Mal

13 Med’inaa Godaw yayyiyaawe iitatetsaa is’s’iyaawaa; taani otoruwaanne ayyuwaa is’s’ay; iitasaa afiyaa ogiyaanne wordduwaa haasayaa dosikke.

10 Med’inaa Godaa siik’iyaawanttu iitaa is’s’ite.

I barew amanetiyaa asatuwaa shemppuwaa naagee;

k’ay unttuntta iitatuwaa kushiyaappe ashshee.

14 Iitaappe shaaketta; lo"obaa ootsa;

sarotetsaa loytsa koyaadde kaala.

133 Neeni geedda k’aalaadan

ta hemetaa suurissa;

ay nagaraynne taana mooddoppo.

16 Meec’ettite; geeyite; hintte iita oosuwaa ta sintsaappe diggite. Iitaa ootsiyaawaa aggite;

7 Neena ne huup’iyaan aad’d’eeda eranchcha kessoppa; Med’inaa Godaw yayya; iitaappekka haakka.✝ 8 Hewe ne bollaa pas’a wotsana; ne mek’etsaakka minisana.

21 Iitabaa lo"obaan s’oonappe attin, iitabay neena s’oonoppo.

9 Hinttenttu siik’uu asaa bessanaw siik’ettiyaawaa gidanaw bessena. Iitabaa is’s’ite; lo"obaa minisiide oyk’k’ite.

Wurssetsaa Zoriyaa

17 Taanaadan ammaniyaawanttoo, asaa giddon shaakotetsaa med’d’iyaawantta, asaa ammanoo d’ubo gidiyaawanttanne hintte tamaareedda timirttiyaanna gakettennawaa tamaarissiyaawantta akeekanaadan, taani hinttentta woossay. Unttunttukko shiik’oppite.

5 Poo’uu d’umaan poo’ee; d’umay poo’uwaa s’oonibeenna.

15 Ooninne iitaa diraw iitaa zaarenna mala naagettite; shin ubbaa wode, ittuu ittoonne k’ay asaa ubbaw lo"obaa ootsanaw minnite.

21 Ubbabaakka paac’c’ite. Lo"obaa oyk’k’ite. 22 Iita oosuwaa ubbaappe haakkite.

13 Nuuna iitabaappe ashshappe attin,

paac’iyaan gelissoppa.

Kawutetsay, wolk’k’aynne bonchchuu

med’inawukka neessa.

Amen"i.›

15 Neeni s’alahiyaappe unttuntta naagana mala woossiyaawaappe attin, alamiyaappe kessana mala woossikke.

7 Med’inaa Goday k’ohiyaawaa ubbaappe neena naagana;

I ne shemppuwaa naagana.

8 Med’inaa Goday ne buussaa, ne yuussaa,

hachcheppe med’inaa gakkanaw naagana.

18 Goday taana iitabaa ubbaappe ashshiide, bare saluwaa kawutetsaa sarotetsaan afana; aw med’i med’inaw bonchchuu gido. Amen"i.

11 S’alahiyaa iita c’imuwaa te"anaw hintte danddayana mala, S’oossay hinttenttoo immiyaa ollaa mayuwaa ubbaa mayyite.

12 Ayaw gooppe, nuuni bolla saluwaa de’iyaa iita ayaana wolk’k’atuwaanna, mooddiyaawanttunna, godatetsay de’iyaawanttunnanne ha d’uma biittaa mooddiyaawanttunna olettiyaawaappe attin, asaana olettokko.

26 Hank’k’ettite; shin hintte hank’k’uwaan nagaraa ootsoppite. Hintte hank’k’uwaan de’ishshin, away wulloppo.✝ 27 S’alahew s’oo’iyaa immoppite.

20 Hinttenttu taw iitanaw ootseeddita; shin hachchewaadan daro Asay hayk’k’ennan attana mala, S’oossay lo"otetsaw hawaa ootseedda.

21 Hewaa diraw, tuna hanotaa ubbaanne iitatetsaa ubbaa hintteppe d’ayissiide, S’oossay hintte wozanaan tookkeedda hintte shemppuwaa ashshanaw danddayiyaa k’aalaa ashikketetsan akkite.

9 Shin nuuni S’oossaw nu nagaraa paas’ooppe, I nu nagaraa atto gaanawunne nu bayizzo oosuwaa ubbaappe nuuna geeshshanaw, ammanettiyaawaanne tumuwaa ootsiyaawaa.

20 K’aykka Yesuusi hawaadan yaageedda; «Asaa tunissiyaabay asaa wozanaa giddoppe kesiyaabaa. 21 Ayaw gooppe, asaa wozanaa giddoppe kesiyaawe iita k’ofaa; woshummiyaawaa; wuu"iyaawaa; wod’iyaawaa; c’aaratetsaa; 22 yoratetsaa; uuziyaa woy barena dosiyaawaa; iitatetsaa woy c’immiyaawaa; geniyaa; mac’c’awaa amottiyaawaa; k’anaatiyaawaa; boriyaawaa woy zigiriyaawaa; ayyuwaa; eeyatetsaa. 23 Ha iitabay ubbay asaa wozanaa giddoppe kesiide, asaa tunissee» yaageedda.

12 Is’uu palumiyaa dentsetsee; shin siik’uu bayzzuwaa ubbaa paydenna.✝

9 «Ubbaappe Wolk’k’aama Med’inaa Goday kase hawaadan yaageedda; ‹Tumu pirddaa pirddite. Hintte giddon ittuu ittoo keekatetsaanne maarotetsaa ootsite. 10 Am"etuwaa, aata aawuu bayinna naanatuwaa, betetuwaanne hiyyeesatuwaa naak’k’oppite. K’ay hintteppe ooninne bare ishaa bollan iitabaa ootsanaw bare wozanaan k’oppoppo› yaageedda» yaagiid yeedda.