Mal

13 Ɠɔoɠɔ GALAGI ɠaazuluabai ɠa é ga, è zili ga faa ɲɔi.

Niiti gè ti wɔinzeɠezu, ta ga,

gaazulɛɛi, wasogi, faa ɲɔu ʋelei, ta zɛɛ wo daaʋɛ.

10 Wɔiti Ɠɔoɠɔ GALAGI nɛai wo ʋɛ, à faa ɲɔi wɔinzeɠe!

Toɠa naati zɛnvui makɛsu, niiti ti ga wooɠɛɠila nuiti bɛ,

toɠa ti unmɔɔ, é ti ɠula faa ɲɔu ɠɛ nuiti zea.

14 È-nɛgi makɛ, é mina faa ɲɔu ɠɛ,

è-lakɔlɔgiti ti mina yaava ɓɔɛ wo.

133 Sɛ̀bɛlɔ, eɠɛʋelei ɗa-minazeɠegi la,

mina va bu, faa ɲɔu nɔpɛ ge ʋa zobo sɔlɔɔ mà.

16 À maagba, wo ɲade,

à wa-ɠɛɛwoti ɲɔiti seɠe gàazu,

à looɠo faa ɲɔu ɠɛɛ vai ʋa.

7 Mina ɓɔɠɔ zeɠe ga ɠima nu,

lua Ɠɔoɠɔ GALAGI ʋa, è maaɠooza faa ɲɔi ʋa.

8 Toɠa ɠɛ ga kɛdɛyai è-ɓusɛi ʋɛ,

ta è-ɠaeiti niinɛ vai.

21 Mina va bu faa ɲɔi ʋa zobo sɔlɔɔ è ma, kɛni tɔun è ɠɛ ga zobo sɔlɔɔ nu faa ɲɔi ma ga faa ʋagɔi.

9 Wooveledai mina ɠɛ nɛɛbɛi zu. À faa ɲɔi wɔinzeɠe, wo ɠili kpe faa ʋagɔi ʋa.

Tɛnɛ gaaɓelagiti

17 Kɛ̀ɛleaiti, nà wo maanɛɛnɛzu, à dama ga naati ta-vai, niiti ti gaaɠwɛɛ vai ɠɛɛzu, ti kidaaleʋe nuiti kakasu, ti ti wuzeɠezu kalagi laalɔɠɔma, nii wo sɔlɔɔgai. À maaɠooza ti ʋa.

5 Wozakalagi ɠa volozu kpidii zu, tama kpidii la soni.

15 À dama, nu mina faa ɲɔi ʋotokula ga faa ɲɔi, kɛlɛ à ʋilɛ faa ʋagɔi ɠɛɛ vai ʋolu yeenɔpɛ, wo naa ɠɛ ɓɔɠɔ yɔɠɔzu, ta nuɓusɛi pɛ bɛ.

21 Kɛlɛ à faiti pɛ buuʋɛtɛ, zɔi pagai wo naa zo, 22 wo ɓɔɠɔ zo, wo-yee mina ɠɛ faa ɲɔu ɠɛɛ vai ma zii tanɔpɛ su.

13 Mina va bu, gi ʋa loo tɛgai zu,

kɛlɛ gi ɠizo faa ɲɔi ma.

[Mazɔlɔɔ ɗa ɠa è-ʋo ge ga masadai,

ta zobogi, naa ʋɛɛ lɛbiyai ʋa, eyɛsu ɠɔ. Amina.]*

15 Gè la è maanɛɛnɛzu ga è ti ɠula eteai zu, kɛlɛ è ɓaa ti maazu Inɛgi laalɔɠɔma.

7 Ɠɔoɠɔ GALAGI ɠa faa ɲɔi kpein kpudɛ è maazu,

toɠa è-yɛnvui makɛ.

