Mãe

13 एउटी आमाले आफ्नो बालकलाई सान्त्वना दिएझैँ,

म तिमीहरूलाई सान्त्वना दिनेछु;

अनि तिमीहरूले यरूशलेममा नै सान्त्वना पाउनेछौ।"

3 छोराछोरीहरू याहवेहले दिनुभएका उत्तराधिकार हुन्;

गर्भका फलहरू उहाँले दिनुभएका उपहार हुन्।

1 याहवेहको भय मान्‍नेहरू

र उहाँमा आज्ञाकारी भएर हिँड्नेहरू सबै धन्यका हुन्।

2 तिमीले आफ्ना परिश्रमको कमाइ खानेछौ;

भलाइ र समृद्धि तिम्रा हुनेछन्।

4 प्रेम धैर्य हुन्छ, प्रेम दयालु हुन्छ। प्रेमले डाह गर्दैन, प्रेमले सेखी गर्दैन, प्रेमले घमण्ड गर्दैन। 5 प्रेमले अरूलाई अनादर गर्दैन, प्रेम स्वार्थी हुँदैन, प्रेमले चाँडै रिस गर्दैन, प्रेमले खराबीको हिसाब राख्दैन। 6 प्रेम दुष्‍टतामा खुशी हुँदैन, तर सत्यतासँग रमाउँछ। 7 प्रेमले सधैँ रक्षा गर्छ, सधैँ भरोसा गर्छ, सधैँ आशा राख्छ र सधैँ स्थिर रहन्छ।

पापी मानिसका निमन्त्रणा विरुद्ध चेतावनी

8 हे मेरा छोराछोरी,* आफ्ना बुबाको शिक्षा सुन

र आफ्नी आमाको शिक्षालाई नत्याग।

9 ती तिम्रा शिरका निम्ति शोभायमान मुकुट

र तिम्रा गलामा सम्मानको हार हुन्।

6 बालकलाई ठिक बाटोमा हिँड्ने तालिम देऊ;

र त्यो वृद्ध भएपछि पनि त्यसबाट तर्केर जानेछैन।

24 आफ्ना छोराछोरीलाई छडी नलाउनेले तिनीहरूलाई घृणा गर्छ,

तर तिनीहरूलाई प्रेम गर्नेले त तिनीहरूलाई अनुशासनमा राख्दछ।

20 बुद्धिमान् छोराछोरीले आफ्नो बुबालाई हर्षित तुल्याउँछ,

तर मूर्ख मानिसले आफ्नी आमालाई तुच्छ ठान्छ।

9 केवल होशियार बस, र आफूलाई नियालेर हेर; ताकि तिमीहरू बाँचुन्जेल तिमीहरूका आँखाले देखेका कुराहरू नबिर्सिऊन् अथवा ती तिमीहरूका हृदयबाट हराएर नजाऊन्। ती आफ्ना छोराछोरीहरू र नातिनातिनाहरूलाई सिकाओ।

12 तैँले आफ्ना बुबा र आफ्नी आमालाई आदर गर्नू, ताकि याहवेह तेरा परमेश्‍वरले तँलाई दिनुहुने देशमा तेरो आयु लामो होस्।

1 हे छोराछोरीहरू हो, प्रभुमा आफ्ना आमाबुबाको आज्ञापालन गर; किनकि यो उचित छ। 2 "आफ्ना बुबा र आमाको आदर गर।" यो प्रतिज्ञासहितको पहिलो आज्ञा हो, 3 "ताकि तिमीहरूको भलो होस् र पृथ्वीमा तिमीहरू दीर्घायु भएर बाँच्न सक।"*

10 * पदहरू एकरोस्टिक कविता हुन्, जसका पदहरू हिब्रू वर्णमालाका क्रमिक अक्षरहरूबाट सुरु हुन्छ। असल चरित्र भएकी पत्नी कसले पाउन सक्छ?

तिनी त माणिकहरूभन्दा बहुमूल्यकी हुन्छिन्।

25 तिनी सामर्थ्य र सम्मानले सुशोभित हुन्छिन्;

भविष्यको निम्ति तिनी मुस्कुराउन सक्छिन्।

26 तिनी बुद्धिसित बोल्छिन्;

अनि तिनको जिब्रोमा विश्‍वासयोग्य अर्ती पाइन्छ।

27 तिनले आफ्नो घरानाको कामधन्धाको हेरविचार गर्छिन्,

र आलस्यपनको रोटी खाँदिनन्।

28 तिनका छोराछोरीले उठेर तिनलाई धन्यकी भन्छन्,

तिनका पतिले पनि यस्तो भन्दै तिनको प्रशंसा गर्छन्:

29 "धेरै स्त्रीहरूले असल काम गर्छन्;

तर तिनीहरू सबैलाई तिमीले जितेकी छौ।"

30 सौन्दर्य भ्रमात्मक हुन्छ, र सुन्दरता उडिजाने हुन्छ;

तर याहवेहको डर मान्‍ने स्त्रीको नै प्रशंसा हुनुपर्छ।