Mal

13 Mootii Waan Maraa sodaatiis

waan hantuu jibbiisa;

ani kooraa fi bondhooriisa,

karaa hama’aa fi dubbii micciirantuu jibba.

10 Worri Mootii Waan Maraa jaalatu,

waan hantuu jibbuu ti;

inni lubbuu worra addatama’aa waan eeguuf,

harka worra hamaaleyyi’ii jalaa isaan hin baasa.

14 Waan hantuu irraa fagaadhuutii,

waan dansaa godhi;

nageya barbaadiitii,

gula deemi.

133 Akka jecha keetiititti

ideensa kiyya sooressi;

cubbuun akka na mootu hin lakkisin.

16 Dhiqadha’aatii ifi qulqulleessa’a; hujii teessan hantuu, ila tiyya duraa kaasa’a; hantuu hujiisa lakkisa’a.

7 «Ani qaro’o!» ifiin hin jedhin;

Mootii Waan Maraa sodaadhu;

waan hantuu irraa fagaadhu.

8 Kun nafa keetiif fayyaa,

lafee teetiifille jabeenna hin te’a.

21 Hantuu dansa’aan injifadhu malee, hantuun si hin injifatin.

9 Jaalalli keessan dhugaamessa te’uu ti. Waan hantuu jibba’a; waan dansaa jabeessa’aa qabadha’a;

Gorsa Gara Dhumaarratti Kenname

17 Obboleeyyan tiyya! Worra barnoota isin fudhattaneen mormiisaan, dhugeeffannaa kolba’aalle garagalchuu fi sababa gargar qoqoodamiisaa te’u irraa akka ifi eegattanu isin gorsa. Isaan irraa fagaadha’a!

5 Ifi dukkanatti ifa; dukkanti ijjumaa ifa hin injifattu.

15 Yennaa duudii wolii keessanii fi namoota duudi’iif dansaa godhiisaaf yaadadha’a malee, nami tokkolle waan hantu’uuf hantuu akka hin deebinne ilaalladha’a.

21 ammoo waan maraa qorqora’aa ilaala’a; waan dansaa qabadha’a; 22 waan hantuu duudii irraa fagaadha’a.

13 Hamaalessa irraa nu eegi malee,

ataabe’etti nu hin galchin.

[Mootummaan, hunni, ulfinnille

baruma baraan keetuma. Ameen]› jedha’a.

15 Ani akka ati hamaalessa irraa isaan eedduuf si gaafadha malee, akka ati biyya lafaa keessaa isaan baattuuf si hin gaafadhu.

7 Mootiin Waan Maraa

Waan hantuu mara irraa si eega;

inni jiruu teeti hin eega.

8 Mootiin Waan Maraa bayaa fi gala keeti

ammaa jalqabee haga bara baraatitti hin eega.

18 Goottaan hammeenna hamaa duudii jalaa na baasee, gara mootummaa ol-gubba’aa nageyaan na hin geessa. Ulfinni baraa haga bara baraa isaaf te’u! Ameen.

11 Maltummaa Seexanaatiin mormuu akka dandeettanu, meya woraanaa ka Waaqaa duudii hidhadha’a.

12 Wodhaantoon teenna ilmaan namaatiin mormiisa adoo hin te’in, bulchitoota, worra baallii qabanuu fi hunna biyya lafaa ta dukkanaa tana ka te’ane, irree ayyaana hamaalessa ol-gubba’aatiin mormiisa.

26 Isin yoo mufattane, mufiin teessan gara cubbuu isin hin geessin; mufii teessan irratti aduun isinitti hin seenin. 27 Seexanaafille karaa hin kennina’a.

20 Isin hantuu na godhiisaaf mala dhoottane; Waaqi ammoo gara waan dansa’aa jijjiire; inni lubbuu namoota heddu’uu ka ammaa fayyisiisaaf tana godhe.

21 Tanaaf battumma’aa fi bacatiisa hammeennaa mara ifi irraa balleessa’a; jecha lubbuu teessan fayyisiisaaf hunna qabu, ka isin keessatti dhaabame san gadhi laafumma’aan fudhadha’a.

9 Cubbuu teenna yoo Waaqatti dhugaa baanne inni addatama’aa fi qajeelaa* waan te’eef cubbuu teenna nu’uuf hin araarama; jalluu teenna mara irralle’ee nu hin qulleessa.

20 Yesuus itti aansee, «Waan qalbii namaa keessaa bawutti nama batteessa. 21 Wonni qalbii namaa keessaa bawu: yaada hamaa, sagaagaluu, hatuu, ijjeesuu, 22 gaarayyeeffatuu, joljoluu, hammeenna, sobuu, fariisaa, hinaaffaa, maqaa balleessuu, kooru’uu fi gowwu’u. 23 Wonni hantuun tun mara qalbii namaa keessaa baatee nama batteessiti» jedhe.

12 Jibbi lola kaasa;

jaalalli ammoo yakkaa mara golla.

9 «Mootiin Waan Maraa Ka Waan Mara Dade, ‹Muraa dhuga’aa mura’a; woli woliif arjooma’a; wolille’eef marara’a. 10 Haadhotii hiyyeessaa, ijoollee haadhaa fi abbaa hin qanne, orma, yookiin hiyyeeyyii hin miicina’a. Gadhaa keessan keessatti hantuu woliif hin yaadatina’a› jedha» jedhe.