Luz do mundo

Jisas makandigle yoba abuglageno moluwe dugwa

12 Ana Jisas aglke kor yoba magigl meglkwa i, yegl di togwa, Na makandigle yoba abuglageno moluwa. Yoba ta na duglo borabuka i, ye mim erumara wan moglkrabuka ba ye abuglage ta ye kor morabedi tenabuka sumara wan morabiwe dugwa.

Jisas makandigle yoba abuglageno moluwe dugwa

12 Ana Jisas aglke kor yoba magigl meglkwa i, yegl di togwa, Na makandigle yoba abuglageno moluwa. Yoba ta na duglo borabuka i, ye mim erumara wan moglkrabuka ba ye abuglage ta ye kor morabedi tenabuka sumara wan morabiwe dugwa.

4 Kor meglkwa mabuno i, ye mem moglkwa. Te, ye kor moglmara i, yoba abuglage si togwa. 5 Abuglage i, si mim erumara edugwa. Te, mim ere mogl, abuglage si goginagledi erukwa i, kuno erekrukwa.

5 Abuglage i, si mim erumara edugwa. Te, mim ere mogl, abuglage si goginagledi erukwa i, kuno erekrukwa.

5 Abuglage i, si mim erumara edugwa. Te, mim ere mogl, abuglage si goginagledi erukwa i, kuno erekrukwa.

5 Na makandigle wan moraglka igne, na makandigle yoba abuglageno mere yegl moluwe dugwa.

46 Na ede makadigle wiga i, abuglage mere yegl wiga. Yegl pre yoba ta na pre medrabuka i, mim mina ta pai moglkrabiwe dugwa.

19 God ye yoba tau ka tage tenagledi di padigl kodugwa i, i siragl pre na abuglage si tenagledi ede atne makandigle wiga ba yoba mim erumara moglsre, mabuno kide ere meglkwa pre ye na kide pre narsre, mim erukwa i wakai pre teigwa. 20 Yoba ira ta mabuno kide erikwa i, ye abuglage sugwa i kide pre tedre, ye mabuno kide erikwa i, yoba kan dinaiglmedi ede u abuglage sumara ukrimiwe dugwa. 21 Yegl erikwa ba yoba ta ka kaima duglo beglkwa i, ye ede abuglage sumara wime dugwa. I siragl pre ye prikwa i, mabuno wakai nogugl eun, yoba kandre, God no yobuglo noruko, erimiwedi, yoba yegl kanaiglmedi primiwe di, Jisas yegl dugwa.

Abuglage sumara wan moramga paugwa

5 Ye ka ta dugo, no erme ene di tomga i, God moglmara ibo, abuglage keme sugo, mim ye moglmara ka kaima ta paikrukwa.

Abuglage sumara wan moramga paugwa

5 Ye ka ta dugo, no erme ene di tomga i, God moglmara ibo, abuglage keme sugo, mim ye moglmara ka kaima ta paikrukwa. 6 Yegl pre nono God bogl si dakagl muniwe didre, mim erumara mogl, tadaglme ere mun, nono ka kibi didre, God kamo kaima pamere mere yegl ta erekunga. 7 Ba God ye abuglage mina moglmere yegl, nono ama abuglage sumara wan mun, God yobama bogl akie si dakagl moramga, te, ye Wam Jisas bormaimo i, nono tadaglmeno mudu koko ede norabuka.

7 Ba God ye abuglage mina moglmere yegl, nono ama abuglage sumara wan mun, God yobama bogl akie si dakagl moramga, te, ye Wam Jisas bormaimo i, nono tadaglmeno mudu koko ede norabuka.

7 Ba God ye abuglage mina moglmere yegl, nono ama abuglage sumara wan mun, God yobama bogl akie si dakagl moramga, te, ye Wam Jisas bormaimo i, nono tadaglmeno mudu koko ede norabuka.

17 Nono taragl wakai kane kane ta imga i, heven ibo yedre keme ede atne wigwa. Neno Kade, ye taragl kane kane kamin mitna ibo pai, abuglage sinaiglmedi ere yogwa yagle moglkwa i, ye taragl wakai keme norukwa. Nono kamga, ade ede wogwa igne, taragl kwiano ede olto sugunagle ogo, kamga. Ba God yegl ta moglkrukwa. Ye moglmere mogl pai moglsre, taragl wakai keme norukwa.

17 Nono taragl wakai kane kane ta imga i, heven ibo yedre keme ede atne wigwa. Neno Kade, ye taragl kane kane kamin mitna ibo pai, abuglage sinaiglmedi ere yogwa yagle moglkwa i, ye taragl wakai keme norukwa. Nono kamga, ade ede wogwa igne, taragl kwiano ede olto sugunagle ogo, kamga. Ba God yegl ta moglkrukwa. Ye moglmere mogl pai moglsre, taragl wakai keme norukwa.

