wa sambi umlomo mwangu,

wila wa ukumtunya Imulungu wetu,

wengi watsakona na ukupfuka,

nao watsehuwila IMNDEWA.

1 Pfinogha ghendo kulonga mighede kwa IMNDEWA,

na ukulimbila litaghwa lyako, ghweghwe Yuli Kuchanya Ng’ani,

1 Nitsowimbila uluso wako mkulu na nitsoimbila ihaki yako,

Ghwe IMNDEWA nitsokwimbila.

1 Nitsowimbila uluso wako mkulu na nitsoimbila ihaki yako,

Ghwe IMNDEWA nitsokwimbila.

25 Lekeni chilo chikulu Pauli na Sila tsawang’ali womlomba Imulungu na kumwimbila na ukumtunya, ne iwanu wangi iwohighwe wang’ali wowategheletsa.

25 Lekeni chilo chikulu Pauli na Sila tsawang’ali womlomba Imulungu na kumwimbila na ukumtunya, ne iwanu wangi iwohighwe wang’ali wowategheletsa.

21 Yehoshafati hayamalitse ukulonga na iwanu, kawasaghula iwanu walongole hambele ha waasikali wamwimbile IMNDEWA na wamtunye yeye kwaapfila pfayenzeluke na pfayanoghile. Tsawemba apfino,

"Mumlongele Imulungu mighede,

kwaapfila kotukunda matsuwa ghose."

22 Hawanduse ukwimba na ukumtunya, IMNDEWA kaghala iwaasikali wake wawatowa iwanu wa Amoni na wa Moabu na wa chidunda Seiri iwatsile kwitowa na Yuda tsiweghele, nawo watowighwa.

20 Kuya Ayubu kema wima, kadegha ghamagwanda ghake, kabeya tsimvili tsake kamwinamila Imulungu mbaka uhanga wake udonza hasi. 21 Baho kalonga, "Nene nyelekighwa kulawa munda mwa mai wangu nachidako, na nitsakuka nachidako, IMNDEWA kalapfa na IMNDEWA kasola, taghwa lyake linulighwe."

4 Mwimbileni IMNDEWA wila wa kumtunya,

mwemwe iwanu wake iwotogholeka,

mkumbuke apfila pfayelile na mlongeleni mighede.

5 Kwaapfila imaya yake yokala chidogho,

na uluso wake wokala matsuwa ghose,

chililo chodaha kukala chilo chose,

lekeni ukudeng’elela kwakutsa nemitondo.

11 Ghweghwe kukutenda ukulila kwangu kuwe kubigha,

kunitsula ligwanda lya ghunila kunipfatsa ukudeng’elela,

12 ili ghumoyo ghwangu ghukutunye ghweghwe,

na ghuleke kwinyamala,

Ghwe MNDEWA, Imulungu wangu,

nene nitsokulongela mighede matsuwa ghose.

11 Nighutsa nimwenyegho, hebali nitsinika apfino?

Heule nikwalangula apfino mmoyo?

Na nene nitsomlolela Imulungu, kwaapfila nitsomtunya yeye keli na keli,

iyali Imulungu wangu na iyonikombola.

10 Kuya kawalongela, "Mke na mkaje achila ichinonile na mnwe chilimta na mumgholele ayula iyalihela chinu, kwaapfila leloli tsuwa lienzeluke kwa IMNDEWA, na mleke kuwa na usungu, kwaapfila ukudeng’elela kwayoweng’ani IMNDEWA, koweng’ani mwemwe ingupfu."

1 Leka nene nimtunye IMNDEWA,

na apfila pfose ipfili mghati mwangu pfilitunye litaghwa lyake ilyelile.

1 Leka nene nimtunye IMNDEWA,

na apfila pfose ipfili mghati mwangu pfilitunye litaghwa lyake ilyelile.

2 Nene nimtunye IMNDEWA

wala nileke kuusemwa uluso wake wose,

1 Leka nene nimtunye IMNDEWA,

na apfila pfose ipfili mghati mwangu pfilitunye litaghwa lyake ilyelile.

2 Nene nimtunye IMNDEWA

wala nileke kuusemwa uluso wake wose,

3 yeye iyonileghusila ghamatotso ghangu ghose,

na iyonihonetsa ghamatamu ghose.

