Mal

21 Ena gena, upa lo niamote la o dorou inisitura, duma bilasu ngini niafanggali de o loha la o dorou gena niatura.

9 O dodara ma manara moi-moi niaaka o nyawaka gena bilasu ngini niadodara de nia sininga igogou. Komagena ngini bilasu o kia naga ḋatotorou nioduhudu de o kia naga ḋaloloha gena niacoho ḋaputuru.

O Paulus awi beseso ma dodogu

17 Ai dodiao nipipiricaya, ngohi tinigolo nginika tanu ngini nimasitiari. Upa sidago o nyawa gena ngini inisigaro so ngini nimatekekitingaka, de asa inidoto de manga dodoto gena imaterowa de ma Kristus Awi dodoto, imatero maro o kia ngini nimadodotoka. Ona magenano bilasu ngini nimasirese ḋaloha.

5 De o nita ma duhutu magena o bubutu ma rabaka isiwaka,

de o bubutu gena akuwa o nita magena yakoora eko o bubutu gena o nita yanakowa.

15 De komagena ngini nimajaga la ngaroko o nyawa ma somoa o dorou moi yaaka nginika, upa sidago ngini lo o dorou moili niaaka onaka. Duma o orasi isigeto-geto to ngini nia edekati bilasu ka o loha niaaka moi de moika komagena lo niaaka o nyawa yangoduka.

21 Duma o bi demo moi-moi ḋangodu magena bilasu ngini niatailako ḋaloha, la nakoso o Gikimoino gena aku nisigise ḋaputuru, 22 de komagena lo nimasirese o bi dorou moi-moi ma gia ma sohano.

13 Upa nosimaha la o dorou imibaja ngomika,

duma nomisirese o dorou ma kuasano.

((Sababu Ngona nokolano nokuasa

de lo nomulia ka sidutu ikakali. Amin.))>

15 Ngohi togolowa ona o dunia ma rabano Ngona nangoso de nasisupu. Duma togolo tanu ona magena Ngona najaga, ma ngale upa lo o Iblis gena ona wasitura.

18 Mutuwade ngohi aku Una towipiricaya asa woisisalamati o nyawa moi-moi manga edekati ḋatotorou ma rabano de woingaho o sorogaye, kiaka Una kagena wopareta. Hino la ngone o Gikimoi Awi ronga posilamo de ma bati lo ihiwa! Amin.

11 O kudoti ma bi dahe moi-moi, kekiaka o Gikimoi wosidodailakoka, gena ḋangodu-ngodu hika ngini niacoho la ma ngale o Iblis awi sihaga moi-moi gena akuwa niamote.

12 Sababu ngone nanga kudoti ma rabaka gena o nyawa pasiholuwa. Duma ngone posiholu o kuasa moi-moi ḋatotorou de ipopareta o ngawa-ngawaka gena o bi kuasa ma jako ḋangodu, koloko o toka, de o gurumi ḋatotorou, de lo o kia bato o Gikimoi wihoholu.

26 Nakoso o nyawa niadoosaka, upa sidago nia doosa gena o dorouku inisitura. Nia doosa gena upa niadiahi ma bati o wange itumu, 27 la ma ngale o Iblis gena o orasi ma cunu lo upa niwihike la ngini winibaja.

21 Komagena so o dorou moi-moi ḋangodu la kanaga nia sininga ma rabaka ioho gena, bilasu niaumo, maro o dumule la nia doroka ioho de magena bilasu niatumule. De o Gikimoi Awi demo la nia sininga ma rabaka wosingosaka, magena maro o gisisi o doroka podato. So Awi demo magena upa niaholu to ngini nia sininga ma rabaka, duma hika de nia sininga ḋamuuḋu niodupa nisigise ḋaloha. Sababu de o Gikimoi Awi demo ma buturu gena aku o dorouno ngone inasalamati de pamake o oho ka sidutu ikakali.

9 Duma nakoso ma ngale ngone la nanga dorou magena igogou de pomamangaku Unaka, de Una asa wonasiapongu de nanga dorou ma rabano wonasisupu so ngone nanga sala lo ihiwaka. Sababu o Gikimoi Una o moi-moi o kia itotiai gena igogou waaka, so Awi jaji ngoneka lo bilasu waaka.

20 So kagena de Una wotemo kali, <<O kia bato nanga rabano isusupu magena inasitorou o Gikimoi Awi simaka. 21 Sababu o nyawa manga rabano, ena gena, manga siningano asa o bi dorou moi-moi ibao so manga manara o nyafusu ma dorou iaaaka, itotosi, itotooma, 22 isusundali, yatotesere, de lo o dorou moi-moi iaaka, yatotodamato, de manga adati ihiwa, yatotodoosa, o ronga ma dorou iaaka, imacaralamo de isusa padoto sababu manga sahe ḋatogoi. 23 O bi dorou ḋangodu kiaka ibabao to ona manga sininga ma rabano, magena idadi o nyawa ona magena yasitorou o Gikimoi Awi simaka.>>