Mal

13 Jin tsoron Ubangiji shi ne ƙin mugunta;

ina ƙin girman kai da fariya,

halin mugunta da kuma muguwar magana.

10 Bari masu ƙaunar Ubangiji su ƙi mugunta,

gama yana tsaron rayukan amintattunsa

yana kuma kuɓutar da su daga hannun mugaye.

14 Juyo daga mugunta ku yi alheri;

nemi salama ku kuma yi ƙoƙarin samunta.

133 Ka bi da sawuna bisa ga maganarka;

kada ka bar zunubi yă mallake ni.

16 Ku yi wanka ku kuma tsabtacce kanku.

Ku kawar da mugayen ayyukanku daga gabana;

Ku daina aikata mugunta.

7 Kada ka zama mai hikima a ganinka;

ka ji tsoron Ubangiji ka kuma guji mugunta.

8 Wannan zai ba wa jikinka lafiya

yă kuma adana ƙasusuwanka.

21 Kada ku bar mugunta ta sha kanku, sai dai ku sha kan mugunta ta wurin aikata nagarta.

Ƙauna

9 Dole ƙauna tă zama ta gaskiya. Ku ƙi duk abin da yake mugu; ku manne wa abin da yake nagari.

17 Ina roƙonku, ’yan’uwa, ku yi hankali fa da masu raba tsakani, saɓanin koyarwar da kuka koya, suna sa tuntuɓe. Ku yi nesa da su.

5 Hasken yana haskakawa cikin duhu, amma duhun bai rinjaye shi ba.

15 Ku tabbata cewa kada kowa yă rama mugunta da mugunta, sai dai kullum ku yi ƙoƙarin yin wa juna alheri da kuma dukan mutane.

21 amma ku gwada kome, ku riƙe abin da yake mai kyau, 22 ku ƙi kowace mugunta.

13 Kada ka bari a kai mu cikin jarraba,

amma ka cece mu daga mugun nan. * ’

15 Ba addu’ata ba ce ka ɗauke su daga duniya ba, sai dai ka kāre su daga mugun nan.

7 Ubangiji zai kiyaye ka daga dukan masifa,

zai tsare ranka;

8 Ubangiji zai kiyaye shigarka da fitarka

yanzu da har abada kuma.

18 Ubangiji zai cece ni daga kowane mugun hari yă kuma kai ni mulkinsa na sama lafiya. A gare shi ɗaukaka ta tabbata har abada abadin. Amin.

11 Ku yafa dukan kayan yaƙin da Allah yake bayarwa, don ku iya kāre kanku daga dabarun Shaiɗan.

12 Gama ba da mutane da suke nama da jini ne muke yaƙi ba. Muna yaƙi ne da ikoki, da hukumomi, da masu mulkin duhu, da kuma a ikokin da suke cikin a sararin sama.

26 "Cikin fushinku kada ku yi zunubi."* Kada ku bar rana ta fāɗi kuna fushi, 27 kada kuma ku ba wa Iblis dama.

20 Kun yi niyya ku yi mini lahani, amma Allah ya nufe wannan ya zama alheri don yă cika abin da yanzu yake faruwa, ceton rayuka masu yawa.

21 Saboda haka, ku rabu da ƙazamin hali da kuma kowace irin mugunta ku kuma yi na’am da maganar da aka shuka a cikinku da tawali’u, wadda za tă iya cetonku.

9 In muka furta zunubanmu, shi mai aminci ne, mai adalci kuma, zai gafarta mana zunubanmu, yă kuma tsarkake mu daga dukan rashin adalci.

20 Ya ci gaba, "Abin da yake fitowa daga mutum ne yake ƙazantar da shi. 21 Gama daga ciki, daga zuciyar mutane, mugayen tunani suke fitowa, fasikanci, sata, kisankai, zina, 22 kwaɗayi, ƙeta, ruɗu, ƙazantaccen sha’awa, kishi, ɓata suna, girman kai da kuma wauta. 23 Duk waɗannan mugayen abubuwa daga cikin suke fitowa, suna kuma ƙazantar da mutum."

12 Ƙiyayya kan haddasa wahala,

amma ƙauna kan rufe dukan laifofi.

9 "Ga abin da Ubangiji Maɗaukaki ya ce, ‘Ku yi shari’ar gaskiya; ku nuna jinƙai da tausayi ga juna. 10 Kada ku danne gwauruwa ko maraya, baƙo ko talaka. A cikin zuciyarku kada ku yi mugun tunani game da juna.’