4 Yeye yuyo iyoukombola ugima wangu kulawa kuna likabuli,

na iyonipfatsa litaji lya uluso wake na libatsi,

2 Nene nimtunye IMNDEWA

wala nileke kuusemwa uluso wake wose,

8 Waleke wamlongele IMNDEWA mighede, kwa uluso wake mkulu,

na kwa ghamatendo ghake gha ukukangawatsa ghayawatendele iwanu.

9 Kwaapfila yeye kohotsa ilumelo luna ing’ilu,

na imunu yana inzala kommemetsa ighanoghile.

1 Mlongeleni IMNDEWA mighede, mlikeme litaghwa lyake,

muwapetele iwanu waghamanye ghamatendo ghake.

23 Nolonga mighede na kukutunya Imulungu wa iwahenga wangu, kungaya ihekima na ingupfu, kunitenda nimanye achila chatukulombile ghweghwe, kwaapfila kutulangusa imbuli aila ya mfalume."

12 walonga kwa kukemelela,

"Mwanang’olo iyachinjighwe kotogholighwa kubokela

ngupfu, mali, mbutsi, bapfu, heshima, utunitso na ukutogholighwa!"

13 Kuya nihulika chila chilumbe kulanga na muisi, hasi mwe iisi na mne ibahali; pfilumbe pfose ipfili mumo, nipfihulika pfolonga,

"Yeye iyokala mne chighoda che undewa na Mwanang’olo,

yatunyighwe, yaheshimighwe, yatunitsighwe na yawe na ngupfu ghamatsuwa ghose na ghamatsuwa ghose!"

7 Naye kalonga kwa kukemelela, "Mpfukeni Imulungu, mtunyeni yeye! Kwaapfila saa yake yo ukuhigha ipfika. Mtamanileni yeye iyalumbile kulanga na iisi, ibahali na mbwibwi tse ghamatsi."

5 Baho kulawila litsi hane chighoda che undewa, lilonga, "Mtunyeni Imulungu wetu, mwe iwatumwa wake wose, mwemwe imumpfuka, wadodo kwe iwakulu."

5 Baho kulawila litsi hane chighoda che undewa, lilonga, "Mtunyeni Imulungu wetu, mwe iwatumwa wake wose, mwemwe imumpfuka, wadodo kwe iwakulu."

11 Ka pfayandikighwe mne Ghamaandiko Maenzeluka,

Imtwatsa kolonga, "Nelaha kwa taghwa lyangu, ka pfanili mghima,

chila imunu katsonipfughamila ghamaghoti,

chila imunu katsotoghola ka nene na Imulungu,"

8 Kuya ndughu tsangu, mwalangule aghala ghose ighanoghile, aghala ighotogholighwa, aghala igholongesa, aghala ighotogholighwa ne Imulungu, aghala ighonoghelesa na aghala gha heshima.

11 Mtumikileni IMNDEWA kwa ukupfuka,

na mumdeng’elele kwa kughudema.

17 Nitsomlongela mighede IMNDEWA kwaapfila yeye kana ihaki,

Nitsakwimba nilitunye litaghwa lya IMNDEWA iyali kuchanya ng’ani.

1 Nitsomtunya IMNDEWA kwa ghumoyo ghwangu ghose,

nitsoghapeta matendo ghako ghose gha ukukangawatsa.

1 Nitsomtunya IMNDEWA kwa ghumoyo ghwangu ghose,

nitsoghapeta matendo ghako ghose gha ukukangawatsa.

2 Nitsosekelela na kukudeng’elela Ghweghwe,

nitsakwimba nilitunye litaghwa lyako,

ghweghwe yuli Kuchanya ng’ani.

6 Lelo yatunitsighwe IMNDEWA,

kwa apfila kahulika ichililo cha ukulomba kwangu.

7 IMNDEWA yuyo iyali tsingupfu tsangu, na ingao yangu,

ghumoyo ghwangu ghwehuwila yeye,

na nene nyapfilighwa,

ghumoyo ghwangu ghudeng’elela,

na nene nitsomwimbila wila wa mighede.

23 Ayula iyolapfa tsinambiko tsa mighede yuyo iyonitunya nene,

na ayula iyokala bila ukutenda ghehile, nene nitsomlangusa ukombotsi wa Imulungu.

4 Imulungu katsonyapfila nilitunye lilonga lyake,

nene nehuwila Imulungu, apfo sitsopfuka baye.