14 Ene erme makandigle meglkwa i, ene abuglage mere yegl meglkwa. Taun ta muglo meglbi mina ibo ta yenan, taun i teke yeikran, yoba taun i kanaiglkwa keme paugwa. 15 Te, yoba lam ere gaglsre, degigl gagl mina atne edekrikwa ba lam beyemo mina padigl, nogugl yeigo, yoba mudu yugugl meglkwa i, abuglagemo kanigwa. 16 Kuno yegl mere ene mabuno wakai bogl, abuglage mere yegl meglbi, yoba pere kandre, ene Neno heven ibo moglkwa i, kagie kade tenaiglmiwe dugwa.

14 Ene erme makandigle meglkwa i, ene abuglage mere yegl meglkwa. Taun ta muglo meglbi mina ibo ta yenan, taun i teke yeikran, yoba taun i kanaiglkwa keme paugwa.

15 Te, yoba lam ere gaglsre, degigl gagl mina atne edekrikwa ba lam beyemo mina padigl, nogugl yeigo, yoba mudu yugugl meglkwa i, abuglagemo kanigwa. 16 Kuno yegl mere ene mabuno wakai bogl, abuglage mere yegl meglbi, yoba pere kandre, ene Neno heven ibo moglkwa i, kagie kade tenaiglmiwe dugwa.

16 Yoba i mim erumara atne meglkwa ba abuglage podo sugo, kanimiwa. Yoba i, geglkwa dumo mere yegl ta yomara atne moglsre, goraiglkwa magigl erukwa ba abuglage si, ye meglmara edumiwe*

di, Aisaia yegl boglkwa.

9 Ana yoba tau yegl mere yage sigwa ba ene meglkwa i, God ene ye yobanama moraiglmedi kere i pere edugo, ene ye yobama kaima meglkwa. Te, God ene kingno moglko, ene mogl pere edidre, ye tawa teigwa yoba mere yegl meglkwa. God ene yegl mere kere i pere edugwa i, ye siragl mere wakai moglkwa i, ene di nogugl edinaiglmedi pre ene kere i pere edugwa. I siragl pre God yene ere mogl, ene mim erumara kide kodidre, ede u ye abuglagemo, wakai kaima sumara i mina ede suna unaiglmedi agle dugwa.

9 Ana yoba tau yegl mere yage sigwa ba ene meglkwa i, God ene ye yobanama moraiglmedi kere i pere edugo, ene ye yobama kaima meglkwa. Te, God ene kingno moglko, ene mogl pere edidre, ye tawa teigwa yoba mere yegl meglkwa. God ene yegl mere kere i pere edugwa i, ye siragl mere wakai moglkwa i, ene di nogugl edinaiglmedi pre ene kere i pere edugwa. I siragl pre God yene ere mogl, ene mim erumara kide kodidre, ede u ye abuglagemo, wakai kaima sumara i mina ede suna unaiglmedi agle dugwa.

5 Ene pre mediglkwa yoba meglkwa i, abuglage sumara moglsre, ermine wan meglkwa mere yegl paugwa. Nono mim erumara moglsre, eduer wan munga yoba ta moglkrumga pre

4 I siragl pre Satan moglkwa i, ye makandigle yoba godno mere yegl moglkwa pre yoba pre mediglkrikwa i, pre medigl dinaiglmedi nomano si gigle di togo, gumuglno kin yogwa mere yegl paugwa. Krais kamo wakai i, ye meglmara abuglage mere yegl sinan, Krais siragl mere wakai yene mogl, God moglmere kuno kaima moglkwa i, ye kan dinaiglmedi gumuglno si kegl di togwa. Gumuglno si kegl di tomara swara i pre ye Krais kamo pre pogl sikrikwa.

5 No yoba ka di tomga i, no nono kano ta dikrumga. Nono Yaglno Kade Krais Jisas kamo swara i, yoba di tomga. Te, no nono pre ka swara ta dumga i, no Jisas kogonmo erumga i pre no ene yoba niglno kogono yoba keme muniwe di, yegl dumga. 6 God ye yene okna ibo mim erumara Abuglage sinabiwe* dugo, sugwa. Te, erme we, no deno muduno mina ama abuglage si norukwa. Abuglage i, God abuglagemo Jisas mina kau sugwa i, pre pogl sinaiglmedi deno muduno mina abuglage si norukwa.