8 Ɠɔoɠɔ GALAGI ɠa ɓaa è maazu, é zo è ɠula yeei ma,

é li è ɠalema voloi ʋɔ,

é zo niizu ma, eyɛsu ɠɔ.

18 Maliɠii ɠa kùla kɛɛwoti ɲɔiti pɛ su. Toɠa kìzo, é dɔ̀ ná-masadai zu geeɠɔlɔgi zu. Lɛbiyai ɠɛ tɔun bɛ, eyɛsu ɠɔ! Amina!

11 À ɓɔɠɔ maaɠili ga GALA ná-kɔɔɠɔ zɔɔlaiti pɛ, naa ɠa a kɛ wo lo kpaan, Inɛgi ná-yaava vaiti pɛ daalɔɠɔma.

12 Mazɔlɔɔ nuɓusɛiti tɛi, de ʋa ɠɛ ti zakpesu, kɛlɛ zɛnvu ɲɔiti ka de ti zakpesu, niiti ti geezuʋɛ: niiti ti devei wosu, ta niiti zobogi ti ya, naa ʋɛɛ niiti ba, ti zeini niima etea ɲɔi unda.

26 Wa yiiɠaawanana, à mina koto ɠɛ. Ziiɠaawanai mina yɛ wo ɠɔbu, foloi a ʋa da. 27 À mina pele tanɔpɛ fe Inɛgi ya.

20 Wo ɠisiɛni ga wo faa ɲɔu ɠɛ ga ze, kɛlɛ GALA ge naa valiboni, é kɛ ga faa ʋagɔ, ga naa laazeeli, nii é ɠɛɛzu za, naa ɠa a kɛ nuɓusɛ mɔinmɔin zɛnvui ɠizo.

21 Naa ɠa é ba, à kɔzɔba vaiti pɛ pili ya, ta nii pɛ a nu ɠɛ ga nu ɲɔu. Wooi nii siingai wo-yiimaʋɛ, à naa zo sɛsɛbogi zu, tɔ ɠa a zoo é wo-yɛnvuiti kizo.

9 Ni da laana zɔ ga ga da-ɠotoiti, toɠa ga wooɠɛɠila nu ta telebo nu, é da-ɠotoiti suvaayɛ de ʋɛ, é telebotalai pɛ gba de ʋa.

20 É zɛba é ɠɛ ti ma ʋolu: «Nii é ɠulazu nui zu, naa ɠa a ɗa kɔzɔ. 21 Tɔɔzei nui ɠoozuʋɛ, ziimaʋɛ ɠa kisiɛ ɲɔiti ta ɗa zeɠe ná, niiti ti diizu koloɠologi ta unmai ma, naa ʋɛɛ nu ʋaa vai 22 ta wɛɛnziɛgi ʋa, ta koozu yii, ta suɲɔulai, naa ʋɛɛ yaavai ta ɓaaɠulama vai ʋa, ta toloi, ta tɔɠɔ ɠoloɠologi, naa ʋɛɛ wasogi ta ɠimalala vai ʋa. 23 Naama vaa ɲɔiti pɛ ta zeɠezu nui yiimaʋɛ, ti ɗa kɔzɔ.»

12 Wɔinzeɠemai ɠa ɗa sakpegi ɠaazo,

kɛlɛ nɛɛbɛi ɠa ɗa faaɠaazagi pɛ suvaayɛ.

9 «Ɠɔoɠɔ GALAGI, Fai-Pɛ-Maliɠii wooi ɠaa: À ɗa tukpɔiti gaaleʋe ga gaamai, wo ɠilagilagi pɛ ge ɗa wooɠɛɠiladai ta gaazumaawɔinɠai ɠɛ bɔɔlai ʋɛ. 10 À mina ɗa ga poanzaiti, ta podointi suziɠa, ta seikɔɠɔma nuiti, ta niiti kpein ti kpalaiti su. Wo tanɔpɛ ge mina faa ɲɔu ɓɛtɛ bɔɔlaiti daalɔɠɔma.»