Angu munu yana ilukuli ilukufa yatsonitenda choni?

17 Ghwe yuli tsingupfu tsangu, nitsakwimba nikutunye.

mana ghweghwe kwaingome yangu, Imlungu wa uluso wangu.

3 Mana uluso wako unogha kubita ugima,

na nene nitsokutunya kwa imilomo yangu.

4 Apfo nitsokutunya ghweghwe mna ghamatsuwa ghanikala mgima,

nitsakwinula ghamoko ghangu nilombe kubitila litaghwa lyako.

1 Iwanu wokubeta ghweghwe wakutunye ako Sayuni,

kuna ghweghwe tsinatsili tsetu tutsotsilapfa.

2 Gweghwe yuhulika ukulomba,

iwanu wose watsokutsila ghweghwe.

3 Tsinzambi hatsiwile mtsigho mkulu kuna twetwe,

ghweghwe kutsileghusa tsinzambi atso.

17 Nimlilila yeye kwa ghumlomo ghwangu.

na ilulimi lwangu lung’ali lumtunya yeye hanimlilile.

20 Yatunyighwe Imulungu,

kwaapfila ng’alemile baye ukulomba kwangu,

wala ng’alekile baye kunitendela uluso.

3 Lekeni iwanu wana ihaki wadeng’elele,

na wasekelele hambele ha Imulungu,

walekeni wasekelele ghendo na watowe lukenze na milutsi.

4 Mwimbileni Imulungu, mlitunye litaghwa lyake,

mwinuleni yeye iyoghuluka mna ghamabingu,

litaghwa lyake kokemighwa IMNDEWA,

na mdeng’elele hambele hake.

5 Imulungu iyokala hanu hake helile,

yeye ka aba kwa awala iwalihela aba,

na imlamtsi wawo iwaghane.

4 Mwimbileni Imulungu, mlitunye litaghwa lyake,

mwinuleni yeye iyoghuluka mna ghamabingu,

litaghwa lyake kokemighwa IMNDEWA,

na mdeng’elele hambele hake.

19 Yatunyighwe IMNDEWA, Imulungu wa ukombotsi wetu

iyotudutila imitsigho yetu chila tsuwa.

15 Ghwe MNDEWA, wabweda iwanu awala iwadahile ukwimba na kutowa lukenze,

iwakwanga mna ghumwanga ighukwoneka haukala ghweghwe.

1 Si twetwe baye, Ghwe IMNDEWA, si twetwe baye,

lekeni litaghwa lyako liliyeka litunyighwe,

kwa ajili ya uluso wa lilaghano lyako na ukutogholeka kwako.

1 Mwemwe tsiisi tsose, mtunyeni IMNDEWA,

mwemwe muwanu wose mmwinule yeye.

2 Mana uluso wake kuna twetwe mkulu ng’ani,

na ukutogholeka kwa IMNDEWA kokala matsuwa ghose ing’aghohupa.

IMNDEWA yatunyighwe!

7 Nitsokutunya kwa ghumoyo ghunoghile,

ahala hanifunda nimwenyegho ghamalaghitso ghako ghana ihaki.

13 Ghweghwe kuniumba pfiungo pfangu pfa mghati,

na nibasa hamwe lida lya mai wangu.

14 Nitsolonga mighede kwaapfila niumbighwa kwa ukukangawatsa na kwa ukupfukighwa,

ghamatendo ghako ghokangawatsa,

na nene konimanya ghendo.

1 Yabalikighwe IMNDEWA, bambalawe lyangu,

iyolangulitsa ghamoko ghangu ukwitowa ng’ondo,

na iyolangulitsa ipfidole pfangu ukwitowa.

1 Mtunye IMNDEWA!

Leka nene nimtunye IMNDEWA!

2 Nitsomtunya IMNDEWA matsuwa ghose ghanikala mgima,

Nitsomwimbila Imulungu wangu matsuwa ghose ghanikala mgima.

14 Lekeni mighede kwe Imulungu iyotutenda tuhume ghamatsuwa ghose kubitila Kiristu, na kubitila twetwe itukwenetsa imbuli ye ukummanya Kiristu chila hanu hatumsang’anila ka nung’o inoghile.