6 God ye yene okna ibo mim erumara Abuglage sinabiwe* dugo, sugwa. Te, erme we, no deno muduno mina ama abuglage si norukwa. Abuglage i, God abuglagemo Jisas mina kau sugwa i, pre pogl sinaiglmedi deno muduno mina abuglage si norukwa.

Nono God yugumo mere yegl munga

14 Ana ene yoba ta pre mediglkrikwa i bogl tap sidre, akie si dakagl moglkrio. I siragl pre mabuno du ya mabuno kide u swara enabrika i, kuno ta erekrukwa. Te, abuglage ya mim ama si dakagl moglkrabrika.

18 Te, na ama ene pre kamage ere moglka i, God ene nomano mina pre pogl sinaiglmedi eran, ye taragl wakai kaima nono noragledi agle didre, te nono ye yobama munga pre nono taragl kane kane inaiglmedi di padigl kodugwa i, ene pre pogl sinaiglkwa pre na kamage ere moglka.

47 Yoba yugobuno pere pere God kamo di tenabuglka i, kuno erume dibrika. I siragl pre God ye kamo mina no yegl di norume dibrika,

Na ene abuglage si, yoba meda, yugobuno pere meglmara i tenatnedi dedidre, Na yoba ere inaglka ka i, ene i pi yoba mudu uglo koglo koglo di tenatnedi dediwe*

di, God ka dugwa i, no ama pre dumiwe di, Pol ya Barnabas yegl dibrika.

47 Yoba yugobuno pere pere God kamo di tenabuglka i, kuno erume dibrika. I siragl pre God ye kamo mina no yegl di norume dibrika,

Na ene abuglage si, yoba meda, yugobuno pere meglmara i tenatnedi dedidre, Na yoba ere inaglka ka i, ene i pi yoba mudu uglo koglo koglo di tenatnedi dediwe*

di, God ka dugwa i, no ama pre dumiwe di, Pol ya Barnabas yegl dibrika.

22 Ye yegl erikwa ba God ye na di narumere ere, okna ede u erme ugwa i pra na ake ple di naruko, na erme adigl moglsre, yoba kade meglkwa ya yoba yoko meglkwa i pra Jisas kamo di teiwe dugwa. Na yoba ka di teiga i, God ka kep yobama ya te Moses ama taragl tau plau dinabe dimere kuno yegl keme di teiga. 23 Ye okna digwa i, God Kere Yugwa Yagl ye komono kana giugl prisre, gogl, adigl u kor enan, okuo yoba goraiglkwa ama adigl u kor enaiglmiwe di, yegl digwa. Ka kep yoba i okna ka yegl didre, ama yegl digwa, God Kere Yugwa Yagl unan, ye God kamo, ken abuglage mere yogwa i, Juda yoba di tedre, yoba yugobuno pere pere meglkwa i ama di tenabiwe di, ka kep yoba okna yegl digwa. Ka kep yoba okna dimere kuno yegl na ama yoba di te wan moluwe dugwa.

3 Ana God ere mogl, Abuglage sinabiwe dugo, abuglage sugwa.

23 Te, dumo i ama ade mo ba abuglage sinabrika i ta paikrukwa. I siragl pre God abuglagemo dumo i abuglage si togo, te sipsip nagigle i, dumo i ken lamo mere yegl moglkwa.

5 Igne i, eduer ta yeikran, ermine keme yenabuka. Te, ken lam mo ade ta abuglage sinabuka i, ta paikrabuka. I siragl pre Yagl Kade God yene abuglage si tenabuka. Te, ye niglmo kogonmo yoba i, God bogl aimadi kamin taragl mudu ere yogwa i, bitno mogl, sugl moraiglkwa.

Yoba ken gaglsre, degigl gagl mina atne yeikraiglkwa

16 Ana Jisas ka ta ama yegl dugwa, Yoba ken gagl yu bogl atne yeimo? dugwa. Mo, ken gagl yu yei, sin ta yu ken bolamugl yei, si bi dimo? dugwa. Yegl ta erekraiglkwa. Yoba ede yugugl unaiglkwa i, abuglage sinan, kanaiglmedi pre bogl mina yenaiglkwa.

34 Ana ene gumuglno paugwa i, ken lam mere yegl padre, ene ogono nagino mudu abuglage si tenabuka paugwa. Ene gumuglno wakai panan, ene ogono nagino mudu panabuka i, abuglage sinabuka. Ba ene gumuglno kide eran, ene ogono nagino mudu mim erabuka.

3 Ene ka siragl mere teke atne digwa i, yoba mudu praiglkwa. Te, ene yugugl mogl, yoba ka nunu ta di tenga i, nogugl kaima poran, yoba praiglmiwe di, Jisas yegl dugwa.