5 ng’ana iisi ilumbighwe Imulungu tsakalamla na katusaghula tughwe wanaghe kubitila Yesu Kiristu. Apfo pfipfo pfayanoghelighwe na pfayabamile. 6 Lelo tumtunye Imulungu kwaajili ya uluso wake mkulu watwing’ile hela kubitila Imwanaghe iyamnoghele!

16 Nomlomba Imulungu kwa utunitso wake mkulu, kubitila Ghumuhe wake yamwing’eni ingupfu ye ukwima ghendo mna mimoyo yenu,

9 Lekeni mwemwe mwa iwanu imsaghulighwe, watambika wa Mndewa, kingili lye iwanu wahenzeluka, iwanu we Imulungu mwenyegho, iyamsaghulighwe kutsipeta sang’ano ng’ulu tse Imulungu iyawakemile kulawa mchisi mwingile mne ghumwanga ghwake ighukangawatsa.

9 Lekeni mwemwe mwa iwanu imsaghulighwe, watambika wa Mndewa, kingili lye iwanu wahenzeluka, iwanu we Imulungu mwenyegho, iyamsaghulighwe kutsipeta sang’ano ng’ulu tse Imulungu iyawakemile kulawa mchisi mwingile mne ghumwanga ghwake ighukangawatsa. 10 Ghumwande mwemwe ng’amkalile bae iwanu we Imulungu, lekeni sambi mwemwe mwa iwanu wake, ghamatsuwa agho ng’ambokele bae libatsi lyake, lekeni sambi mbokela libatsi lyake.

4 Nokukemelela ghweghwe IMNDEWA,

ghweghwe yutunyighwa.

Unikombole kulawa kwa maandui tsangu.

50 Apfo ghweghwe, ghwe IMNDEWA,

nitsokutunya kuna iwanu wa isi tsingi,

nitsakwimba nilitunye litaghwa lyako.

21 Yeye yuyo utunitso wenu, na yeye yuyo Imulungu wenu, iyawatendele pfinu pfikulu na pfakukangawatsa pfamonile kwa nenge tsenu wenyegho.

3 Naye yalonge, ‘Tegheletsani mwemwe muwamale wa Isiraeli, leloli mwoghenda kwitowa na iwowehilani, mleke kutenyuka ghomoyo, wala kuwapfuka, wala ukughudema, wala mleke kwingilighwa na wogha,

10 Mlomo wuwula wotunya na wolighita iwanu. Ndughu tsangu agha ghaleke kulawila!

18 Na nene nokulongela, ghweghwe kwa Libwe, na mchanya mwa libambalawe alino nitsolitsenga likanisa lyangu, na ghamalango gha kutsimu ng’aghatsodaha kulihinya baye.

3 Ududumile ghamaghayo hamwe na twetwe, ka asikali yanoghile wa Kiristu Yesu.

4 Asikali mne ing’ondo ng’otenda bae tsing’onde tsa ughima wa chila litsuwa, ila kotenda ng’onde tsa mng’ondo ili yamnoghelese mkulu wake.

12 Utowe pfinoghile ng’ondo ye inoghola, ukinde ughima wa ghamatsuwa ghose iukemelighwe ne Imulungu hala haulongile kutoghola hambele he iwakalangama wengi.

14 Nomwandikilani mwemwe iwana, kwaapfila mwommanya Aba. Nomwandikilani mwemwe tsina aba, kwaapfila mwommanya yeye iyali baho kulawa mwanduso. Nowandikilani mwemwe wabwanga, kwaapfila mna ngupfu, na imbuli ye Imulungu yokala mghati mwenu, na mumuhuma Yehile.

3 Sale tsangu, nitenda ka pfanidahile kumwandikileni mwemwe mbuli tsa ukombotsi watuhangila, tsambona ghoya kumwandikileni na kuwaghumani mimoyo kwaajili ya ukwamila ukutoghola kwaweng’ighwe iwanu we Imulungu mala lumwe kwa matsuwa ghose.

46 Waghendelela kwitingana mne ing’anda ye Imulungu chila litsuwa. Lekeni hawang’ali womegha chighate, tsawetingana mne tsing’anda tsawo na ukuja ichijo acho kwa ndeng’elo na ghumoyo mtselu. 47 Tsawamtunitsa Imulungu ne iwanu wose wanoghelesighwa nawo. Na chila litsuwa Imtwatsa yang’ali yowongetsela iwanu iwang’ali wokombolighwa.